Switiviso

◼ Tibuku leti nga ta fambisiwa hi February: Nghwazi Leyi Tshameke Yi Hanya kumbe buku yin’wana ni yin’wana ya khale ya matluka ya 192 leyi kandziyisiweke hi lembe ra 1986 kumbe emahlweni ka rona, leyi vandlha ri nga na yona exitokweni. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta le kaya ta Bibele. April na May: Timagazini ta Xihondzo xo Rindza na Xalamuka! Fambisani buku leyi nge Vutivi kumbe broxara leyi nge Leswi Xi Swi Languteleke hi xikongomelo xa ku sungula tidyondzo ta le kaya ta Bibele.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi March 1 kumbe hi ku hatlisa endzhaku ka siku leri. Loko se ti kambisisiwile, tivisani vandlha loko mi endla xiviko xa timali lexi landzelaka.

◼ Matsalana ni mulanguteri wa ntirho va fanele ku kambisisa ntirho wa maphayona ya nkarhi hinkwawo. Loko ku ri ni lawa ma tikeriwaka hi ku fikelela xilaveko xa tiawara ta wona, vakulu va fanele ku endla malunghiselelo ya ku ma pfuna. Leswaku mi kuma swiringanyeto leswi mi nga swi tirhisaka, hlayani mapapila ya Sosayiti ya lembe ni lembe ya S-201 ya October 1. Nakambe vonani tindzimana 12-20 ta xiengetelo xa Vutirheli Bya Hina Bya Mfumo bya August 1986.

◼ Matsalana u fanele a tiyiseka leswaku nkarhi na nkarhi Komiti yo Aka ya Xifundzha yi tivisiwa hi swiyimo swa vahuweleri hinkwavo lava khuvuriweke lava tateke tifomo ta Kingdom Hall Construction Worker Questionnaire (S-82). Loko ku ve ni ku cinca ka swiyimo swa vatirhi va ku tirhandzela, swo tanihi ku rhurha kumbe ku hlawuriwa ku va nandza wa vutirheli kumbe nkulu, ku fanele ku tatiwa tifomo letintshwa hi ku hatlisa ti tlhela ti rhumeriwa. Loko adirese ya mutirhi wa ku tirhandzela yi cincile kumbe tinomboro ta riqingho ra yena ti cincile kumbe a nga ha ri exiyin’weni lexinene ni vandlha, hi ku hatlisa vakulu va fanele va tivisa Komiti yo Aka ya Xifundzha hi papila.

◼ Hi kombela mi xiya leswaku Xitsundzuxo xa lembe ra 2002 xi ta va hi Ravumune, March 28, endzhaku ka ku pela ka dyambu, ku nga ri hi Ravuntlhanu, March 22, hilaha swi kombisiweke hakona emakumu ka 2001 Calendar. Xitiviso lexi xi endliwa ka ha ri ni nkarhi leswaku vamakwerhu va ta endla malunghiselelo lama faneleke yo kuma tindhawu kumbe ku kombela ku tirhisa tiholo tin’wana leti kumekaka, loko ku ri ni mavandlha yo hlayanyana lama tirhisaka Holo yin’we ya Mfumo naswona swi boha leswaku ku tirhisiwa tindhawu tin’wana. Hikwalaho ka leswi xiendlakalo lexi xi nga xa nkoka, loko huvo ya vakulu yi hlawula xivulavuri lexi nga ta nyikela nkulumo ya Xitsundzuxo, yi fanele ku hlawula nkulu la fanelekaka swinene, ematshan’weni yo cincana lembe ni lembe kumbe ku tirhisa makwerhu un’we ntsena lembe rin’wana ni rin’wana. Xiyimo a xi nge fani loko ku ri ni nkulu la nga ni vuswikoti, la nga mutotiwa, la fanelekaka ku nyikela nkulumo leyi.

◼ Mavandlha ma fanele ma sungula ku endla swikombelo swa Buku Ya Lembe Ya 2001 loko ma endla swikombelo swa tibuku swa February. Buku Ya Lembe Ya 2001 yi ta kumeka hi Xifurwa, Xigriki, Xijapani, Xijarimani, Xinghezi, Xintariyana, Xiputukezi, Xisuthu, Xitsonga, Xixhosa ni Xizulu. Kukondza buku leyi yi va kona ni ku sungula ku rhumeriwa, ku ta tsariwa “Pending” emaphepheni ya vandlha ya nxaxamelo wa leswi rhumeriweke. Buku Ya Lembe Ya 2001 yi wela eka swikombelo swo hlawuleka, leswi vulaka leswaku vandlha ri fanele ku endla xikombelo xa yona loko ku ri ni vanhu hi ku kongoma lava endleke xikombelo xa yona; la tamelaka tibuku a nga fanelanga a endlela vandlha xikombelo xa tibuku to tala. Hikwalaho, ku fanele ku hlayisiwa mavito hinkwawo ya lava va endleke swikombelo leswi swo hlawuleka. (Vona Nkongomiso Wa Swikombelo Swa Tibuku Ta Watch Tower, Xiyenge 3.)

◼ Tibuku Letintshwa Leti Kumekaka:

U Nga Va Munghana Wa Xikwembu!—Xibunu, Xichewa, Xifurwa, Xigriki, Xijapani, Xijarimani, Xinghezi, Xintariyana, Xipaniya, Xipedi, Xiputukezi, Xishona, Xisuthu, Xitsonga, Xitswana, Xivhenda, Xixhosa ni Xizulu

Vuhundzuluxeri Bya Misava Leyintshwa Bya Matsalwa Yo Kwetsima (Nkandziyiso lowu tolovelekeke)—Xisuthu ni Xitswana

Vuprofeta Bya Esaya—I Rivoningo Eka Vanhu Hinkwavo I—Xibunu, Xifurwa, Xigriki, Xijapani, Xijarimani, Xinghezi, Xintariyana, Xipedi, Xipolish, Xiputukezi, Xishona, Xisuthu, Xitsonga, Xitswana, Xivhenda, Xixhosa ni Xizulu

◼ Tikhasete Letintshwa Leti Kumekaka:

Kingdom Melodies No. 9 (khasete yin’we)