Marungula Ya Swa Mfumo

◼ Eka mahelo-vhiki yo hetelela ya January, ku nyiketeriwe Holo yin’wana ya Mfumo eClernaville (le Pinetown) eKwaZulu-Natal. Vandlha leri ri simekiwe hi 1947 naswona vanhu va 207 lava a va ri kona loko yi nyiketeriwa va tsake ngopfu hikwalaho ka ndzima leyi boxiweke hi tlhelo ra moya ematin’wini ya vandlha ra ka vona. Leswi swi endla leswaku ti va 14 tiholo leti nyiketeriweke eka lembe leri ra ntirho. Lava va ha riki eku akeni ka holo ya vona va khutaziwa ku endla hinkwaswo leswi va nga swi kotaka leswaku va yi heta hi ku hatlisa, leswaku holo yoleyo yi ta nyiketeriwa ku nga si hela lembe ra nan’waka ra ntirho.

Eka Marungula Ya Swa Mfumo ya December 2000, ku vuriwe leswi: “Huvo leyi Fumaka yi lava leswaku vandlha ha rin’we ri hlanganyela eHolweni ya rona ya Mfumo.” Mhaka hi leswaku vandlha ha rin’we ri fanele ku hlanganyela eHolweni ya Mfumo, ku nga ri leswaku vandlha rin’wana ni rin’wana ri va ni holo ya rona. Swi lulamile leswaku mavandlha manharhu, ya mune kumbe ku tlula ma tirhisa Holo yin’we ya Mfumo. Kambe, mavandlha lama hlanganyelaka emikhukhwini kumbe eswikolweni ma fanele ku kuma Holo ya Mfumo.