Marungula Ya Swa Mfumo

◼ Ku ni rungula leri tsakisaka malunghana ni tsima ra ku aka Tiholo ta Mfumo, leri hi tsakelaka ku mi avela rona. Eku heleni ka August, hi lembe ra ntirho ra 2001, ku nyiketeriwe 60 wa Tiholo ta Mfumo. Hakunene leswi swa bumabumeriwa naswona hinkwavo lava katsekeke eku hetiweni ka tiholo leti va nkhensiwa swinene hi ku tirha ka vona hi matimba. Hi n’hweti ya August ntsena, ku nyiketeriwe 19 wa tiholo letintshwa, ku nga: Mahlubini na Tsolo (aEastern Cape); Ga-Rankuwa Zone 2 na Soshanguve North (eGauteng); Loskop, Makhutha East na Mhlatuze (eKwaZulu-Natal); Kolojane, Lekokoaneng, Mapoteng na Teyateyaneng (eLesotho); Mariental na Otjiwarongo (eNamibia); Zebediela (eNorthern Province); Ikageng (eNorth-West); Ezulwini, Mafutseni na Ntabamhlophe (eSwaziland); na Riversdale (eWestern Cape).

Emalembeni manharhu lama hundzeke, ku simekiwe mavandlha lamantshwa ya 61. Hikwalaho ka ku andza loku lokunene, kwalomu ka mavandlha ya 300 lama nga ni vahuweleri vo tlula 30 evandlheni ha rin’we, ma ha yimele ku kuma Holo ya Mfumo. Xana vatirhi lava engetelekeke va ku tirhandzela va nga hoxa xandla eku pfuneni ka Tikomiti to Aka ta Swifundzha, leti tirhaka hi matimba? Loko u tsakela ku pfuna wun’wana wa mintlawa ya vaaki, kuma fomo leyi nge Kingdom Hall Construction Worker Questionnaire (S-82) eka matsalana wa vandlha ra ka n’wina, u yi ta ta.