Marungula Ya Swa Mfumo

◼ Afrika Dzonga: Etin’hwetini timbirhi to hetelela ta lembe ra ntirho ra 1999, Tiholo ta Mfumo ta 17 ti nyiketeriwile. Kaye wa tiholo leti ti nyiketeriwe eMpumalanga, etindhawini leti landzelaka: Dundonald, Fernie Central, Glenmore, Mkhuhlu, Nsikazi, Ogies, Phokoane, Tubatse na Violet Bank. Tiholo tin’wana leti nyiketeriweke i holo ya Robertson (Western Cape), Lafuta na Seaview (Eastern Cape), De Aar (Northern Cape), Khuma (North West), Chatsworth na Hillcrest (KwaZulu-Natal), na Grootfontein (Namibia). Hikwalaho, eka lembe leri ra ntirho ra 1999 ku nyiketeriwe tiholo ta 35.

Ku endliwe malunghiselelo ya ku nyiketela tiholo tin’wana ta ntlhanu eku sunguleni ka lembe leri ra ntirho lerintshwa. Tanihi leswi Huvo leyi Fumaka yi lavaka leswaku vandlha rin’wana ni rin’wana ri gandzela eHolweni ya rona ya Mfumo, ha mi khutaza hinkwenu leswaku mi anakanyisisa swinene mayelana ni ku pfuna Tikomiti to Aka ta Swifundzha, leti tirhaka hi matimba eku akeni ka Tiholo ta Mfumo, hi ri inkomu eka tikomiti leti.