Switiviso

◼ Tibuku leti nga ta fambisiwa hi February: Xihundla Xa Ntsako eNdyangwini. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala ya ku sungula tidyondzo ta le kaya ta Bibele. April na May: Tikopi ta Xihondzo xo Rindza ni Xalamuka! Tshama u ri ni broxara leyi nge Leswi Xi Swi Languteleke leswaku u ta yi fambisela vanhu lava tsakelaka, naswona tikarhatele ku sungula tidyondzo ta le kaya ta Bibele.

◼ Matsalana ni mulanguteri wa ntirho va fanele va kambisisa ntirho wa maphayona ya nkarhi hinkwawo. Loko ku ri ni phayona leri tikeriwaka hi ku fikelela tiawara leti lavekaka, vakulu va fanele va ri pfuna. Leswaku mi kuma swiringanyeto swin’wana, hlayani mapapila ya Sosayiti ya lembe ni lembe ya S-201 ya October 1. Nakambe vonani tindzimana 12-20 ta xiengetelo xa Vutirheli Bya Hina Bya Mfumo bya August 1986.

◼ Matsalana u fanele a tiyiseka leswaku Komiti yo Aka ya Xifundzha, nkarhi ni nkarhi yi tivisiwa swiyimo swa vahuweleri hinkwavo lava khuvuriweke lava endleke swikombelo swa tifomo ta Kingdom Hall Volunteer Worker Questionnaire (S-82). Loko ku ve ni ku cinca ka swiyimo swa vatirhi va ku tirhandzela, swo tanihi ku rhurha kumbe ku hlawuriwa ku va nandza wa vutirheli kumbe nkulu, tifomo letintshwa ti fanele ti tatiwa hi ku hatlisa ti tlhela ti rhumeriwa. Loko adirese ya mutirhi wa ku tirhandzela yi cincile kumbe tinomboro ta riqingho ra yena ti cincile kumbe a nga ha ri exiyin’weni lexinene ni vandlha, hi ku hatlisa vakulu va fanele va tivisa komiti yo aka ya xifundzha hi papila.

◼ Mavandlha ma fanele ma sungula ku oda Buku Ya Lembe Ya Timbhoni Ta Yehovha Ya 2000 loko ma rhumela oda ya wona ya tibuku hi February. Buku Ya Lembe Ya 2000 yi ta kumeka hi Xifurwa, Xijarimani, Xinghezi, Xintariyana, Xiputukezi, Xisuthu, Xitsonga, Xixhosa ni Xizulu. Ku fikela loko buku leyi yi kumeka naswona se hi sungule ku yi rhumela, yi ta kombisiwa tanihi “Pending” eka nxaxamelo wo rhumela tibuku ta vandlha.

◼ Ku sukela hi vhiki ra April 17, 2000, hi ta dyondza buku leyi nge Nyikela Nyingiso Eka Vuprofeta Bya Daniyele! eka Dyondzo ya Buku ya Vandlha.

◼ Tibuku Letintshwa Leti Kumekaka:

Nyikela Nyingiso Eka Vuprofeta Bya Daniyele!—Xibunu, Xifurwa, Xigriki, Xijarimani, Xinghezi, Xintariyana, Xipedi, Xiputukezi, Xisuthu, Xitsonga, Xitswana, Xivenda, Xixhosa, Xizulu

Vuhundzuluxeri Bya Misava Leyintshwa Bya Matsalwa Yo Kwetsima (bi12)—Xixhosa