Switiviso

◼ Tibuku leti nga ta fambisiwa hi March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta le kaya ta Bibele. April na May: Timagazini ta Xihondzo xo Rindza na Xalamuka! Fambisani buku leyi nge Vutivi kumbe broxara leyi nge Leswi Xi Swi Languteleke hi xikongomelo xa ku sungula tidyondzo ta le kaya ta Bibele. June: I Yini Leswi Xikwembu Xi Swi Languteleke Eka Hina? kumbe Vutivi Lebyi Yisaka eVuton’wini Lebyi Nga Heriki. Yisani nyingiso eku sunguriweni ka tidyondzo ta le kaya ta Bibele.

◼ Vahuweleri lava lavaka ku va maphayona ya nkarhinyana hi April va fanele ku sungula ku kunguhata ka ha ri sweswi kutani va tisa tifomo ta swikombelo swa vona ka ha ri ni nkarhi. Sweswo swi ta pfuna vakulu leswaku va endla malunghiselelo lama faneleke ya nsimu kutani va kuma timagazini ni minkandziyiso yin’wana leyi lavekaka. Mavito ya hinkwavo lava fanelekaka, lava endleke xikombelo xa ku va maphayona ya nkarhinyana ma fanele ku tivisiwa evandlheni.

◼ Xitsundzuxo xi ta va hi Sonto, April 8, 2001. Hi siku rero a ku na minhlangano yin’wana leyi nga ta khomiwa handle ka nhlangano wa ntirho wa nsimu ntsena. Vakulu va nga ha endla malunghiselelo lama faneleke yo khoma Dyondzo ya Xihondzo xo Rindza nkarhi wun’wana.

◼ Sosayiti a yi tirhani ni swikombelo swa tibuku swa munhu un’we. Mulanguteri la ungamelaka u fanele ku endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti eka Sosayiti, leswaku hinkwavo lava tsakelaka ku tikumela tibuku ta vona vini va tivisa makwerhu la tamelaka tibuku. Tsundzukani leswaku hi tihi tibuku leti welaka eka swikombelo swo hlawuleka.

◼ Mintsombano ya Muganga ya “Vaendli Va Rito Ra Xikwembu” yi fambe kahle swinene naswona vanhu hinkwavo a va rhiye ndleve enongonokweni lowu akaka. Emintsombanweni ya 41 leyi khomiweke, ku khuvuriwe vanhu va 2 465 naswona ntsengo wa vanhu lava veke kona a va ri 146 277. Sweswi se hi langutele ntlhandlamano wa mintsombano ya 2001.

◼ Ku tlhele ku tirhiwa tin’hweti tinharhu leti veke ni vuyelo lebyinene ni leti tiseke ntsako etsimeni ra nsimu leyi nga aviwangiki. Ntsengo wa vahuweleri va 5 841 va hete tiawara ta 53- 796, va fambisa timagazini ta 28 836, tibuku ta 4 969 ni tibroxara ni swibukwana swa 17 722. Va endle maendzo yo vuyela ya 4 131 va tlhela va fambisa tidyondzo ta le kaya ta Bibele ta 508. Lexi i xiviko lexi khutazaka naswona hi ri langutele hi mahlo-ngati tsima ra 2001.

◼ Tibuku Letintshwa Leti Kumekaka:

Timbhoni Ta Yehovha—I Vamani Xana? Ti Pfumela Yini Ke?—Xibunu, Xifurwa, Xinghezi, Xipedi, Xiputukezi, Xishona, Xisuthu, Xitsonga, Xitswana, Xivhenda, Xixhosa ni Xizulu