Switiviso

◼ Minkandziyiso leyi nga ta fambisiwa hi September: Buku leyi nge Ku Rhula Ka Ntiyiso Ni Nsirhelelo—U Nga Swi Kuma Njhani? ni leyi nge Vun’we Eku Gandzeleni Ka Xikwembu Xi Ri Xin’we Xa Ntiyiso. October: Timagazini ta Xihondzo xo Rindza na Xalamuka! November: Broxara leyi nge I Yini Leswi Xikwembu Xi Swi Languteleke Eka Hina? kumbe buku leyi nge Vutivi Lebyi Yisaka eVuton’wini Lebyi Nga Heriki. Loko ka ha ri mavandlha lama nga ni Bibele ya Vuhundzuluxeri Bya Misava Leyintshwa Bya Matsalwa Ya Vukreste Ya Xigriki exitokweni, ma nga yi fambisa na yona. December: Nghwazi Leyi Tshameke Yi Hanya ni Vuhundzuluxeri Bya Misava Leyintshwa Bya Matsalwa Ya Vukreste Ya Xigriki.

◼ Vakulu va tsundzuxiwa ku landzela swiletelo leswi nyikiweke eka matluka 21-3 ya Xihondzo xo Rindza xa April 15, 1991, malunghana ni vanhu lava susiweke eku hlanganyeleni kumbe lava tihambaniseke, lava kumbexana va lavaka ku vuyiseriwa.

◼ Rhavi a ri swi tirhi swikombelo swa tibuku swa munhu un’we. Mulanguteri la ungamelaka u fanele ku endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa n’hweti ni n’hweti erhavini, leswaku hinkwavo lava tsakelaka ku tikumela tibuku ta vona vini va tivisa makwerhu la tamelaka tibuku. Hi kombela mi tsundzuka leswaku hi tihi tibuku leti welaka eka swikombelo swo hlawuleka.

◼ Mavandlha ma fanele ku sungula ku endla swikombelo swa 2002 Calendar of Jehovah’s Witnesses loko ma endla swikombelo swa wona swa tibuku hi September. Tikhalendara ti ta kumeka hi Xibunu, Xibemba, Xichewa, Xifurwa, Xigriki, Xijarimani, Xinghezi, Xintariyana, Xiputukezi, Xishona, Xisuthu, Xixhosa ni Xizulu. Ku fikela loko tikhalendara ti fika ti tlhela ti rhumeriwa, ku ta tsariwa leswaku “Pending” eka nxaxamelo wa leswi rhumeriweke evandlheni. Tikhalendara ti wela eka swikombelo swo hlawuleka naswona ku fanele ku endliwa swikombelo swa vahuweleri lava endleke swikombelo swa tona ntsena. (Vona Nkongomiso Wa Swikombelo Swa Tibuku Ta Watch Tower, Xiyenge 3.)

◼ Hi Mugqivela wa October 13, 2001, Kaya ra Bethele ni fektri swi ta va swi pfariwile leswaku swi basisiwa. A ma nge vi kona malunghiselelo ya ku valanga hi siku leri.

◼ Minkandziyiso Leyintshwa Leyi Kumekaka:

Watch Tower Publications Index 1986-2000—Xinghezi

◼ Tikhasete Letintshwa Ta Vhidiyo Leti Kumekaka:

The Greatest Man Who Ever Lived—On Videocassette, Vholumo 1—Ririmi Ra Mavoko Ra Le Amerika