Switiviso
◼ Minkandziyiso leyi nga ta fambisiwa hi March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta le kaya ta Bibele. April na May: Timagazini ta Xihondzo xo Rindza na Xalamuka! Vahuweleri va fanele ku tivisa vini va miti leswaku va nga endla munyikelo entirhweni lowu endliwaka emisaveni hinkwayo loko va swi tsakela. Loko vanhu va kombise ku tsakela, fambisani broxara leyi nge Leswi Xi Swi Languteleke, mi endla matshalatshala yo hlawuleka ya ku sungula tidyondzo ta Bibele. June: Broxara leyi nge I Yini Leswi Xikwembu Xi Swi Languteleke Eka Hina? Kumbe buku leyi nge Vutivi Lebyi Yisaka eVuton’wini Lebyi Nga Heriki. Loko vini va muti va ri na yona minkandziyiso leyi, va fambiseleni broxara leyi faneleke, leyi vandlha ri nga na yona exitokweni.
◼ Vahuweleri lava tsakelaka ku va maphayona ya nkarhinyana hi April va fanele ku lunghisa swiyimo swa vona sweswi va tlhela va tisa tifomo ta swikombelo swa vona ka ha ri ni nkarhi. Leswi swi ta pfuna vakulu leswaku va endla malunghiselelo lama faneleke ya nsimu ni ku endla leswaku ku kumeka timagazini ni minkandziyiso leyi ringaneke. Mavito ya hinkwavo lava fanelekaka ku va maphayona ya nkarhinyana ma fanele ku tivisiwa evandlheni n’hweti yin’wana ni yin’wana.
◼ Xitsundzuxo xi ta va hi Ravumune, March 28, 2002. Loko vandlha ra ka n’wina ri khoma minhlangano hi Ravumune, yi fanele ku khomiwa hi siku rin’wana kona evhikini rero loko swi ta koteka leswaku Holo ya Mfumo yi kumeka. Loko sweswo swi nga koteki naswona mi ta lahlekeriwa hi Nhlangano wa n’wina wa Ntirho, tinkulumo leti khumbaka vandlha ra ka n’wina hi ku kongoma ti nga nyikeriwa eka Nhlangano wun’wana wa Ntirho.
◼ Sosayiti a yi tirhani ni swikombelo swa tibuku swa munhu un’we. Mulanguteri la ungamelaka u fanele ku endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti, leswaku hinkwavo lava tsakelaka ku tikumela tibuku ta vona, va tivisa makwerhu la tamelaka tibuku. Tsundzukani leswaku hi tihi tibuku leti welaka eka swikombelo swo hlawuleka.
◼ I swa nkoka leswaku vanhu lava kunguhataka ku ta erhavini va ri 20 kumbe ku tlula, va rhanga hi ku tsalela Hofisi ya Bethele eka adirese leyi landzelaka, Private Bag X2067, Krugersdorp, 1740. Hi kombela mi tivisa nhlayo ya vanhu lava taka ni siku swin’we ni nkarhi lowu mi nga ta fika ha wona. Mi nga si endza, hi kombela mi pfuxeta Bokisi Ra Swivutiso ra Vutirheli Bya Hina Bya Mfumo bya March 1998, malunghana ni maambalelo ni ku tilunghisa lokunene loko ku endzeriwa emakaya ya Bethele.
◼ Vakulu lava fanelekaka va komberiwa ku tiendla lava kumekaka leswaku va ta nyikela tinkulumo emintsombanweni leyi xaxametiweke laha hansi. Vakulu lava nga tsarisaka hi lava va nga tshama va nyikela tinkulumo emintsombanweni ya muganga leyi hundzeke kumbe lava nga tshama va averiwa swiavelo leswikulu enhlengeletanweni ya xifundzha kumbe eka siku ra nhlengeletano yo hlawuleka. U fanele ku tsalela rhavi papila, u nyika vito ra wena, vito ra vandlha ni ntsombano lowu u kunguhataka ku ya eka wona. Loko u rhandza ku nyikela nkulumo hi ririmi ro karhi, hi kombela leswaku u vula sweswo hi ku kongoma. Papila rero ri fanele ku nyikiwa komiti ya ntirho ya ka n’wina kutani yona yi ta tsala swibumabumelo swa yona, yi ri sayina ivi yi ri rhumela eka mulanguteri wa xifundzha xa ka n’wina. Endzhaku ka loko mulanguteri wa xifundzha a tsale swibumabumelo swa yena, u ta rhumela papila rero erhavini. Leswi swi ta endliwa ntsena hi lava va kunguhataka ku ya entsombanweni wun’wana ehandle ka lowu vandlha ra ka vona ri averiweke eka wona. Nakambe u fanele ku kunguhata ku va kona enongonokweni hinkwawo wa ntsombano. Papila ra wena ri fanele ku fika eka Sosayiti KU NGA SI HUNDZA JULY 1, 2002.
● Bloemfontein: Xibunu, Xinghezi
● Durban: Xibunu
● East London: Xinghezi
● Francistown, eBotswana: Xitswana
● Gaborone, eBotswana: Xinghezi
● George: Xibunu, Xinghezi
● Katima Mulilo & Rundu, eNamibia: Xinghezi, yi ta tolokiwa
● Nelspruit: Xibunu, Xinghezi
● Pietersburg: Xibunu, Xinghezi
● Thohoyandou: Xivhenda
● Tzaneen: Xitsonga
● Walvis Bay & Windhoek, eNamibia: Xibunu na Xinghezi
◼ Ku tlhele ku hetiwa tin’hweti tinharhu etsimeni ra nsimu leyi nga aviwangiki, leti veke ni vuyelo lebyinene ni leti tsakiseke. Vahuweleri va 8 332 va hete tiawara ta 72 248 va fambisa timagazini ta 49 365, tibuku ta 6 197 ni tibuku ni swibukwana swa 36 154. Va endle maendzo yo vuyela ya 7 522 kutani va fambisa tidyondzo ta le kaya ta Bibele ta 1 470. Lexi i xiviko lexi khutazaka kutani hi langutele tsima ra 2002 hi mahlo-ngati.
◼ Leswaku hi ku pfuna ku hlela makungu ya wena ya ku va kona entsombanweni wa muganga wa 2002, hi tsakela ku ku tivisa masiku lawa, hambileswi ma nga si tiyisekisiwaka.
NOVEMBER 15-17:
St. Helena (Xinghezi)
NOVEMBER 22-24:
Pietersburg (Xibunu/Xinghezi)
NOVEMBER 29–DECEMBER 1:
Cape Town (Xixhosa)
Nelspruit (Xibunu/Xinghezi)
Pietersburg (Xipedi)
Springs (Xizulu 1)
Vereeniging (Xisuthu/Xizulu)
NOVEMBER 30–DECEMBER 1:
Rundu (Xikwangali)
DECEMBER 6-8:
Bloemfontein (Xibunu, Xinghezi)
East London (Xinghezi)
Empangeni (Xizulu)
George (Xibunu/Xinghezi)
Joni (Xinghezi 1)
Joni (Xiputukezi)
Maseru (Xisuthu)
Soshanguve (Xisuthu 1)
Springs (Xizulu 2)
Thohoyandou (Xivhenda)
Umtata (Xixhosa 1)
Windhoek (Xinghezi/Xibunu, Ririmi ra Mavoko)
Windhoek (Xiputukezi)
DECEMBER 13-15:
Bisho (Xixhosa)
Bloemfontein (Xisuthu)
Cape Town (Xibunu, Xinghezi, Ririmi ra Mavoko)
Durban (Xibunu, Xinghezi, Ririmi ra Mavoko)
Francistown (Xitswana)
Joni (Xinghezi 2)
Joni (Xisuthu 1)
Mamelodi (Xizulu)
Manzini (Xizulu)
Port Elizabeth (Xibunu/Xinghezi)
Pitori (Xinghezi)
Soshanguve (Xisuthu 2)
Springs (Xisuthu)
Umtata (Xixhosa 2)
Walvis Bay (Xibunu/Xinghezi)
DECEMBER 20-22:
Ermelo (Xizulu)
Gaborone (Xinghezi, Xitswana)
Joni (Xibunu)
Joni (Xisuthu 2)
Joni (Xizulu)
Klerksdorp (Xitswana)
Kokstad (Xixhosa)
Mbabane (Xizulu)
Port Elizabeth (Xixhosa)
Qwa Qwa (Xisuthu)
Siyabuswa (Xipedi)
Tzaneen (Xitsonga)
DECEMBER 21-22:
Ongwediva (Xikwanyama)
DECEMBER 27-29:
Durban (Xizulu)
KaNyamazane (Xizulu)
Newcastle (Xizulu)
Pietermaritzburg (Xizulu)
DECEMBER 28-29:
Katima Mulilo (Xinghezi/Xilozi)
◼ Minkandziyiso Leyintshwa Leyi Kumekaka:
A Satisfying Life—How to Attain It—Xichayina, Xichewa, Xifurwa, Xijapani, Xijarimani, Ximalagasi, Xinghezi, Xintariyana, Xipolish, Xiputukezi, Xirhaxiya, Xiswahili, Xitumbuka
Vuyeriwa Eka Vuleteri Bya Xikolo Xa Vutirheli Bya Le Tilweni—Xibemba, Xibunu, Xichayina, Xichewa, Xidachi, Xifurwa, Xigriki, Xijapani, Xijarimani, Xikaonde, Xilozi, Xiluvale, Xinghezi, Xintariyana, Xipedi, Xipolish, Xiputukezi, Xishona, Xisuthu, Xiswahili, Xitonga (xa le Zambia), Xitsonga, Xitumbuka, Xitswana, Xivhenda, Xixhosa, Xizulu (Ku fikela loko nkandziyiso lowu wu fika wu tlhela wu rhumeriwa, ku ta tsariwa leswaku “Pending” eka phepha ra leswi rhumeriweke evandlheni ra ka n’wina, hikwalaho mi nga tsali kumbe mi bela rhavi riqingho malunghana na wona.)
Xana U Ni Moya Lowu Nga Fiki? (Xiphephana No. 25)—Xibemba, Xibunu, Xichewa, Xifurwa, Xigriki, Xijapani, Xikaonde, Xikwangali, Xilozi, Xiluvale, Ximalagasi, Xindonga, Xinghezi, Xipedi, Xipolish, Xiputukezi, Xishona, Xisuthu, Xiswahili, Xitonga (xa le Zambia), Xitsonga, Xitumbuka, Xitswana, Xivhenda, Xixhosa, Xizulu
Vuprofeta Bya Esaya—I Rivoningo Eka Vanhu Hinkwavo II—Xibemba, Xibunu, Xichayina, Xichewa, Xifurwa, Xigriki, Xijapani, Xijarimani, Xilozi, Xinghezi, Xintariyana, Xipedi, Xipolish, Xiputukezi, Xirhaxiya, Xishona, Xisuthu, Xiswahili, Xitsonga, Xitswana, Xivhenda, Xixhosa, Xizulu
Vuprofeta Bya Esaya—I Rivoningo Eka Vanhu Hinkwavo II—Nkandziyiso wa Maletere Lamakulu—Xinghezi, Xiputukezi ni Xiswahili
Vuhundzuluxeri Bya Misava Leyintshwa Bya Matsalwa Yo Kwetsima—Xibunu
◼ Tikhasete Letintshwa Leti Kumekaka:
Mindyangu—Endlani Ku Hlaya Ka Bibele Ka Siku Ni Siku Ku Va Ndlela Ya N’wina Ya Vutomi!—Xiputukezi
Ku Fungheriwa Ku Hlayiseka—Xiputukezi
Xixima Vulawuri Bya Yehovha—Xinghezi
◼ Ti-CD Letintshwa Leti Kumekaka:
Xixima Vulawuri Bya Yehovha—Xinghezi
◼ Tikhasete Letintshwa Ta Vhidiyo Leti Kumekaka:
The Greatest Man Who Ever Lived—On Videocassette, Vholumo 5—Ririmi Ra Mavoko Ra Le Amerika
The Greatest Man Who Ever Lived—On Videocassette, Vholumo 6—Ririmi Ra Mavoko Ra Le Amerika