Marungula Ya Swa Mfumo

◼ Ku nyiketeriwe Tiholo ta Mfumo timbirhi letintshwa. Vandlha ra Castle Rock (eMount Fletcher) ni ra Shayandima (eVhenda) ma tsakile leswi ma nga ni tindhawu leti xiximekaka to gandzela eka tona.

◼ Vanhu lava a va ri kona emintsombanweni ya muganga ya 65, ya ku “Famba Ni Xikwembu” leyi a yi khomeriwe laha Afrika Dzonga ni le matikweni lama hi akelaneke na wona, a va ri 160 821 naswona ku khuvuriwe va 2 322. Hi ba mandla hi vuyelela eka vamakwerhu lava nyikeleke tinkulumo leti akaka swonghasi ni magidi ya vatirhi va ku tirhandzela lava endleke mintirho ya nkoka, leswaku lava a va ye emintsombanweni leyi va vuyeriwa.