Switiviso
◼ Tibuku leti nga ta fambisiwa hi August: Broxara yihi na yihi ya matluka ya 32 eka leti landzelaka hi munyikelo wa R1,00 yin’we: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini? na Xana Xikwembu Xa Hi Khathalela Hakunene? Laha swi fanelaka ku nga ha fambisiwa broxara leyi nge Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene? September: U Nga Hanya Hi Masiku aParadeyisini eMisaveni hi munyikelo wa R8,00 mpimo lowukulu, kumbe R4,00 mpimo lowutsongo. Mavandlha lama nga ni buku leyi nge Ku Endla Vutomi Bya Ndyangu Wa Wena Byi Tsakisa exitokweni ma nga ha tlhela ma fambisa buku leyi. October: Swikhokhelo swa lembe rin’we hi poso swa Xalamuka! na Xihondzo xo Rindza hi munyikelo wa R38,00 eka minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa minkandziyiso leyi humaka kambirhi hi n’hweti xa tin’hweti ta tsevu i R19,00. Swikhokhelo swa ntlawa i R24,00 na R12,00 hi ku ya hi tin’hweti ta kona. Endlani matshalatshala yo hlawuleka leswaku mi fambisa tikopi ta timagazini loko xikhokhelo xi ariwa. November: Vutivi Lebyi Yisaka eVuton’wini Lebyi Nga Heriki hi munyikelo wa R3,50. Tikarhateleni ku tlhelela eka lava mi va fambiseleke buku leyi, hi xikongomelo xo sungula tidyondzo ta le kaya ta Bibele.
◼ Hi August 30, 1996, ku ya eka August 31, 1996, Sosayiti yi ta kambisisa xitoko xa tibuku hinkwato leti nga kona eBethele. Hikwalaho ka nkambisiso lowu, a ku nge vi na tibuku leti nga odiwa hi vandlha leti nga ta rhumeriwa kumbe ku ta ti ta tekiwa emasikwini wolawo.
◼ Vandlha rin’wana ni rin’wana ri ta kuma tifomo tinharhu ta Literature Inventory (S-AB-18). Matsalana wa vandlha u fanele a hlangana ni nandza wa tibuku eku sunguleni ka August ivi va veka siku ra ku hlaya xitoko xa tibuku ta vandlha eku heleni ka n’hweti. Tibuku hinkwato leti nga exitokweni ti fanele ti hlayiwa, naswona ntsengo wa tona wu nga nghenisiwa eka fomo ya Literature Inventory. Ntsengo wa timagazini leti nga kona wu nga kumiwa eka nandza wa timagazini. Hi kombela mi rhumela fomo eka Sosayiti ku nga si hundza September 6. Kopi ya vumbirhi yi vekeni eka tifayili ta n’wina. Kopi ya vunharhu yi nga ha tirhiseriwa ku tsalela eka yona. Ku hlayiwa ka xitoko ku fanele ku kongomisiwa hi matsalana, naswona fomo leyi heleleke yi fanele yi kamberiwa hi mulanguteri la ungamelaka. Matsalana ni mulanguteri la ungamelaka va ta sayina fomo leyi.
◼ Tibeji ta ntsombano wa muganga wa 1996 ti fanele ti odiwa naswona ti ta chajiwa eka akhawunti ya tibuku ta vandlha hi nhungu wa tisente beji yin’we. Mavandlha lama nga riki na akhawunti eka Sosayiti, kumbe lama nga ni xikweleti eka akhawunti ya wona ma fanele ku rhumela mali ni odara ya wona. Hi kombela mi oda hi swiputsa swa 20 loko swi koteka. Tibeji ti kumeka hi Xibunu, Xinghezi, Xipedi, Xiputukezi, Xisuthu, Xitswana, Xixhosa ni Xizulu. (Hi kombela mi xiya leswaku tibeji ta Xitswana ni Xipedi sweswi ta kumeka ro sungula.) Hi kombela mi oda hi fomo ya Literature Order (S-AB-14). Tioda leti ti fanele ti fika eka Sosayiti ku nga si hundza November 1, 1996. Endzhaku ka siku leri a hi nge swi hlamuli swikombelo swa tibeji.
◼ Vahuweleri lava kunguhata ku sungula ntirho wa vuphayona bya nkarhi hinkwawo hi September 1, 1996, va fanele va endla xikombelo handle ko dya nkarhi.
◼ Matsalana wa vandlha u ta hlanganisa swiviko swa ntirho leswaku a swi nghenisa eka fomo ya Congregation Analysis Report (S-AB-10). U fanele a tlhela a letela hi vukheta nkulu kumbe nandza wa vutirheli loyi a nga ta va a pfuna ku hlanganisa xiviko. Leswi swi ta endla leswaku rungula leri lavekaka leri nga eka makhadi lama nge Congregation’s Publisher Record (S-21) ri tsariwa hi mfanelo. Fomo ya Congregation Analysis Report (S-AB-10) yi fanele yi tsariwa kahle, naswona yi kambisisiwa hi vukheta hi komiti ya ntirho.
◼ Mavandlha ma tsundzuxiwa ku oda mphakelo lowu eneleke wa tifomo ta lembe ra ntirho ra 1997. Tifomo leti a ti fanelanga ti tlangisiwa; ti fanele ti tirhiseriwa ntirho wa tona ntsena.