U Nga Ku Yini Eka Muchini Wo Hlamula Riqingho?

Riqingho i ndlela leyi humelelaka yo chumayela vanhu lava nga kumekiki emakaya kumbe lava tshamaka etindhawini leti swi nga oloviki ku ti fikelela. Hambiswiritano, vanhu vo tala a va ha ri hlamuli riqingho—ri hlamuriwa hi muchini. U ta endla yini loko u twa muchini u hlamula riqingho? U nga veki riqingho ehansi. Ematshan’weni ya sweswo, vana ni nhlamulo leyi lunghiseleriweke kahle, leyi tsariweke ehansi, leyi u nga ta yi hlaya eriqinghweni. Titolovete ku yi hlaya hi ndlela leyinene, onge u le ku buleni. U ta ku yini?

U nga ha rhamba n’wini wa muti hi mandla mambirhi leswaku a ta yingisa Nkulumo ya le Rivaleni leyi landzelaka, eHolweni ya Mfumo. U nga ha ku: “Ndzi ringete ku ku bela riqingho kambe khombo ra kona a ndzi ku kumanga. Loko u lava ku twa bulo leri sekeriweke eBibeleni leri nge [vula nhloko-mhaka ya nkulumo ya le rivaleni], ndzi kombela u ta eHolweni ya Mfumo ya Timbhoni ta Yehovha. Munhu un’wana ni un’wana u amukelekile. A ku tekiwi minhlengo.” Kutani vula swi twala siku ni nkarhi wa nhlangano wolowo, u tlhela u vula adirese ya xitarata kumbe u hlamusela laha Holo ya Mfumo yi kumekaka kona.

Eminhlanganweni, languta loko ku ri ni vanhu lava sungulaka ku ta, titivise eka vona u tlhela u endla leswaku va titwa va amukelekile. U nga rivali ku kombela ku va fambisela dyondzo ya le kaya ya Bibele!