Switiviso

◼ Minkandziyiso leyi nga ta fambisiwa hi November: I Yini Leswi Xikwembu Xi Swi Languteleke Eka Hina? kumbe Vutivi Lebyi Yisaka eVuton’wini Lebyi Nga Heriki. Loko vanhu va ri na yona minkandziyiso leyi, va fambiseleni buku leyi nge Gandzela Xikwembu Xi Ri Xin’we Xa Ntiyiso kumbe nkandziyiso wun’wana wa khale. December: Nghwazi Leyi Tshameke Yi Hanya. Ku nga fambisiwa ni buku leyi nge Buku Ya Nga Ya Timhaka Ta Bibele kumbe leyi nge Bibele—I Rito Ra Xikwembu Kumbe I Ra Munhu? Buku leyi nge U Nga Hanya Hi Masiku aParadeyisini eMisaveni yi nga fambisiwa loko vandlha ri ri na yona exitokweni. January: Buku yihi ni yihi leyi vandlha ri nga na yona exitokweni leyi humesiweke emahlweni ka 1988. Loko mi nga ri na tona exitokweni, vutisani mavandlha lama nga ekusuhi na n’wina loko ma ri na yona minkandziyiso ya khale leyi engetelekeke leyi mi nga yi tirhisaka. Mavandlha lama nga riki na tona tibuku ta khale ma nga fambisa buku leyi nge Ku Lavisisa Ka Vanhu Xikwembu kumbe Xihundla Xa Ntsako eNdyangwini. February: Tshinela Eka Yehovha.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi December 1 kumbe hi ku hatlisa endzhaku ka siku leri. Loko se ti kambisisiwile, tivisani vandlha endzhaku ka loko mi endle xiviko lexi landzelaka xa timali.

◼ Mulanguteri la ungamelaka u fanele a rhumela xiviko xa Unassigned Territory Assignment (S-91) ni mintokoto leyi tsakisaka ehofisini ya rhavi ku nga si hundza November 19, 2003. Tiyisekani leswaku mi veka xitempe xa mali leyi ringaneke loko mi tirhisa mvhilopho leyikulu.

◼ Mavandlha ma fanele ku sungula ku endla swikombelo swa tivholumo ta Xihondzo xo Rindza ni Xalamuka! swa 2003 loko ma endla xikombelo lexi landzelaka xa tibuku. Tivholumo leti ti ta kumeka hi Xichayina, Xicroatia, Xidachi, Xifurwa, Xigriki, Xijapani, Xijarimani, Xikoriya, Xinghezi, Xintariyana, Xipaniya, Xipolish, Xiputukezi, Xirhaxiya ni Xirhoma. Kukondza loko tivholumo ti va kona naswona ti sungula ku rhumeriwa, ku ta tsariwa leswaku “Pending” emaphepheni ya nxaxamelo wa leswi rhumeriweke evandlheni ra ka n’wina. Tivholumo leti ti wela eka swilo leswi kombeleriwaka lava va swi lavaka ntsena.

◼ Matsalana u fanele a vona leswaku mali ya munyikelo wa lembe na lembe wa Lunghiselelo Ra Ndzindza-khombo Wa Holo Ya Mfumo ya hakeriwa eku sunguleni ka lembe hi ku hatlisa endzhaku ko kuma xilipi xa mali leyi kolotiwaka. Lwangu ra Holo ya Mfumo ri hahlukile kutani vandlha ri tisola swinene hikwalaho ka leswi ri heteke ntlhanu wa malembe ri nga humesi minyikelo ya lembe na lembe ya ndzindza-khombo. Loko vandlha ri nga swi koti ku hakela mali leyi xikan’we, vekani mhaka leyi emahlweni ka rona, mi hlamusela leswaku i vutihlamuleri bya rona naswona munhu un’wana ni un’wana u fanele a endla xiboho xa ku humesa mali yo karhi leswaku ku ta hakeriwa mali leyi loko lembe ri hela.

◼ Mavandlha lama nga siki endlaka swikombelo swa Advance Medical Directive/Release Cards na Identity Cards ma fanele ma endla swikombelo leswi loko ma endla swikombelo swa tibuku hi n’hweti ya December. Loko mi endla swikombelo hi kombela mi endla leswaku makhadi lawa ma famba ma ri 20 eka xikatsa xin’wana ni xin’wana. Mi nga ma phakeli makhadi lawa. Ma hlayiseni ku kondza mi kuma nkongomiso eka Vutirheli Bya Hina Bya Mfumo.

◼ Mavandlha lama nga ni vahuweleri lava nga ni michini yo tlangisa vhidiyo ma fanele ma tiyiseka leswaku ma tikumela kopi ya vhidiyo leyi nge Meeting Patients Needs and Rights (vcnr-E) hikuva ku ta vulavuriwa ha yona eka xiyenge xa Nhlangano wa Ntirho wa January.

◼ XIYANI: Masiku ya ntsombano wa muganga lowu landzelaka ma cincile:

January 3, 4, 2004:

Katima Mulilo (Xinghezi/Xilozi)

◼ Minkandziyiso Leyintshwa Leyi Kumekaka:

Nghwazi Leyi Tshameke Yi Hanya—Xindonga