MINHLANGANO YA NTIRHO YA OCTOBER
Vhiki Leri Sungulaka Hi October 2
Risimu 149
10 min: Switiviso swa vandlha. Switiviso leswi hlawuriweke leswi humaka eka Vutirheli Bya Hina Bya Mfumo.
15 min: “Dzunisa Yehovha Nkarhi Hinkwawo.” Swivutiso ni tinhlamulo. Kandziyisa ku tirhisiwa ka Matsalwa ya tindzimana leti kombisiweke ni leti tshahiweke.
20 min: “Fambisa Swikhokhelo Nkarhi Wun’wana Ni Wun’wana.” Bula hi tinhla-nkulu, kutani u hlamusela swihloko leswi nga ha tirhisiwaka ku pfuxa ku tsakela xikhokhelo. Vana ni minkombiso mimbirhi kumbe minharhu. Loko xikhokhelo xi nga amukeriwi fambisa timagazini timbirhi. Tiyiseka leswaku u tivisa vandlha hi Siku ra Timagazini ra n’hweti, naswona u rhamba hinkwavo leswaku va hlanganyela.
Risimu 153 ni xikhongelo xo pfala.
Vhiki Leri Sungulaka Hi October 9
Risimu 131
10 min: Switiviso swa vandlha. Xiviko xa timali.
20 min: “Ntsombano Wa Muganga Wa ‘Vadzunisi Lava Tsakeke’ Wa 1995.” Ku hlanganisiwa tindzimana 1-16 hi swivutiso ni tinhlamulo.
15 min: “Xana Hi Tshama Hi Xalamukile—Hi Papalata Swihinga?” Swivutiso ni tinhlamulo. Loko nkarhi wu pfumela, nyika tinhlamuselo leti engetelekeke leti sekeriweke eka Xihondzo xo Rindza xa May 1, 1992, matluka 20-2.
Risimu 128 ni xikhongelo xo pfala.
Vhiki Leri Sungulaka Hi October 16
Risimu 120
10 min: Switiviso swa vandlha. Vulavula hi xibukwana lexi nge Good News for All Nations, lexi nga ni swingheniso swa yindlu na yindlu hi tindzimi to hambana-hambana ta 59. Khutaza ku tirhisiwa ka xibukwana lexi loko ku hlanganiwa ni vanhu lava va vulavulaka tindzimi timbe ensin’wini.
20 min: “Ntsombano Wa Muganga Wa ‘Vadzunisi Lava Tsakeke’ Wa 1995.” Ku hlanganisiwa tindzimana 17-28 hi swivutiso ni tinhlamulo. Hlamusela “Switsundzuxo Swa Ntsombano Wa Muganga.” Loko nkarhi wu pfumela hlamusela vuxokoxoko lebyi faneleke lebyi nga eka xihloko lexi nge “Ku Olovisa Malunghiselelo Ya Ntsombano Wa Muganga Wa 1995,” lexi humelelaka eka Vutirheli Bya Mfumo bya September 1995.
15 min: “Ku Endla Maendzo Yo Vuyela U Ri Ni Xikongomelo.” Bula hi tipakani ta hina loko hi endla maendzo yo vuyela. Hlela ku va na vahuweleri lava nga ni vuswikoti va kombisa swingheniso swimbirhi swo hambana.
Risimu 130 ni xikhongelo xo pfala.
Vhiki Leri Sungulaka Hi October 23
Risimu 100
10 min: Switiviso swa vandlha. Marungula Ya Swa Mfumo.
15 min: “Swa Hi Boha Ku Va Ni Vandlha.” Swivutiso ni tinhlamulo.
20 min: Pfuxa Ku Tsakela Nhlengeletano. Mulanguteri wa ntirho u bula ni vahuweleri vambirhi kumbe vanharhu, a tirhisa broxara leyi nge Timbhoni Ta Yehovha—Ti Endla Ku Rhandza Ka Xikwembu Hi Vun’we eMisaveni Hinkwayo. Hlamusela mhaka leyi swi pfunaka ha yona ku tivisa lava tsakelaka hi ta matirhelo ya nhlengeletano, ndlela leyi mintirho yo hambana-hambana yi endliwaka ha yona ni ndlela leyi va nga katsekaka ha yona. Hlamusela tinhla leti nga eka matluka 14 na 15 eka xihloko lexi nge “Minhlangano Yo Kombana Rirhandzu Ni Mintirho Leyinene.” Hi ku komisa ntlawa wu kombisa ndlela leyi mhaka leyi yi nga katsiwaka ha yona ebulweni ra riendzo ro vuyelo kumbe edyondzweni ya Bibele ku pfuna munhu la tsakelaka leswaku a tlangela xilaveko xo va kona eminhlanganweni.
Risimu 126 ni xikhongelo xo pfala.
Vhiki Leri Sungulaka Hi October 30
Risimu 159
10 min: Switiviso swa vandlha. Leswi tiholideyi ta misava ta December ti tshinelaka, khutaza hinkwavo ku anakanya hi ku tsarisa tanihi maphayona ya nkarhinyana. Kandziyisa xilaveko xa ku va hinkwavo va tisa swiviko swa vona swa ntirho hi ku hatlisa leswaku matsalana a ta swi rhumela eka Sosayiti ka ha ri nkarhi.
15 min: Xana U Tshama U Ringeta Ku Hundzisela Mhaka Emahlweni? Nkulumo. Vahuweleri van’wana va kote ku sungula tidyondzo letintshwa ta Bibele hi ndlela leyi: Endzhaku ka loko va dyondze nkarhinyana ni munhu la tsakelaka, va vutise munhu yoloye loko a tiva un’wana wa vanghana vakwe, maxaka kumbe lava a va toloveleke lava va nga ha tsakelaka dyondzo ya Bibele. Hakanyingi va nyikiwa mavito yo tala. Vutisa loko swi ta va swi lulamile loko wo tirhisa vito rakwe loko u va endzela. Loko u n’wi endzela u nga ha ku: “Swimanimani u tiphine ngopfu hi ku dyondza Bibele lerova u anakanya leswaku na wena u ta tsakela ku pfuniwa hi nongonoko wa hina wa mahala wa dyondzo ya Bibele.” Leswi swi nga endla nongonoko lowu tirhaka wa maendzo yo vuyela lama nga hundzukaka tidyondzo ta Bibele. Katsa ntokoto wun’we kumbe mimbirhi leyi humaka eka vahuweleri lava va kumeke vanhu lava tsakelaka kumbe ku sungula tidyondzo letintshwa hi ku tirhisa ndlela leyi.
20 min: Fambisa Buku leyi nge Ku Lavisisa Ka Vanhu Xikwembu Hi November. Leswi vanhu vo tala va nga ni Bibele, hi fanele ku va komba mhaka leyi swi nga swa nkoka ha yona ku yi hlaya. Pfuxeta tinhla leti nga ebukwini leyi nge Reasoning, matluka 58-60. Hlaya “Nhlamuselo,” u hlamusela xivangelo xa ku humesiwa ka yona. Vana na muhuweleri la nga ni vuswikoti a endla nkombiso wo koma a tirhisa tinhla leti nga eka tindzimana 2 ku ya ka 4 ebukwini leyi nge Ku Lavisisa Ka Vanhu Xikwembu, tluka 367.
Risimu 138 ni xikhongelo xo pfala.