Switiviso

◼ Tibuku leti nga ta fambisiwa hi January: Ku Lavisisa Ka Vanhu Xikwembu hi munyikelo wa R7,50. February: Xihundla Xa Ntsako eNdyangwini hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75, kumbe mi fambisa buku yihi ni yihi ya khale leyi nga ni matluka ya 192, leyi mi nga na yona exitokweni hi munyikelo wa R1,00. March: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75, kumbe mi fambisa buku yihi ni yihi ya khale leyi nga ni matluka ya 192, leyi mi nga na yona exitokweni hi munyikelo wa R1,00. Ku fanele ku endliwa matshalatshala yo hlawuleka yo sungula tidyondzo ta le kaya ta Bibele hi buku leyi nge Vutivi. April: Tikopi ta Xihondzo xo Rindza ni Xalamuka! Tshamani mi ri ni broxara leyi nge Leswi Xi Swi Languteleke leswaku mi yi fambisela vanhu lava tsakelaka, naswona tikarhateleni ku sungula tidyondzo ta le kaya ta Bibele.

◼ Vahuweleri hinkwavo lava nga ta va va ri kona eka Nhlangano wa Ntirho wa vhiki ra January 18 va ta nyikiwa khadi ra Advance Medical Directive/Release ni Identity Card ya vana va vona.

◼ Ku sukela hi February, nkulumo leyintshwa ya le rivaleni ya mulanguteri wa xifundzha hi leyi nge “Xana Xikwembu I Xa Xiviri Eka Wena Hi Ndlela Yihi?” naswona ku nga hundzi March 1, yi nga si sungula ku nyikeriwa.

◼ Mavandlha ma fanele ku endla malunghiselelo ya ku tlangela Xitsundzuxo nan’waka hi Ravumune, April 1, endzhaku ka ku pela ka dyambu. Hambiloko nkulumo yo sungula dyambu ra ha vonaka, ku fambisiwa ka swifanekiselo swa Xitsundzuxo a ku fanelanga ku sungula dyambu ri nga si pela. Kumisisani nkarhi lowu dyambu ri pelaka ha wona endhawini ya ka n’wina. Hambileswi swi nga swinene leswaku vandlha rin’wana ni rin’wana ri tlangela Xitsundzuxo ri ri roxe, leswi swi nge koteki minkarhi yin’wana. Laha ku nga ni mavandlha yo hlayanyana lawa hi ntolovelo ma tirhisaka Holo yin’we ya Mfumo, kumbexana vandlha rin’we kumbe ku tlula ma nga ha lava ndhawu yin’wana leyi ma nga ta yi tirhisa eka madyambu wolawo. Loko swi koteka, hi ringanyeta leswaku minongonoko yi siyana hi timinete leti nga riki ehansi ka 40 leswaku mi ta va ni nkarhi wa ku pfuxelana ni vaendzi, wa ku khutaza lavantshwa lava tsakelaka ni ku va mi vuyeriwa hi xitalo eka xiendlakalo lexi. Mi fanele mi anakanyisisa ni hi swiphiqo swa swofamba kun’we ni tindhawu to paka, ku katsa ni ku xikisa ni ku khandziyisa vanhu. Huvo ya vakulu yi fanele ku anakanyisisa hi malunghiselelo lama nga tirhaka endhawini ya ka vona.

◼ Nkulumo yo hlawuleka ya le rivaleni hi nguva ya Xitsundzuxo xa 1999 yi ta nyikeriwa hi Sonto, April 18. Xihloko xa nkulumo leyi hi lexi nge “Vunghana Bya Xiviri Ni Xikwembu Ni Munhu-kulorhi.” Phepha ra nkulumo ri ta rhumeriwa. Mavandlha lama nga ta endzeriwa hi mulanguteri wa xifundzha ni lama nga ta va ni nhlengeletano ya xifundzha kumbe nhlengeletano yo hlawuleka ya siku rin’we eka mahelo-vhiki wolawo, ma ta va ni nkulumo yo hlawuleka eka vhiki leri landzelaka. A ku na vandlha leri faneleke ri va ni nkulumo yo hlawuleka ku nga si fika April 18, 1999.

◼ Sosayiti yi rhandza ku nkhensa swinene hinkwavo lava hi ku hatlisa va hananeke hi swo phalala vamakwerhu hi nkarhi wa hasahasa ya tipolitiki eLesotho eka lembe leri hundzeke.

April 10, 1999, ku ta va Siku ra hina ro hlawuleka ra Timagazini. Enkarhini lowu hundzeke vo tala va tiphinile hi ku hlanganyela entirhweni wa Siku ro hlawuleka ra Timagazini. Swi nga va njhani loko wo sungula ku kunguhata sweswi leswaku u ta hlanganyela hi xitalo nan’waka? Mavandlha ma fanele ma endla tiodara to hlawuleka ta timagazini hi ku hatlisa hilaha swi nga kotekaka hakona.