Marungula Ya Swa Mfumo

◼ Afrika Dzonga: Hi n’hweti ya March, ku nyiketeriwe Tiholo tin’wana ta Mfumo timbirhi, ku nga Oukasie (Brits) na Maun (Botswana). Hi tsaka ni vamakwerhu lava, hikwalaho ka leswi sweswi na vona va nga ni tindhawu ta vona ta vugandzeri, endzhaku ka loko ku hundze malembe yo tala. Hikwalaho ka mimpfhuka yo leha leyi vatirhi va ku tirhandzela a va boheka ku yi famba leswaku va ya pfuneta Vandlha ra Maun, swi teke malembe lama tlulaka manharhu ku aka holo ya vona. Komiti Yo Aka Ya Xifundzha ya le Botswana yi pfunetile ku hetisa holo leyi. Nakambe, n’wexemu, ndyangu wun’wana wu angurile eka xirhambo lexi endliweke eka Vutirheli Bya Hina Bya Mfumo bya November 1998, bya ku ya pfuneta laha ku nga ni xilaveko lexikulu, kutani wu hoxe xandla eku hetiseni ka holo leyi loko wu ri karhi wu tirha nsimu ya vanhu lava vulavulaka Xinghezi. Ha tinyungubyisa hi vamakwerhu hinkwavo lava pfuneteke emiakweni leyi ku katsa ni Tikomiti To Aka Ta Xifundzha. Hi khutaza mavandlha lama ha akaka tiholo ta wona leswaku ma tivekela pakani ya leswaku ti nyiketeriwa lembe leri ri nga si hela. Komiti Yo Aka Ya Xifundzha ya ndhawu ya ka n’wina yi ta tsakela ku mi pfuna emhakeni leyi.