Switiviso

◼ Tibuku leti nga ta fambisiwa hi January: Vuhundzuluxeri Bya Misava Leyintshwa Bya Matsalwa Ya Vukreste Ya Xigriki ni buku leyi nge Nghwazi Leyi Tshameke Yi Hanya kumbe Ku Lavisisa Ka Vanhu Xikwembu. February: Xihundla Xa Ntsako eNdyangwini. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala lamakulu ya ku sungula tidyondzo ta le kaya ta Bibele. April: Tikopi ta Xihondzo xo Rindza ni Xalamuka! Tshama u ri ni broxara leyi nge Leswi Xi Swi Languteleke leswaku u ta yi fambisela vanhu lava tsakelaka, naswona tikarhatele ku sungula tidyondzo ta le kaya ta Bibele.

◼ Vahuweleri hinkwavo lava khuvuriweke lava nga ta va va ri kona eka Nhlangano wa Ntirho wa vhiki ra January 31, va ta nyikiwa makhadi ya Advance Medical Directive/Release ni Identity Card ya vana va vona.

◼ Ku sukela hi February, nkulumo leyintshwa leyi nga ta nyikeriwa hi valanguteri va swifundzha yi ni xihloko lexi nge “Armagedoni Ya Xiviri—Ha Yini Yi Fanele Yi Va Kona? Naswona Yi Ta Fika Rini?” naswona ku nga hundzi March 5 yi nga si sungula ku nyikeriwa.

◼ Mavandlha ma fanele ma endla malunghiselelo lamanene leswaku ma ta tlangela Xitsundzuxo xa nan’waka hi Ravunharhu, April 19, endzhaku ka ku pela ka dyambu. Hambiloko nkulumo yo sungula dyambu ri nga si pela, ku fambisiwa ka swifanekiselo swa Xitsundzuxo a ku fanelanga ku sungula dyambu ri nga si pela. Kumisisani nkarhi lowu dyambu ri pelaka ha wona endhawini ya ka n’wina. Hambileswi swi nga swinene leswaku vandlha rin’wana ni rin’wana ri tlangela Xitsundzuxo ri ri roxe, minkarhi yin’wana sweswo a swi koteki. Laha ku nga ni mavandlha yo hlayanyana lama tirhisaka Holo yin’we ya Mfumo, kumbexana vandlha rin’we kumbe yo hlayanyana ma nga ha kombela ndhawu leyi ma nga ta yi tirhisa eka madyambu wolowo. Loko swi koteka, hi ringanyeta leswaku minongonoko yi fanele yi siyana hi kwalomu ka 40 wa timinete, leswaku hinkwavo lava nga kona va tiphina hi xiendlakalo lexi va tlhela va kuma nkarhi wa ku pfuxelana ni vaendzi ni ku khutaza vanhu lavantshwa lava ha ku tsakelaka. Mi fanele mi anakanya hi swiphiqo leswi nga vaka kona loko mimovha yi tele ni ndhawu yo paka, ku katsa ni ku xikisa ni ku khandziyisa vakhandziyi. Huvo ya vakulu yi fanele yi hlela malunghiselelo lama nga ta pfumelelana ni ndhawu ya ka vona.

◼ Nkulumo yo hlawuleka ya le rivaleni leyi nga ta nyikeriwa hi nguva ya Xitsundzuxo ya lembe ra 2000, yi ta nyikeriwa hi Sonto, April 16. Nhloko-mhaka ya nkulumo leyi yi ri, “Xivangelo Xa Ku Va Vanhu Va Lava Nkutsulo.” Nkulumo leyi ya ha ta rhumeriwa. Mavandlha lama nga ta va ma endzeriwe hi mulanguteri wa xifundzha, lama nga ni nhlengeletano ya xifundzha kumbe nhlengeletano yo hlawuleka ya siku rin’we hi mahelo-vhiki wolowo, ma ta va ni nkulumo leyi yo hlawuleka vhiki leri landzelaka. A ku na vandlha ni rin’we leri faneleke ku va ni nkulumo leyi yo hlawuleka emahlweni ka April 16, 2000.

◼ Leswi rhavi ra hina ra ha ku komberiwaka hi Huvo leyi Fumaka leswaku ri pfuna eku mpfampfarhuteni ka tipulani ta ku aka marhavi eAfrika, Hofisi ya hina ya Vunjhiniyara yi lava vamakwerhu va xinuna kumbe va xisati lava nga ti-architect kumbe architectural technicians, electrical engineers kumbe technicians, structural engineers kumbe designers, quantity surveyors ni lava nga ti-project coordinator lava nga ni ntokoto.

◼ April 1, 2000, ku ta va Siku ra hina ro hlawuleka ra Timagazini. Enkarhini lowu hundzeke vo tala va tsakele ku hlanganyela evutirhelini hi Siku ro hlawuleka ra Timagazini. Swi nga va njhani loko wo sungula ku hlela ka ha ri sweswi leswaku u hlanganyela hi xitalo nan’waka? Mavandlha ma fanele ma rhumela tiodara to hlawuleka ta timagazini hi ku hatlisa hilaha swi nga kotekaka hakona.

◼ Leswi lunghiselelo lerintshwa ro fambisa tibuku se ri sunguleke ku tirha, Sosayiti a yi nge he vi na tona exitokweni Tibibele ta tindzimi leti tolovelekeke ta laha tikweni, exitokweni ku ta va ni Vuhundzuluxeri Bya Misava Leyintshwa ntsena. Loko xitoko lexi hi nga na xona sweswi xi hela, hi kombela leswaku mi tixavela tona eka vaxavisi lava kumekaka endhawini ya ka n’wina. Hi rhandza ku tsundzuxa un’wana ni un’wana leswaku tibuku hinkwato ti fanele ti odiwa hi ku tirhisa vandlha, hikuva sweswi ndhawu ya tibuku eBethele yi pfariwile.