Switiviso

◼ Minkandziyiso leyi nga ta fambisiwa hi March: Dyondza Eka Mudyondzisi Lonkulu. April na May: Timagazini ta Xihondzo xo Rindza ni Xalamuka! June: Tshamani Mi Rindzile!

◼ Loko u hlela ku teka riendzo ro ya etikweni rin’wana swin’we ni ku ya eminhlanganweni, enhlengeletanweni kumbe entsombanweni wa muganga etikweni rero, u fanele u kongomisa swivutiso swa wena malunghana ni masiku, minkarhi ni ndhawu ya minhlangano erhavini leri langutelaka ntirho wa tiko rero. Tiadirese ta marhavi ti xaxametiwe eka tluka ro hetelela ra Buku Ya Lembe ya sweswinyana.

◼ Xitsundzuxo xi ta va hi Ravumune, March 24, 2005. Loko vandlha ra n’wina ri khoma minhlangano hi Ravumune, yi fanele yi cinceriwa eka siku rin’wana loko Holo ya Mfumo yi nga tirhisiwi hi vandlha rin’wana. Loko swi nga koteki, kambe mi vona leswaku tinkulumo leti nga eka Nhlangano wa Ntirho wa vhiki rero ti ta pfuna swinene evandlheni ra n’wina, ti nga ha nghenisiwa eka Nhlangano wa Ntirho wa vhiki rin’wana.

◼ Vahuweleri van’wana va vutise rhavi hi ta tinsimu ta Mfumo leti yimbeleriwaka hi ndlela ya fexeni, leti Timbhoni ta Yehovha ti karhiki ti rhumelelanaka tona. Va vutisa loko nhlengeletano yi byi amukela ximfumo vuyimbeleri byo tano. Hi yi lemukile mhaka ya tinsimu leti naswona hi tsakela ku mi tivisa leswaku a hi ti amukeli ximfumo. Hi kombela leswaku tinsimu to tano mi nga ti rhumeli van’wana hambi ku ri ku ti teka eka Internet. Ha tshemba leswaku rungula leri ri ta veka timhaka erivaleni.

◼ Minkandziyiso Leyintshwa Leyi Kumekaka:

Good News for People of All Nations—Xichewa, Xifurwa, Xinghezi ni Xiputukezi

Tshamani Mi Rindzile!—Xiamharic, Xibunu, Xichayina (Lexi Olovisiweke), Xichewa, Xidachi, Xifurwa, Xijapani, Xijarimani, Xikwangali, Xikwanyama, Xindonga, Xinghezi, Xinghezi (Buku ya Lavo-fe-mahlo), Xintariyana, Xipaniya, Xipedi, Xiputukezi, Xisuthu, Xitsonga, Xitswana, Xivhenda, Xixhosa ni Xizulu

Vona Tiko Lerinene—Xichayina (Lexi Olovisiweke)

Watch Tower Publications Index, 2001—Xiputukezi

◼ Ti-DVD Letintshwa Leti Kumekaka:

Elementary Bible Teachings—On DVD—Ririmi ra Mavoko ra le Amerika

Tshamani Mi Rindzile!—Eka DVD—Ririmi ra Mavoko ra le Amerika