Switiviso
◼ Tibuku leti nga ta fambisiwa hi August: Broxara yihi na yihi ya matluka ya 32 eka leti landzelaka hi munyikelo wa R1,20 yin’we: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini?—U Nga Xi Kumisa Ku Yini?, Xana Xikwembu Xa Hi Khathalela Hakunene? Ensin’wini leyi nga aviwangiki: Vutivi Lebyi Yisaka eVuton’wini Lebyi Nga Heriki hi munyikelo wa R4,00 na U Nga Hanya Hi Masiku aParadeyisini eMisaveni hi mpimo lowukulu ntsena hi munyikelo wa R4,00. September: Xihundla Xa Ntsako eNdyangwini hi munyikelo wa R4,00. October: Xikhokhelo xa lembe rin’we hi poso xa Xalamuka! kumbe xa Xihondzo xo Rindza hi munyikelo wa R48,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R24,00. Swikhokhelo swa ntlawa i R24,00 na R12,00 hi ku hambana ka swona. Tikarhateleni ku fambisa timagazini loko xikhokhelo xi ariwa. Ku sukela exiphen’wini xo hetelela xa n’hweti, ku ta fambisiwa xiphephana lexi nge Kingdom News No. 35. November: Ka ha ta fambisiwa xiphephana lexi nge Kingdom News No. 35. Mavandlha lama nga heta nsimu ya wona hi ku fikelela kaya rin’wana ni rin’wana kumbe laha ku tshamaka vanhu ni kopi ya xiphephana xa Kingdom News No. 35 ma nga ha fambisa buku leyi nge Vutivi.
◼ EBethele ku laveka vamakwerhu lava nga thwasela diesel mechanic, vuplambara, vativi va gezi kumbe va electronic HI XIHATLA. Xana u le xikarhi ka malembe ya 19 na 35, u ni rihanyo lerinene, u titshamele-wexe, kumbe loko u tekile, xana a wu na vana? Xana u nga tiendla u kumeka eka lunghelo ro hlawuleka ra ntirho wa Bethele? Loko u kumeka, hi kombela u tsalela kumbe ku bela Sosayiti riqingo leswaku u kuma rungula leri engetelekeke.
◼ Hi August 29 na 30, 1997, Sosayiti yi ta kambisisa xitoko xa tibuku hinkwato leti nga kona eBethele. Hikwalaho ka nkambisiso lowu, a ku nge vi na tibuku leti nga ta odiwa hi vandlha leti nga ta rhumeriwa kumbe ku ta ti ta tekiwa emasikwini wolawo.
◼ Vandlha rin’wana ni rin’wana ri ta kuma tifomo tinharhu ta Literature Inventory (S-AB-18). Matsalana wa vandlha u fanele a hlangana ni nandza wa tibuku eku sunguleni ka August ivi va veka siku ra ku hlaya xitoko xa tibuku ta vandlha eku heleni ka n’hweti. Tibuku hinkwato leti nga exitokweni ti fanele ti hlayiwa, naswona ntsengo wa tona wu fanele wu nghenisiwa eka fomo ya Literature Inventory. Ntsengo wa timagazini leti nga kona wu nga kumiwa eka nandza wa timagazini. Hi kombela mi heta ntirho lowu hi September 1 ivi mi rhumela tifomo leti eka Sosayiti hi ku hatlisa hilaha swi nga kotekaka hakona endzhaku ka loko mi kume xitatimende xa n’wina xa August. Kopi ya vumbirhi yi vekeni eka tifayili ta n’wina. Kopi ya vunharhu yi nga ha tirhiseriwa ku tsalela eka yona. Ku hlayiwa ka xitoko ku fanele ku kongomisiwa hi matsalana, naswona fomo leyi heleleke yi fanele yi kamberiwa hi mulanguteri la ungamelaka. Matsalana ni mulanguteri la ungamelaka va ta sayina fomo leyi.
◼ Tibeji ta ntsombano wa muganga wa 1997 ti fanele ti odiwa naswona ti ta chajiwa eka akhawunti ya tibuku ta vandlha hi khume ra tisente beji yin’we. Mavandlha lama nga riki na akhawunti eka Sosayiti, kumbe lama nga ni xikweleti eka akhawunti ya wona ma fanele ku rhumela mali ni odara ya wona. Hi kombela mi oda hi swiputsa swa 20 loko swi koteka. Tibeji ti kumeka hi Xibunu, Xinghezi, Xipedi, Xiputukezi, Xisuthu, Xitsonga, Xitswana, Xixhosa ni Xizulu. Hi kombela mi oda hi fomo ya Literature Order (S-AB-14). Tioda leti ti fanele ti fika eka Sosayiti ku nga si hundza November 1, 1997. Endzhaku ka siku leri a hi nge swi hlamuli swikombelo swa tibeji.
◼ HI KOMBELA MI XIYA: Ku cinca ka mintsombano ya muganga leyi landzelaka:
December 12-14: Mafikeng (siku lerintshwa)
December 19-21: Bloemfontein, Gabarone (siku lerintshwa)
December 26-28: Ermelo (Xizulu; i ntsombano wun’wana)
Manzini (Xinghezi; i ndhawu leyintshwa)