Switiviso

◼ February: Tshinela Eka Yehovha. March: Vutivi Lebyi Yisaka eVuton’wini Lebyi Nga Heriki. Ringetani hi matimba ku sungula tidyondzo ta le kaya ta Bibele. Loko vanhu ana se va ri na wona nkandziyiso lowu mi nga va fambisela buku leyi nge Nyikela Nyingiso Eka Vuprofeta Bya Daniyele! April na May: Fambisa tikopi ta Xihondzo xo Rindza ni Xalamuka! Loko mi endla maendzo yo vuyela eka vanhu lava tsakelaka, ku katsa ni lava va veke kona eXitsundzuxweni ni/kumbe lava veke kona eminhlanganweni yin’wana ya timhaka ta moya kambe va nga hlanganyeli hi ku hiseka ni vandlha, lwelani ku va siyela buku leyi nge Gandzela Xikwembu. Ringetani hi matimba ku sungula tidyondzo ta le kaya ta Bibele, ngopfu-ngopfu loko vanhu va kona ana se va yi dyondzile buku leyi nge Vutivi ni broxara leyi nge Leswi Xi Swi Languteleke.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi March 1, kumbe hi ku hatlisa endzhaku ka siku leri. Loko se ti kambisisiwile, tivisani vandlha loko mi endla xiviko xa timali lexi landzelaka. Hlayani papila rin’wana ni rin’wana ra swibumabumelo swa minyikelo leyi vandlha ri yi nyikeleke eka ntirho wa misava hinkwayo kumbe eku seketeleni ka timhaka tin’wana.

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2004 yi ta va ni xihloko lexi nge “Vana Ni Xivindzi U Tlhela U Tshemba Yehovha.” Vona xitiviso lexi yelanaka ni lexi eka Vutirheli Bya Hina Bya Mfumo bya October 2003.

◼ Mavandlha ma fanele ma endla malunghiselelo lamanene yo tlangela Xitsundzuxo lembe leri hi Sonto, April 4, endzhaku ka ku pela ka dyambu. Hambiloko nkulumo yo hatla yi sungula, kambe swifanekiselo swi fanele swi fambisiwa endzhaku ka ku pela ka dyambu. Vutisani leswaku dyambu ri pela rini endhawini ya ka n’wina. Tanihi leswi ku nga riki na minhlangano yin’wana leyi khomiwaka hi siku leri handle ka nhlangano wa ntirho wa nsimu, ku fanele ku endliwa malunghiselelo ya leswaku Dyondzo ya Xihondzo xo Rindza yi khomiwa siku rin’wana. Valanguteri wa xifundzha va fanele va cinca xiyimiso xa vona xa vhiki leri xi fambisana ni swiyimo swa vandlha. Hambileswi swi tsakisaka leswaku vandlha rin’wana ni rin’wana ri va ni Xitsundzuxo xa rona n’wini kambe minkarhi yin’wana a swi koteki. Loko Holo ya Mfumo yi tirhisiwa hi mavandlha yo hlayanyana, kumbexana man’wana ma nga lava ndhawu yin’wana yo yi tirhisa hi siku leri. Loko swi koteka hi ringanyeta leswaku nkarhi wa minhlangano wu siyana hi timinete ta 40 leswaku lava nga kona va ta vuyeriwa eka xiendlakalo lexi. Nakambe ku fanele ku anakanyiwa hi ku tala ka mimovha ni ndhawu yo paka, ku katsa ku tisa vanhu ni ku va landza. Huvo ya vakulu yi fanele yi vona leswaku hi wahi malunghiselelo lawa ma nga manene evandlheni ra ka vona.