Switiviso

◼ Tibuku leti nga ta fambisiwa hi April na May: Tikopi ta Xihondzo xo Rindza ni Xalamuka! Tshamani mi ri ni broxara leyi nge Leswi Xi Swi Languteleke leswaku mi ta yi fambisela vanhu lava tsakelaka, naswona tikarhateleni ku sungula tidyondzo ta le kaya ta Bibele. June: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75. July na August: Yin’wana ni yin’wana ya tibroxara leti landzelaka leti nga ni matluka ya 32, yin’we yi nga ha fambisiwa hi munyikelo wa R1,20: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini?, Xana Xikwembu Xa Hi Khathalela Hakunene?, ni leyi nge Loko U Feriwa Hi Loyi U N’wi Rhandzaka. Tibroxara leti landzelaka, Buku Ya Vanhu Hinkwavo, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Our Problems—Who Will Help Us Solve Them?, ni leyi nge Will There Ever Be a World Without War? ti nga fambisiwa laha swi faneleke.

◼ Ha tsaka ku vika leswaku hi 1998 vo tala va tirhe hi matimba eka tsima ra nsimu leyi nga aviwangiki. Ntsengo wa vahuweleri va 6376 va hete tiawara ta 61 356, va fambise 27 231 wa timagazini, ni tibuku ta 7038 ni tibroxara ni swibukwana swa 21 247. Va endle maendzo yo vuyela ya 20 802 ni ku fambisa tidyondzo ta le kaya ta Bibele ta 618. Lexi i xiviko lexinene naswona hi ri langutele hi mahlo-ngati tsima ra 1999 leri nga ta sungula hi August ku ya ka October.

◼ I swa nkoka leswaku Sosayiti yi va ni rhekhodo leyi nga enkarhini ya tiadirese ni tinomboro ta tinqingho ta valanguteri lava ungamelaka ni vamatsalana. Loko ko tshuka ku va ni ku cinca ko karhi, matsalana u fanele a tata fomo leyi nge Presiding Overseer/Secretary Change of Address (S-29) ivi a yi rhumela hi ku hatlisa eka Sosayiti. Leswi swi katsa ni ku cinca ka tikhodi ta ndhawu.

◼ Vamatsalana va mavandlha va fanele va tshama va ri ni mphakelo lowu ringaneke wa tifomo leti landzelaka ta maphayona: Application for Regular Pioneer Service (S-205), Application for Auxiliary Pioneer Service (S-205b), ni leyi nge Notification for Discontinuing Regular Pioneer Service (S-206). Tifomo leti ti nga ha odiwa hi ku tirhisa fomo leyi nge Literature Order (S-14). Ringetani ku va ni mphakelo lowu ringaneke wa lembe. Kambisisani xikombelo xa vuphayona bya nkarhi hinkwawo ivi mi tiyiseka leswaku xi tatiwe kahle. Loko vaendli va swikombelo swa vuphayona va nga ha ri tsundzuki kahle siku leri va khuvuriweke ha rona, va fanele va vula siku leri va anakanyelaka rona ivi va ri hlayisa hi ku ri tsala ehansi.

◼ Lembe leri hundzeke ra ntirho, Tikomiti to Aka ta Swifundzha ti pfune mavandlha ya 37 leswaku ma aka Tiholo ta wona ta Mfumo. Hambiswiritano ka ha ri ni kwalomu ka 280 wa Tiholo ta Mfumo leti lavekaka, xilaveko lexikulu xi le ndhawini ya Pietersburg, Lesotho kun’we na Swaziland. Hikwalaho hi kombela lava nga ni vutshila byo aka ni lava tiyimiseleke ku pfuna etindhawini leti leswaku va tsalela Komiti ya Ntirho ya Vandlha ra ka vona. Komiti leyi yi ta tsala tinhlamuselo ta yona ivi yi ti rhumela eka Sosayiti hi ku hatlisa hilaha swi nga kotekaka hakona. Ku tiyimisela ka wena ku hoxa xandla ku ta pfuna Sosayiti leswaku yi langutana ni ntlhontlho wa ku akiwa ka Tiholo ta Mfumo to tala leti lavekaka.

◼ Mavandlha ma nga sungula ku oda tivholumo ta The Watchtower ni Awake! ta 1998. Tivholumo leti ti ta kumeka hi Xijarimani, Xinghezi ni Xiputukezi. A swi bohi leswaku tioda ti rhumeriwa ni mali loko vandlha ra ka n’wina ri ri ni akhawunti ni Sosayiti. Ti ta chajiwa eka akhawunti ya tibuku ya vandlha. Loko tivholumo ti nga si kumeka naswona ti nga si rhumeriwa, ti ta kombisiwa eka swikomba-minxavo swa vandlha tanihi “Back Ordered.” Mavandlha lama nga ni swikweleti eka tiakhawunti ta wona ta tibuku, ma fanele ma rhumela mali ni tioda ta wona. Tivholumo i ta xitoko lexi ringaniseriweke naswona ti ta chajiwa hi R30,00 yin’we eka vandlha ni maphayona.

◼ HI KOMBELA MI XIYA: Hikwalaho ka vugevenga lebyi andzaka, tihuvo hinkwato ta vakulu ti fanele ti endla malunghiselelo lama faneleke leswaku vamakwerhu va kuma nsirhelelo loko va ri eHolweni ya Mfumo ni le tindhawini leti ku khomiwaka dyondzo ya buku ya vandlha eka tona. (Vona Xihondzo xo Rindza xa December 15, 1998, matluka 21-5.)