Switiviso

◼ Minkandziyiso leyi nga ta fambisiwa hi December: Nghwazi Leyi Tshameke Yi Hanya. January: Buku yin’wana ni yin’wana leyi kandziyisiweke emahlweni ka 1990 leyi nga kona evandlheni. Loko mi nga ri na tona evandlheni, hi kombela mi kamba emavandlheni ya le kusuhi lama nga ni minkandziyiso leyi ya khale leyi mi nga yi fambisaka. February: Tshinela Eka Yehovha. March: Dyondza Eka Mudyondzisi Lonkulu.

◼ Mavandlha ma fanele ku sungula ku endla Swikombelo swa swirhambo swa Xitsundzuxo xa 2005 loko ma endla swikombelo swa wona swa tibuku hi January. Swirhambo leswi swi ta kumeka hi Xibunu, Xifurwa, Xinghezi, Xipedi, Xiputukezi, Xishona, Xisuthu, Xitsonga, Xitswana, Xixhosa ni hi Xizulu. Hi kombela leswaku mi swi kombela swi ri 100 eka xikatsa ha xin’we. Mi nga kombeli swo tala hikuva swi nyikiwa ntsena vanhu lava tsakelaka, ku nga ri mani na mani.

◼ Swihloko leswi vulavulaka hi ku twisisa ntshikilelo lowu madokodela ma langutaneke na wona, leswi kumekaka eka Xalamuka! ya February 8, 2005, swi tsariwe hi xikongomelo xo pfuna vanhu leswaku va ma twisisa ku antswa madokodela ya vona. Hambiswiritano, a swi kanakanisi leswaku madokodela ma ta swi tsakela swihloko leswi hikuva swin’wana swa swona swi hlamusela xivangelo xo va madokodela man’wana ma kokiwe rinoko hi rungula ra Bibele leri nyikaka ntshembo. U nga ha rhandza ku endla swikombelo leswi engetelekeke swa magazini lowu kutani u endla matshalatshala yo hlawuleka yo nyika dokodela wa wena kopi swin’we ni madokodela man’wana. Mavandlha ma fanele ma hatla ma tivisa rhavi loko ma lava timagazini leti engetelekeke ta nkandziyiso lowu.

◼ Hi kombela mi xiya leswaku Xitsundzuxo xa lembe ra 2006 xi ta va hi Ravunharhu, April, 12 endzhaku ka ku pela ka dyambu. Hi mi tivisa ka ha ri ni nkarhi leswaku mi ta kota ku hirha tindhawu kumbe tiholo loko ku ri ni mavandlha yo hlayanyana lama tirhisaka Holo ya Mfumo kutani swi boha leswaku ma lava ndhawu yin’wana. Loko ku laveka sweswo, vakulu va fanele va endla ntwanano ni valanguteri va ndhawu ya kona leswaku hi nkarhi wa Xitsundzuxo mi nga kavanyetiwi hi vanhu van’wana, xisweswo Xitsundzuxo xi ta famba hi ku rhula ni hi ku hleleka.

◼ Hikwalaho ka leswi Xitsundzuxo xi nga xa nkoka, loko huvo ya vakulu yi hlawula xivulavuri, yi fanele yi hlawula nkulu la fanelekaka swinene ematshan’weni yo cincisana lembe ni lembe kumbe yi tirhisa makwerhu un’we ntsena lembe rin’wana ni rin’wana. Loko ku ri ni nkulu la nga mutotiwa naswona a ta swi kota ku nyikela nkulumo leyi, yi fanele yi averiwa yena.

◼ Ku sukela hi vhiki leri sungulaka hi June 27, 2005, hi ta va hi dyondza buku leyi nge Nyikela Nyingiso Eka Vuprofeta Bya Daniyele, eDyondzweni ya Buku ya Vandlha.

◼ Mavandlha ma nga ha sungula ku endla swikombelo swa Watchtower Library—2003 Edition. CD leyi yi ta kumeka hi Xifurwa, Xijarimani, Xinghezi, Xintariyana ni hi Xiputukezi. Tsundzukani leswaku yi wela eka swikombelo swo hlawuleka. A yi nyikiwi mani na mani naswona a yi fanelanga yi vekiwa etilayiburari ta swikolo kumbe yi nyikiwa vanhu lava tsakelaka Timbhoni ta Yehovha. Watchtower Library yi tirhisiwa ntsena hi swirho swa vandlha naswona u nga yi kuma ntsena loko u kombele vandlha leswaku ri ku kombelela yona.

◼ Ti-CD Letintshwa Leti Kumekaka:

Ku Tlangela Ndzhaka Ya Hina Ya Moya—Xinghezi

Ku Endla Ku Rhandza Ka Xikwembu Hi Ku Hiseka—Xinghezi

Ku Endla Leswi Lulameke eMahlweni Ka Yehovha—Xinghezi

Ku Fungheriwa Ku Pona—Xinghezi

Ku Hlayisa Vutomi eNkarhini Wa Ndlala—Xinghezi

Ha Yini Hi Fanele Ku Xixima Malunghiselelo Ya Le Tilweni?—Xinghezi

◼ Ti-DVD Letintshwa Leti Kumekaka:

Spirits of the Dead—Can They Help You or Harm You? Do They Really Exist?—Ririmi ra Mavoko ra le Amerika