Switiviso
◼ Minkandziyiso leyi nga ta fambisiwa hi November: Broxara leyi nge I Yini Leswi Xikwembu Xi Swi Languteleke Eka Hina? kumbe buku leyi nge Vutivi Lebyi Yisaka eVuton’wini Lebyi Nga Heriki. Loko ka ha ri ni mavandlha lama nga ni Bibele ya Vuhundzuluxeri Bya Misava Leyintshwa Bya Matsalwa Ya Vukreste Ya Xigriki exitokweni, ma nga yi fambisa na yona. December: Nghwazi Leyi Tshameke Yi Hanya ni Vuhundzuluxeri Bya Misava Leyintshwa Bya Matsalwa Ya Vukreste Ya Xigriki. January: Xihundla Xa Ntsako eNdyangwini. February: Nghwazi Leyi Tshameke Yi Hanya.
◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi December 1 kumbe hi ku hatlisa endzhaku ka siku leri. Loko se ti kambisisiwile, tivisani vandlha hi nkarhi lowu mi endlaka xiviko lexi landzelaka xa timali.
◼ Mulanguteri la ungamelaka u fanele ku rhumela xiviko xa Unassigned Territory Assignment (S-91), mepe wa nsimu ni mintokoto yihi ni yihi leyi tsakisaka, erhavini, ku nga si hundza November 19, 2001. U fanele ku tiyiseka leswaku u tirhise xitempe lexi faneleke ku rhumela mvhilopho leyikulu.
◼ Mavandlha ma fanele ku sungula ku endla swikombelo swa swirhambo swa xitsundzuxo swa lembe ra 2002 loko ma endla xikombelo xa wona xa tibuku xa November. Swirhambo swi kumeka hi Xibunu, Xifurwa, Xinghezi, Xipedi, Xiputukezi, Xisuthu, Xitsonga, Xitswana, Xixhosa ni hi Xizulu. Swi fanele ku komberiwa hi swiphephana swa 100 ririmi ha rin’we. Hi kombela mi ringanisela loko mi endla swikombelo hikuva swirhambo leswi swi endleriwe ntsena vanhu lava tsakelaka ku nga ri ku nyika mani na mani.
◼ Mavandlha ma fanele ku sungula ku endla swikombelo swa Buku Ya Lembe Ya Timbhoni Ta Yehovha Ya 2002 loko ma endla xikombelo xa tibuku xa November. Buku Ya Lembe yi ta kumeka hi Xichayina, Xifurwa, Xigriki, Xijapani, Xijarimani, Xinghezi, Xintariyana, Xipaniya, Xiputukezi, Xisuthu, Xitsonga, Xixhosa ni Xizulu. Kukondza Buku Ya Lembe yi va kona naswona yi sungula ku rhumeriwa, leswi talaka ku endliwa hi April, ku ta tsariwa leswaku “Pending” emaphepheni ya nxaxamelo wa leswi rhumeriweke evandlheni ra ka n’wina. Buku Ya Lembe yi wela eka swikombelo swo hlawuleka, leswi vulaka leswaku vandlha ri fanele ku endla xikombelo xa yona loko ku ri ni vanhu hi ku kongoma lava endleke xikombelo xa yona; la tamelaka tibuku a nga fanelanga a endlela vandlha xikombelo xa tibuku to tala. Hikwalaho, ku fanele ku hlayisiwa mavito hinkwawo ya lava va endleke swikombelo leswi swo hlawuleka. (Vona Nkongomiso Wa Swikombelo Swa Tibuku Ta Watch Tower, Xiyenge 3.) Tinhloko ta mindyangu ti ta va ti endla kahle loko to kombelela ndyangu kopi yin’we.
◼ Ku sukela hi nkandziyiso wa January 8, 2002, Xalamuka! ya Xizulu yi ta huma kan’we hi n’hweti. Hi kombela leswaku mavandlha ma lulamisa swikombelo swa wona swa timagazini, hi ku rhumela fomo leyintshwa ya Congregation Magazine Request (M-202).
◼ Xihondzo xo Rindza se xi kumeka hi maletere lamakulu hi Xiswahili.
◼ Minkandziyiso Leyintshwa Leyi Kumekaka:
Xana U Lava Ku Tiva Swo Tala Hi Bibele? (Xiphephana No. 26)—Xibemba, Xibunu, Xichewa, Xinghezi, Xipedi, Xiputukezi, Xishona, Xisuthu, Xitsonga, Xitswana, Xivhenda, Xixhosa ni Xizulu
◼ Tikhasete Letintshwa Ta Vhidiyo Leti Kumekaka:
Noah—He Walked With God—Xiputukezi
The Greatest Man Who Ever Lived—On Videocassette, Vholumo 3—Ririmi Ra Mavoko Ra Le Amerika