Marungula Ya Swa Mfumo

◼ Hi August na September ku nyiketeriwe Tiholo ta Mfumo letintshwa ta 16. Kunene lawa i mahungu lamanene naswona ma tsakisa swinene! Hi August ku nyiketeriwe tiholo ta 11 leti landzelaka: Alice, Middledrift, Ngxaza, Noncampa, Pepeni, Sugarbush na Tabankulu (hinkwato i ta le Eastern Cape), Bhekuzulu na Ethandukukhanya (KwaZulu-Natal), Ga-Rankuwa Zone 1 (eGauteng), na Maseru North (eLesotho). Leswi swi endla leswaku nhlayo ya tiholo leti nyiketeriweke hi lembe ra ntirho ra 2000 yi va 27. Hi September ku nyiketeriwe tiholo ta ntlhanu, ku nga: Nseleni (KwaZulu-Natal), Morija (eLesotho), Gelvandale na Jansenville (aEastern Cape), na Somerset West (eWestern Cape).

Hi tlhela hi nkhensa ni ku tlangela hinkwato Tikomiti to Aka ta Swifundzha (RBC), vatirhi va ku tirhandzela ni mindyangu ya vona, hi moya wa ku tinyiketela ku hoxa xandla eku akiweni ka Tiholo ta Mfumo leta ha lavekaka swinene. Hi ku landza tirhekhodo ta hina, sweswi hi ni Tiholo ta Mfumo to tlula 500 leti nyiketeriweke. Kambe ka ha ri ni xilaveko xa tiholo ta 315 (emavandlheni lawa ha rin’we ri nga ni vahuweleri vo tlula 30). Hi khutaza mavandlha hinkwawo lama lavaka holo leswaku (1) ma kuma xitandi, (2) ma vulavurisana ni RBC ya ndhawu ya kwalaho ni (3) ku hambeta ma nyikela enkwameni wa ku akiwa ka holo ya wona. Huvo leyi Fumaka yi lava leswaku vandlha ha rin’we ri hlanganyela eHolweni ya rona ya Mfumo. Xisweswo, swi ta tlangeriwa loko vamakwerhu vo tala va pfuna ti-RBC eku akiweni ka tiholo leta ha lavekaka swinene.