Switiviso

◼ September: Buku leyi nge Vutivi Lebyi Yisaka eVuton’wini Lebyi Nga Heriki. October: Timagazini ta Xihondzo xo Rindza ni Xalamuka! Loko munhu a kombisa ku tsakela, n’wi nyike broxara leyi nge Leswi Xi Swi Languteleke, kutani u endla matshalatshala yo hlawuleka yo sungula tidyondzo ta Bibele. November: Buku leyi nge Dyondza Eka Mudyondzisi Lonkulu kumbe broxara leyi nge I Yini Leswi Xikwembu Xi Swi Languteleke Eka Hina? December: Nghwazi Leyi Tshameke Yi Hanya.

◼ Eka Nhlangano wa Ntirho wa January 2005 ku ta buriwa hi nongonoko wa vhidiyo leyi nge No Blood—Medicine Meets the Challenge. Khasete ya vhidiyo ya No Blood yi kumeka hi Xinghezi ni hi Xiputukezi. Loko tikopi ta tikhasete ta vhidiyo leyi ti laveka, ku fanele ku endliwa xikombelo xa tona hi ku hatlisa evandlheni.

◼ N’hweti yin’wana ni yin’wana ya September matsalana loyi Holo ya Mfumo yi vitaniwaka hi vandlha ra vona u fanele a tata fomo leyi nge Annual Congregation Property Documents Review Work Sheet (T-33). Mavandlha hinkwawo lama tirhisaka holo yin’we ma fanele ma nyikiwa kopi leyi tatiweke ka ha ri ni nkarhi. Loko ku ri ni leswi swi lavaka ku lulamisiwa eka yona, vakulu va fanele va hatla va teka goza leswaku holo yi ta tshama yi hlayisekile. Loko mulanguteri wa xifundzha a endzela vandlha, u ta pfuxeta leswi tsariweke malunghana ni holo ni leswi nga eka fomo leyi nge Safety Inspection Work Sheet (T-34).

◼ Vakulu va tsundzuxiwa ku landzela swiletelo leswi nga eka Xihondzo xo Rindza xa April 15, 1991, matluka 21-3 malunghana ni vanhu lava susiweke eku hlanganyeleni kumbe lava tihambaniseke ni vandlha, lava kumbexana va lavaka ku vuyiseriwa.

◼ Hi Mugqivela, October 9, 2004, Kaya ra Bethele ni Vugandliselo swi ta va swi pfariwile leswaku swi basisiwa. Hi siku rero, a ma nge vi kona malunghiselelo ya leswaku mavandlha ma landza tibuku.

◼ Mavandlha ma fanele ku sungula ku endla xikombelo xa Khalendara Ya Timbhoni Ta Yehovha Ya 2005, Ku Kambisisa Matsalwa Siku Ni Siku—2005 ni Buku Ya Lembe Ya Timbhoni Ta Yehovha Ya 2005 loko ma endla xikombelo xa tibuku hi September. Khalendara Ya 2005 yi ta kumeka hi Xibemba, Xibunu, Xichewa, Xifurwa, Xigriki, Xijarimani, Xinghezi, Xintariyana, Xiputukezi, Xishona, Xisuthu, Xitumbuka, Xixhosa ni Xizulu. Buku Ya Lembe Ya 2005 yi nga ha komberiwa hi Xichayina, Xifurwa, Xigriki, Xijapani, Xijarimani, Xinghezi, Xintariyana, Xipaniya, Xiputukezi, Xishona, Xisuthu, Xitsonga, Xixhosa ni Xizulu. Xibukwana lexi nge Ku Kambisisa Matsalwa Siku Ni Siku—2005 xi nga komberiwa hi Xibunu, Xichayina, Xichewa, Xifurwa, Xigriki, Xijapani, Xijarimani, Xikwanyama, Xinghezi, Xintariyana, Xipedi, Xipolish, Xiputukezi, Xishona, Xisuthu, Xitsonga, Xitswana, Xitumbuka, Xivhenda, Xixhosa ni Xizulu. Loko minkandziyiso leyi yi nga si kumeka ni ku rhumeriwa ku ta tsariwa “Pending” emaphepheni ya nxaxamelo wa leswi rhumeriweke evandlheni ra ka n’wina. Minkandziyiso leyi yi wela eka swikombelo swo hlawuleka, leswi vulaka leswaku vandlha ri fanele ku endla swikombelo swa lava va yi kombeleke ntsena. (Vona Nkongomiso Wa Swikombelo Swa Tibuku Ta Watch Tower, Xiyenge 3.)

◼ Hi mi tivisa leswaku lembe leri a xi nge vi kona Xikolo xa Ntirho wa Vuphayona hikwalaho ka leswi eBethele ku nga ni Xikolo xa Valanguteri Lava Famba-fambaka.