Switiviso

◼ Tibuku leti nga ta fambisiwa hi March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala ya ku sungula tidyondzo ta le kaya ta Bibele. April na May: Tikopi ta Xihondzo xo Rindza ni Xalamuka! Tshama u ri ni broxara leyi nge Leswi Xi Swi Languteleke leswaku u ta yi fambisela vanhu lava tsakelaka, naswona tikarhatele ku sungula tidyondzo ta le kaya ta Bibele. June: I Yini Leswi Xikwembu Xi Swi Languteleke Eka Hina? Tikarhatele ku sungula tidyondzo ta le kaya ta Bibele.

◼ Vahuweleri lava hlelaka ku nghenela vuphayona bya nkarhinyana hi April na May, va fanele va hlela ka ha ri sweswi naswona va fanele va tisa swikombelo swa vona ka ha ri ni nkarhi. Leswi swi ta pfuna vakulu leswaku va endla malunghiselelo lama faneleke ya ntirho wa nsimu ni ku endla leswaku ku va ni timagazini leti ringaneke swin’we ni tibuku tin’wana. Mavito ya hinkwavo lava fanelekaka ku va maphayona ya nkarhinyana ma fanele ma tivisiwa evandlheni n’hweti yin’wana ni yin’wana.

◼ Nkandziyiso lowu wa Vutirheli Bya Hina Bya Mfumo wu ni xiyimiso xa dyondzo lexi heleleke xa buku leyi nge Nyikela Nyingiso Eka Vuprofeta Bya Daniyele! U nga tiendlela kopi ya xona ivi u yi nghenisa ebukwini ya wena leswaku u yi tirhisa.

◼ Mulanguteri la ungamelaka kumbe un’wana la hlawuriweke hi yena u fanele a hlaya timali ta vandlha hi March 1 kumbe hi ku hatlisa hilaha swi nga kotekaka hakona endzhaku ka siku leri. Loko se yi hlayiwile, tivisani vandlha hi nkarhi lowu mi endlaka xiviko xa timali xa n’hweti yoleyo.

◼ Xitsundzuxo xi ta va hi Ravunharhu, April 19, 2000. Loko minhlangano ya vandlha ra ka n’wina hi ntolovelo yi khomiwa hi Ravunharhu, yi fanele yi cinceriwa eka siku rin’wana ra vhiki rero loko swi ta koteka ku tirhisa Holo ya Mfumo. Loko leswi swi nga koteki naswona Nhlangano wa Ntirho wa vandlha ra ka n’wina wu khumbeka, tinkulumo leti khumbaka swinene vandlha ra ka n’wina ti nga ha nyikeriwa eka Nhlangano wun’wana wa Ntirho.

◼ Sosayiti a yi swi rhumeli swikombelo swa tibuku swa munhu hi xiyexe. Mulanguteri la ungamelaka u fanele a hlela leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa tibuku eka Sosayiti leswaku hinkwavo lava lavaka tibuku ta vona vini, va ta kota ku kombela makwerhu loyi a khomaka tibuku. Hi kombela mi tsundzuka tibuku leti odiwaka hi ku hlawuleka.

◼ EBethele ku ni xilaveko xa XIHATLA xa vamakwerhu va xinuna ni va xisati lava tivaka Xinghezi ni Xitsonga kahle, lava nga pfunaka hi ntirho wa vuhundzuluxeri. Xana u nga va u ri muhuweleri la khuvuriweke, la nga exikarhi ka malembe ya 19 na 35, la nga muaka-tiko wa Afrika Dzonga, la nga ni rihanyo lerinene, la nga nghenelangiki vukati, kumbe loko u byi nghenerile vukati, a wu na vutihlamuleri byo hlayisa van’wana? Xana u nga swi kota ku amukela lunghelo leri ro hlawuleka ra ntirho wa Bethele? Loko swi ri tano, hi kombela u tsalela Sosayiti kumbe u yi bela riqingho leswaku u kuma rungula leri engetelekeke.