Switiviso
◼ Minkandziyiso leyi nga ta fambisiwa hi March: Vutivi Lebyi Yisaka eVuton’wini Lebyi Nga Heriki. Ringetani hi matimba ku sungula tidyondzo ta le kaya ta Bibele. Loko vanhu ana se va ri na wona nkandziyiso lowu mi nga va fambisela buku leyi nge Nyikela Nyingiso Eka Vuprofeta Bya Daniyele! April na May: Fambisa tikopi ta Xihondzo xo Rindza ni Xalamuka! Loko mi endla maendzo yo vuyela eka vanhu lava tsakelaka, ku katsa ni lava va veke kona eXitsundzuxweni ni/kumbe lava veke kona eminhlanganweni yin’wana ya timhaka ta moya kambe va nga hlanganyeli hi ku hiseka ni vandlha, lwelani ku va siyela buku leyi nge Gandzela Xikwembu. Ringetani hi matimba ku sungula tidyondzo ta le kaya ta Bibele, ngopfu-ngopfu loko vanhu va kona ana se va yi dyondzile buku leyi nge Vutivi ni broxara leyi nge Leswi Xi Swi Languteleke. June: Dyondza Eka Mudyondzisi Lonkulu. Loko vanhu va kona va vula leswaku a va na vana, va fambisele broxara leyi nge Leswi Xi Swi Languteleke. Fambisani broxara leyi hi xikongomelo xo sungula tidyondzo ta le kaya ta Bibele.
◼ Hofisi ya rhavi a yi swi amukeli swikombelo swa tibuku swa munhu un’we. Mulanguteri la ungamelaka u fanele a endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti erhavini, leswaku hinkwavo lava lavaka tibuku va ta tivisa makwerhu la ti tamelaka. Tsundzukani leswaku hi tihi tibuku leti welaka eka swikombelo swo hlawuleka.
◼ Hi kombela mi xiya leswaku Xitsundzuxo xa lembe ra 2005 xi ta va hi Ravumune, March 24, endzhaku ka ku pela ka dyambu. Xitiviso lexi xi endliwa ka ha ri ni nkarhi leswaku vamakwerhu va ta endla malunghiselelo lama faneleke yo kuma tindhawu kumbe ku kombela ku tirhisa tiholo tin’wana leti kumekaka, loko ku ri ni mavandlha yo hlayanyana lama tirhisaka Holo yin’we ya Mfumo naswona swi boha leswaku ku kumiwa tindhawu tin’wana. Loko ku kumiwa ndhawu yin’wana, vakulu va fanele ku pfumelelana ni valawuri va ndhawu yoleyo leswaku hi madyambu wolawo ku nga endliwi swilo swin’wana emuakweni wolowo leswi nga kavanyetaka, leswaku Xitsundzuxo xi ta tlangeriwa hi ku hleleka, ku nga ri na lexi kavanyetaka. Hikwalaho ka leswi xiendlakalo lexi xi nga xa nkoka, loko huvo ya vakulu yi hlawula xivulavuri lexi nga ta nyikela nkulumo ya Xitsundzuxo, yi fanele ku hlawula nkulu la fanelekaka swinene ematshan’weni yo cincana lembe ni lembe kumbe ku tirhisa makwerhu un’we ntsena lembe rin’wana ni rin’wana. Loko ku ri ni nkulu la nga ni vuswikoti, la nga mutotiwa, ku fanele ku hlawuriwa yena leswaku a nyikela nkulumo leyi.
◼ Hi tshama hi ri karhi hi lava vamakwerhu lava fanelekaka leswaku va ta pfuna eka Tsima Ra Matiko Hinkwawo Ro Aka Miako eAfrika. Ku laveka vamakwerhu va xinuna lava nga tekangiki kumbe lava tekeke, lava nga ni malembe ya le xikarhi ka 19 na 55, lava hanyeke kahle emirini va tlhela va va ni xiyimo lexinene evandlheni ra ka vona, lava tivaka mintirho leyi landzelaka, ku vatla, ku hisa tinsimbi, vativi va gezi, ku aka, ku plastela, ku penda ni vuplambara. Lava va endlaka swikombelo va fanele va va va ri malandza ya vutirheli kumbe vakulu. Maphayona hi wona ma nga ta rhanga ma hlawuriwa. U nga kuma xiavelo xo ringana mavhiki mambirhi ku ya eka tin’hweti ta tsevu hi ku ya hi swiyimo swa wena. Loko u swi tsakela, hi kombela u tsalela eka Volunteer Desk, South Africa Bethel, leswaku u kuma rungula leri engetelekeke swin’we ni fomo.
◼ Minkandziyiso Leyintshwa Leyi Kumekaka:
Dyondza Eka Mudyondzisi Lonkulu— Xiarabu, Xibunu, Xichayina, Xichewa, Xidachi, Xifurwa, Xigriki, Xihangari, Xijarimani, Xijapani, Xinghezi, Xintariyana, Xipedi, Xipolish, Xiputukezi, Xirhaxiya, Xiswahili, Xisuthu, Xitsonga, Xitswana, Xivhenda, Xixhosa, Xizulu
“Vona Tiko Lerinene”—Xibunu, Xichewa, Xifurwa, Xijarimani, Xinghezi, Xintariyana, Xipedi, Xiputukezi, Xishona, Xisuthu, Xiswahili, Xitsonga, Xitswana, Xixhosa, Xizulu