Switiviso

◼ Minkandziyiso leyi nga ta fambisiwa hi October: Timagazini ta Xihondzo xo Rindza na Xalamuka! November: Broxara leyi nge I Yini Leswi Xikwembu Xi Swi Languteleke Eka Hina? kumbe buku leyi nge Vutivi Lebyi Yisaka eVuton’wini Lebyi Nga Heriki. Loko ka ha ri ni mavandlha lama nga ni Bibele ya Vuhundzuluxeri Bya Misava Leyintshwa Bya Matsalwa Ya Vukreste Ya Xigriki exitokweni, ma nga yi fambisa na yona. December: Nghwazi Leyi Tshameke Yi Hanya ni Vuhundzuluxeri Bya Misava Leyintshwa Bya Matsalwa Ya Vukreste Ya Xigriki. January: Xihundla Xa Ntsako eNdyangwini.

◼ Xiengetelo lexi fambisanaka ni Vutirheli Bya Hina Bya Mfumo i “Xiyimiso Xa Xikolo Xa Vutirheli Bya Le Tilweni Xa 2002” naswona xi fanele ku hlayisiwa leswaku xi ta tirhisiwa eka lembe hinkwaro ra 2002.

◼ Ku ni xilaveko xa xihatla xa auto electrician eBethele. Xana u le malembeni ya le xikarhi ka 19 na 35, xana a wu si teka, kumbe loko u tekile, xana u ntshunxekile eka vutihlamuleri bya ku khathalela vanhu vo karhi? Xana u nga tiendla u kumeka eka lunghelo leri ro hlawuleka ra ku tirha eBethele? Hi kombela u bela rhavi riqingho kumbe u ri tsalela loko u ta swi kota ku tiendla la kumekaka.

◼ Loko minkarhi ya minhlangano ya vandlha ra ka n’wina yi ta cinca hi January 1, matsalana wa vandlha u fanele ku tivisa rhavi hi ku cinca koloko, hi ku rhumela fomo ya Congregation Meeting Information (S-5). Loko ku ri ni xilaveko, ku nga ha endliwa xikombelo xa mphakelo lowuntshwa wa swirhambo hi ku rhumela fomo ya Swikombelo Swa Xirhambo (S(d)-16). Swirhambo swi fanele ku komberiwa ka ha sele mavhiki ya nhungu leswaku swi sungula ku tirhisiwa.

◼ Mavandlha ma fanele ku sungula ku endla xikombelo xa Ndzimana ya Lembe ra 2002 loko ma endla xikombelo xa tibuku xa October. Xiyani: Ku sukela sweswi vandlha ra ka n’wina ri ta kuma Ndzimana ya Lembe loko ri yi hakelerile. Nxavo wa yona i R22,00. Loko mi hakela, tirhisani Fomo Ya Ku Rhumela Mali Ya Munyikelo (S(d)-20) kutani elayinini leyi nga tsariwangiki nchumu mi tsala “Yeartext.” Ndzimana ya Lembe yi ta kumeka hi Xibunu, Xinghezi, Xiputukezi, Xisuthu, Xixhosa ni Xizulu. Mavandlha ma nga kombela Ndzimana yin’we ya Lembe hi ririmi ha rin’we. Hi ringanyeta leswaku mavandlha ma namarheta Ndzimana ya Lembe leyintshwa hi January 1, 2002.

◼ Mavandlha ma fanele ku sungula ku endla xikombelo xa xibukwana lexi nge Ku Kambisisa Matsalwa Siku Ni Siku—2002 loko ma endla swikombelo swa tibuku swa October. Swibukwana leswi swi ta kumeka hi Xibunu, Xichewa, Xichayina, Xifurwa, Xigriki, Xijapani, Xijarimani, Xikwanyama, Xinghezi, Xintariyana, Xipedi, Xipolish, Xiputukezi, Xishona, Xisuthu, Xitsonga, Xitswana, Xivhenda, Xixhosa ni Xizulu. Kukondza swibukwana leswi swi va kona naswona swi sungula ku rhumeriwa, ku ta tsariwa leswaku “Pending” emaphepheni ya nxaxamelo wa leswi rhumeriweke evandlheni ra ka n’wina. Swibukwana swa Ku Kambisisa Matsalwa Siku Ni Siku swi wela eka swikombelo swo hlawuleka, leswi vulaka leswaku swi fanele ku komberiwa ntsena loko ku ri ni lava va endleke swikombelo swa swona hi ku kongoma evandlheni. Hi marito man’wana, la tamelaka tibuku a nga fanelanga a endlela vandlha xikombelo xa swibukwana swo tala. Hikwalaho ku fanele ku hlayisiwa mavito ya vahuweleri hinkwavo lava endleke xikombelo. (Vona Nkongomiso Wa Swikombelo Swa Tibuku Ta Watch Tower, xiyenge 3.)

◼ I swa nkoka leswaku loko vanhu lava tlulaka 20 va kunguhata ku ta valanga miako ya rhavi, va rhanga va tivisa Hofisi ya Bethele hi ku tsala kumbe hi ku ba riqingho. Mi fanele ku vula nhlayo ya lava nga tata swin’we ni siku ni karhi lowu mi nga ta fika ha wona. Hi kombela leswaku mi rhumela rungula leri ka ha ri ni nkarhi lowu ringaneke. Loko mi nga si endza, hi kombela mi pfuxeta Bokisi Ra Swivutiso ra Vutirheli Bya Hina Bya Mfumo bya March 1998, malunghana ni maambalelo lamanene ni ku tilunghisa loko ku endzeriwa makaya ya Bethele.

◼ Minkandziyiso Leyintshwa Leyi Kumekaka:

Vutivi Lebyi Yisaka eVuton’wini Lebyi Nga Heriki—Nkandziyiso Wa Maletere Lamakulu—Xinghezi

◼ Tikhasete Letintshwa Ta Vhidiyo Leti Kumekaka:

Faithful Under Trials—Jehovah’s Witnesses in the Soviet Union—Xinghezi

The Greatest Man Who Ever Lived—On Videocassette, Vholumo 2—Ririmi Ra Mavoko Ra Le Amerika