Marungula Ya Swa Mfumo

Afrika Dzonga: Hi Mugqivela, November 2, 1996, vamakwerhu va 2024 va ve ni xiendlakalo xo tsakisa loko va hlengeletane eku nyiketeriweni ka Holo leyintshwa ya Nhlengeletano eBellville eKapa Vupela-dyambu. Leswi engeteleke ntsako wa xiendlakalo lexi a ku ri vukona bya muungameri wa Sosayiti, Makwerhu Milton G. Henschel, ni nsati wakwe. U nyikele nkulumo yo nyiketela. Hikwalaho ka musa wa vamakwerhu va le Kapa, swirho swa Komiti ya Rhavi ni vasati va swona swi kote ku va kona eka xiendlakalo lexi xo tsakisa. Hi nkhensa vamakwerhu hikwalaho ka xikombiso xexo lexinene xa rirhandzu ni ku hisekela ka vona Yehovha, leswi kombisiweke hi ku hanana ka vona.

Hi Sonto, vanhu va 9500 va hlengeletane eStellenbosch laha Makwerhu Henschel a nyikeleke kona nkulumo leyi akaka leyi a yi sekeriwe eka Eklesiasta ndzima 12. U byele vantshwa vo tala lava nga enhlengeletanweni leswaku va endla ntirho wa nkarhi hinkwawo wu va ntirho-vutomi wa vona. Loko u endzela eKapa, titwe u ntshunxekile ku endzela ndhawu ya Holo ya Nhlengeletano.