SWITIVISO

◼ Tibuku leti nga ta tirhisiwa hi September: U Nga Hanya Hi Masiku aParadeyisini eMisaveni hi munyikelo wo hlawuleka lowu hungutiweke wa R8,00. Tibuku ta mpimo lowutsongo i R4,00. (Eka tsima ra nsimu leyi nga aviwangiki minxavo leyi, leyi hungutiweke ya buku leyi nge Hanya Hi Masiku yi tirha eka tin’hweti letinharhu hinkwato.) Ku fanele ku endliwa matshalatshala yo sungula tidyondzo ta le kaya ta Bibele. October: Swikhokhelo swa lembe rin’we swa Xalamuka! ni Xihondzo xo Rindza leswi taka hi poso, hi munyikelo wa R33,00 eka minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe tin’hweti ta tsevu eka minkandziyiso leyi humaka kambirhi hi n’hweti i R16,50. Swikhokhelo swa ntlawa i R19,00 na R9,50 hi ku hambana ka swona. Endla matshalatshala yo hlawuleka leswaku u fambisa tikopi ta timagazini loko nyiko yi ariwa. November: Fambisani buku leyi nge Ku Lavisisa Ka Vanhu Xikwembu hi munyikelo wa R5,30.

◼ Mulanguteri la ungamelaka kumbe un’wana la hlawuriweke hi yena u fanele ku hlaya timali ta vandlha hi September 1 kumbe hi ku hatlisa hi laha swi nga kotekaka ha kona endzhakunyana ka sweswo. Endla xitiviso evandlheni loko leswi se swi endliwile.

◼ Vakulu va tsundzuxiwa leswaku va landzelela swiletelo leswi nyikeriweke eka matluka 21-⁠3 ya Xihondzo xo Rindza xa April 15, 1991, malunghana ni vanhu lava susiweke kumbe lava tihambaniseke, lava kumbexana va lavaka ku tlheriseriwa.

◼ Mavandlha ma fanele ku sungula ku oda 1996 Calendar of Jehovah’s Witnesses eka oda ya wona ya tibuku ya September. Tikhalendara ti ta kumeka hi Xibunu, Xifurwa, Xigriki, Xijarimani, Xinghezi, Xintariyana, Xiputukezi, Xisuthu, Xixhosa na Xizulu. Leswi i swilo leswi lawuriwaka hi xitoko. Mavandlha lama nga riki na yona akhawunti ni Sosayiti kumbe lama nga ni xikweleti eka akhawunti ya wona ma fanele ku rhumela oda ya wona ni mali.

◼ Hi Mugqivela, October 14, 1995, kaya ra Bethele ni fektri swi ta va swi pfarile leswaku swi basisiwa, hikwalaho malunghiselelo ya vapfhumba a ma nge vi kona.

◼ Hi tsundzuxa MAVANDLHA HINKWAWO leswaku ma oda makhadi ya Advance Medical Directive/Release ni ti-Identity Card hi ku hatlisa hi laha swi nga kotekaka ha kona eka fomo ya Literature Order (S-⁠AB-⁠14). Mavandlha lama nga riki na akhawunti ni Sosayiti kumbe lama nga ni xikweleti eka akhawunti ya wona ya tibuku ma fanele ku rhumela oda ya wona ni mali. Makhadi ya nkongomiso wa vutshunguri i cheleni rin’we kasi ti-Identity Card i nhungu wa tisente rin’we. Hi kombela mi ma oda hi swiputsa swa 20 loko swi koteka. Hi kombela leswaku mi nga ma avi sweswi makhadi lawa, kambe mi ma veka ku kondza Sosayiti yi mi nyika swiletelo swin’wana.

◼ Tibeji ta ntsombano wa muganga wa 1995 ti fanele ku odiwa naswona ti ta chajiwa eka akhawunti ya vandlha ya tibuku hi nhungu wa tisente khadi rin’we. Mavandlha lama nga riki na yona akhawunti ni Sosayiti kumbe lama nga ni xikweleti eka akhawunti ya wona ma fanele ma rhumela oda ya wona ni mali. Hi kombela mi oda hi swiputsa swa 20 loko swi koteka. Tibeji ti kumeka hi Xibunu, Xinghezi, Xiputukezi, Xisuthu, Xixhosa ni Xizulu. Hi kombela mi endla oda ya n’wina hi ku tirhisa fomo ya Literature Order (S-⁠AB-⁠14). Tioda leti ti fanele ti fika eka Sosayiti ku nga si hundza November 1, 1995. Endzhaku ka sweswo a hi nge swi hlamuli swikombelo swa tibeji.

◼ Swi ta tlangeriwa swinene loko lava tsalelaka Sosayiti va tsala mavito ya vona ni adirese leyi heleleke ya poso emahlweni ka mvhilopho, ekhonweni ya le henhla evokweni ra ximatsi kumbe eka tlhelo lerin’wana ra mvhilopho. Loko mavandlha ma tsalela Sosayiti, ma fanele ku tsala vito ni nomboro ya vandlha ra wona. Leswi i swa nkoka swinene tanihi leswi swi pfunaka Sosayiti ku tamela mapapila.

Swi ya emahlweni eka tluka 9

Switiviso (swi sukela eka tluka 2)