MINHLANGANO YA NTIRHO YA SEPTEMBER
Vhiki Leri Sungulaka Hi September 4
Risimu 224
10 min: Switiviso swa vandlha ni Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo.
15 min: “Ku Olovisiwa Ka Malunghiselelo Ya Ntsombano Wa Muganga Wa 1995.” Xiengetelo. Nkulumo eka tindzimana 1-8, leyi faneleke ku nyikeriwa hi mulanguteri la ungamelaka. Kandziyisa mimbuyelo leyinene ya ndzulamiso wa ku pfumaleka ka ntirho wa swakudya.
20 min: “Pfuna Van’wana Leswaku Va Vuyeriwa.” Hlamusela swingheniso leswi ringanyetiweke, kutani u va ni minkombiso mimbirhi yo koma.
Risimu 204 ni xikhongelo xo pfala.
Vhiki Leri Sungulaka Hi September 11
Risimu 216
5 min: Switiviso swa vandlha. Xiviko xa timali.
20 min: “Ku Olovisa Malunghiselelo Ya Ntsombano Wa Muganga Wa 1995.” Xiengetelo. Swivutiso ni tinhlamulo eka tindzimana 9-19, yi fanele ku nyikeriwa hi matsalana wa vandlha. Yisa nyingiso eka bokisi ra switsundzuxo emakumu. Kandziyisa ku tirhisa vutlhari malunghana ni ku ta ni swakudya leswi faneleke ntsena ni swilo leswi lavekaka entsombanweni.
20 min: “Xana Vana Va Wena U Va Vekele Tipakani Tihi?” Swivutiso ni tinhlamulo. Vana ni muntshwa un’we kumbe vambirhi kumbe vanhu lavakulu lava nga xikombiso lexinene lava tirheleke Yehovha ku sukela evuntshweni bya vona va hlamusela ndlela leyi vatswari va vona va va pfuneke ha yona ku hlawula tipakani ta nkoka leti fambisanaka ni swilaveko swa Mfumo.
Risimu 187 ni xikhongelo xo pfala.
Vhiki Leri Sungulaka Hi September 18
Risimu 168
10 min: Switiviso swa vandlha. Mulanguteri la ungamelaka u pfuxeta ntirho wa vandlha wa n’wexemu, a nyikela xibumabumelo kun’we ni swiringanyeto swo antswisa. Kandziyisa pakani ya ku va hinkwavo va va kona evutirhelini nkarhi na nkarhi naswona ngopfu-ngopfu ku pfuniwa vahuweleri lava nga khuvuriwangiki leswaku va endla leswi fanaka.
15 min: “Tirhisa Timagazini Ta Hina Hi Ndlela Leyinene.” Nkulumo leyi hisaka hi mulanguteri wa ntirho, leyi sekeriweke eka tindzimana 1 ku ya eka 13 ta xiengetelo.
20 min: “Landzelela Ku Tsakela Hinkwako Leswaku U Vuyerisa Van’wana.” Hlamusela swingheniso leswi ringanyetiweke swa maendzo yo vuyela. Makwerhu loyi a fambisaka xiphemu lexi u bula ni vahuweleri vambirhi kumbe vanharhu malunghana ni leswi va nga ta swi vula kutani a va kombela ku kombisa swingheniso swa vona.
Risimu 162 ni xikhongelo xo pfala.
Vhiki Leri Sungulaka Hi September 25
Risimu 177
5 min: Switiviso swa vandlha.
15 min: “Endlani Hinkwaswo Ku Dzunisa Xikwembu.” Nkulumo ni ku hlanganyela ka vayingiseri leyi fambisiwaka hi nkulu. Loko nkarhi wu pfumela, endla tinhlamuselo leti engetelekeke leti sekeriweke eka Xihondzo xo Rindza xa August 15, 1992, matluka 15-20.
10 min: “Ku Kamberiwa Hi Yehovha—Ha Yini Ku Vuyerisa?” Nkulumo leyi khutazaka hi nkulu.
15 min: “Tirhisa Timagazini Ta Hina Hi Ndlela Leyinene.” Bula ni vayingiseri hi tindzimana 14 ku ya eka 17 ta xiengetelo. Kandziyisa ku endla matshalatshala yo hlawuleka yo hangalasa Xihondzo xo Rindza ni Xalamuka! hi October. Tanihi leswi timagazini ti humesiwaka hi tindzimi to hambana-hambana, hi fanele ku byela vanhu lava vulavulaka tindzimi timbe leswaku hi nga va nyika timagazini nkarhi na nkarhi hi tindzimi ta ka vona. Ensin’wini leyi tirhiwaka nkarhi na nkarhi, ku hangalasiwa ka timagazini ta hina ku nga va ndlela leyi humelelaka swinene ya ku hlakulela ku tsakela, tanihi leswi ti nyikelaka rungula lerinene vhiki na vhiki. Vana ni ndyangu lowu kombisaka ku titoloveta marungula, hi laha swi hlamuseriweke ha kona eka ndzimana 14. Nakambe, kombisa swiringanyeto swin’wana leswi tirhaka swo engetela ku fambisiwa ka tona.
Risimu 193 ni xikhongelo xo pfala.