Marungula Ya Swa Mfumo

◼ Ku ve ni mintsombano ya muganga ya 61 ya “Ku Yingisa Xikwembu” eAfrika Dzonga swin’we ni le matikweni lama akelaneke na rona. Nhlayo hinkwayo ya lava veke kona i 161 160 naswona ku khuvuriwe vanhu va 2 235. Hi tlangela nkarhi lowu vamakwerhu hinkwavo lava nyikeleke tinkulumo va wu heteke va ri karhi va lunghiselela ni ku nyikela tinkulumo ta vona leti akeke hi tlhelo ra moya naswona hi khensa vatirhi va ku tirhandzela va magidi lava endleke mintirho yo hambana-hambana ya nkoka leswaku lava teke entsombanweni va vuyeriwa.

Nchumu lowu tsakisaka swinene i ntsombano lowu khomeriweke eSwaziland le Somhlolo National Stadium (eKings Stadium). I ro sungula ku khomeriwa ntsombano exitediyamu lexi. Tinkulumo ti nyikeriwe hi Xizulu ni Xinghezi. Lava veke kona i 5 201 naswona ku khuvuriwe vanhu va 86.