Switiviso

◼ Minkandziyiso leyi nga ta fambisiwa hi December: Nghwazi Leyi Tshameke Yi Hanya. January: Xihundla Xa Ntsako eNdyangwini. Mavandlha lama nga ni buku leyi nge Ku Lavisisa Ka Vanhu Xikwembu exitokweni xa wona ma nga yi fambisa. February na March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta le kaya ta Bibele.

◼ Hi kombela mi xiya leswaku Xitsundzuxo xa lembe ra 2004 xi ta va hi Sonto, April 4, endzhaku ka ku pela ka dyambu. Xitiviso lexi xi endliwa ka ha ri ni nkarhi leswaku vamakwerhu va ta endla malunghiselelo lama faneleke yo kuma tindhawu kumbe ku kombela ku tirhisa tiholo tin’wana leti kumekaka, loko ku ri ni mavandlha yo hlayanyana lama tirhisaka Holo yin’we ya Mfumo naswona swi boha leswaku ku tirhisiwa tindhawu tin’wana. Vakulu va fanele ku pfumelelana ni valawuri va ndhawu yoleyo leswaku hi madyambu wolawo a ku nge endliwi swilo swin’wana emuakweni wolowo leswaku Xitsundzuxo xi tlangeriwa hi ku hleleka, ku nga ri na lexi kavanyetaka. Hikwalaho ka leswi xiendlakalo lexi xi nga xa nkoka, loko huvo ya vakulu yi hlawula xivulavuri lexi nga ta nyikela nkulumo ya Xitsundzuxo, yi fanele ku hlawula nkulu la fanelekaka swinene ematshan’weni yo cincana lembe ni lembe kumbe ku tirhisa makwerhu un’we ntsena lembe rin’wana ni rin’wana. Loko ku ri ni nkulu la nga ni vuswikoti, la nga mutotiwa loyi a nga nyikelaka nkulumo leyi, ku fanele ku hlawuriwa yena.

◼ Mavandlha ma fanele ma sungula ku oda swirhambo swa xitsundzuxo xa 2003 loko ma endla xikombelo xa wona xa tibuku xa December. Swirhambo swi kumeka hi Xibunu, Xifurwa, Xinghezi, Xipedi, Xiputukezi, Xisuthu, Xitsonga, Xitswana, Xixhosa na Xizulu. Mi fanele mi oda swirhambo swa ririmi rin’wana ni rin’wana hi mpatsanyeto wa 100. Hi kombela mi anakanyela loko mi endla swikombelo leswi tanihi leswi swirhambo swi endleriweke vanhu lava tsakelaka ntsena, ku nga ri ku swi phakela un’wana ni un’wana.

◼ Mavandla lama nga si odaka makhadi ya Advance Medical Directive/Release na Identity Cards ma fanele ma oda loko ma endla xikombelo xa wona xa tibuku xa December. Hi kombela mi oda makhadi hi mpatsanyeto wa 20. Mi nga ma nyiki munhu makhadi lawa. Ma hlayiseni ku kondza mi kuma switiviso leswi engetelekeke eka Vutirheli Bya Hina Bya Mfumo.

◼ Ku endliwa ndzulamiso malunghana ni ndlela leyi Xikolo xa Vutirheli bya le Tilweni xi nga ta fambisiwa ha yona loko vandlha ri endzeriwe hi mulanguteri wa xifundzha. Ku sukela hi January 2003, ku ta khomiwa xikolo xa timinete ta kwalomu ka 25 endzhaku ka risimu ro pfula ni xikhongelo. Ku ta va ni nkulumo ya timinete ta ntlhanu ya yinhla yo tirhela eka yona, ku landzela nkulumo ya ndzayo ya khume ra timinete kun’we ni tinhla-nkulu ta Bibele ta khume ra timinete. Tinkulumo No. 2, 3 na 4 a ti nge vi kona. Xikolo xi ta landzeriwa hi Nhlangano wa Ntirho wa hafu ya awara. Endzhaku ka risimu ku ta va ni nkulumo ya mulanguteri wa xifundzha ya hafu ya awara, ivi ku landzela risimu ro pfala ni xikhongelo.

◼ Ku sukela eka nkandziyiso wa January 1, 2003, Xihondzo xo Rindza hi Xiluvale xi ta hamba xi huma kambirhi hi n’hweti.