Marungula Ya Swa Mfumo

◼ Mavandlha man’wana ya 17 ma tsakele ku nyiketeriwa ka Tiholo ta wona ta Mfumo letintshwa: I Tweefontein East na Vlaklaagte West (eN’walungu wa Bronkhorstspruit), Mashishing (eLydenburg), Naas (eKomatipoort), Hleoheng (eLesotho), Pacaltsdorp (eGeorge), Dindini (eBizana), Kutloanong East (eOdendaalsrus), Phomolong (eHarrismith), Ntuzuma North (eInanda), Mondlo South (aEmondlo), Nkodibe (eMtubatuba), Majozini (eMkuze), Kokosi (eFochville), Hoekfontein, Leondale na Ivory Park South eGauteng.

Yehovha u hambeta a katekisa nongonoko wa ku aka Tiholo ta Mfumo ensin’wini ya hina. Hi lembe ra ntirho ra 2004 ku hetiwe Tiholo ta Mfumo ta 40. Hi wu tlangela ngopfu nkongomiso wa Tikomiti to Aka ta Swifundzha ta 25 ni nseketelo wa rirhandzu wa hinkwavo lava hoxaka xandla.

Xana u nga rhandza ku hoxa xandla loko ku akiwa Tiholo ta Mfumo? Kombela matsalana wa vandlha ra ka n’wina leswaku a ku nyika fomo leyi nge Kingdom Hall Construction Worker Questionnaire (S-82). Yi tate ivi u yi nyika mulanguteri la ungamelaka wa vandlha ra ka n’wina. Kutani Komiti yo Aka ya Xifundzha yi ta ku tivisa loko yi lava mpfuno wa wena.

Mavandlha lama nga si vaka ni holo ma komberiwa ku ya emahlweni ma humesa munyikelo enkwameni wa ku aka Tiholo ta Mfumo. Hi ndlela yoleyo, ma ta va ma ri ni mali loko ma sungula ku aka. Ka ha laveka Tiholo ta Mfumo to tala ensin’wini ya hina naswona hinkwerhu ha komberiwa leswaku hi wu seketela hi xitalo nongonoko wo aka tiholo.