Switiviso

◼ Minkandziyiso leyi nga ta fambisiwa hi May: Fambisani tikopi ta Xihondzo xo Rindza ni Xalamuka! Loko mi endla maendzo yo vuyela eka vanhu lava tsakelaka, ku katsa ni lava va veke kona eXitsundzuxweni kumbe lava veke kona eminhlanganweni yin’wana ya timhaka ta moya kambe va nga hlanganyeliki hi ku hiseka ni vandlha, lwelani ku va siyela buku leyi nge Gandzela Xikwembu. Ringetani hi matimba ku sungula tidyondzo ta le kaya ta Bibele, ngopfu-ngopfu eka vanhu lava ana se va dyondzeke buku leyi nge Vutivi ni broxara leyi nge Leswi Xi Swi Languteleke. June: Buku leyi nge Vutivi kumbe broxara leyi nge Leswi Xi Swi Languteleke. Loko vini va miti ana se va ri na yona minkandziyiso leyi, tirhisani broxara yin’wana leyi faneleke, leyi vandlha ri nga na yona exitokweni. July na August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Vito Ra Xikwembu Leri Nga Ta Tshama Hi Masiku, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini? ni leyi nge Xana Xikwembu Xa Hi Khathalela Hakunene. Ematikweni man’wana ku nga tirhisiwa tibroxara leti landzelaka: A Satisfying Life—How to Attain It, Buku Ya Vanhu Hinkwavo, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Our Problems—Who Will Help Us Solve Them? ni leyi nge Will There Ever Be a World Without War?

◼ Mulanguteri la ungamelaka kumbe un’wana la hlawuriweke hi yena, u fanele a kambisisa tiakhawunti ta vandlha hi June 1 kumbe hi ku hatlisa hilaha a nga kotaka hakona. Loko leswi swi endliwile, tivisa vandlha endzhaku ka loko xiviko xa timali lexi landzelaka xi hlayiwile.

◼ Lembe leri ku ta khomiwa mintsombano ya mune ya matiko hinkwawo eAfrika Dzonga leyi eka yona ku nga ta ta ni vaendzi va le ntsungeni. Mintsombano leyi yi ta khomiwa hi nkarhi wun’we, hi December 4-7 eJoni, ePitori, eDurban ni le Cape Town. Ku ta nyikeriwa NONGONOKO LOWU FANAKA WA SWILO SWA MOYA eka ntsombano wa matiko hinkwawo ni le ka ntsombano wa muganga. Ku hambana ka kona hi leswaku emintsombanweni ya matiko hinkwawo ku ta va ni vapfhumba va le ntsungeni lava nga ta nyikela swiviko leswi humaka ematikweni ya vona. Tanihi leswi byetlelo ni ndhawu yo khomela ntsombano wa le Joni ni wa le Cape Town yi nga ta va yi ri yitsongo, hi kombela leswaku vamakwerhu va nga ti hi vunyingi eka mintsombano leyi ya matiko hinkwayo, ngopfu-ngopfu loko va nga averiwanga ku ya kona. Kambe, loko vandlha ra ka n’wina ri averiwe ku ya entsombanweni lowu nga tirhisiki ririmi ra wena, titwe u ntshunxekile ku ya eka lowu wu tirhisaka ririmi ra wena.

◼ Mavandlha ma nga sungula ku oda Watchtower Library—2001 Edition. Diski leyi yi ta kumeka hi Xinghezi, Xifurwa, Xijarimani, Xintariyana ni Xiputukezi. Tsundzukani leswaku yi wela eka swilo leswi odiwaka hi oda yo hlawuleka. A hi ya ku yi nyika mani na mani, ku yi nghenisa eka layiburari ya xikolo kumbe ku yi nyika vanhu lava va kombisaka ku tsakela Timbhoni ta Yehovha. Watchtower Library i ya swirho swa vandlha ntsena naswona yi kumeka evandlheni ntsena.