Switiviso

◼ Minkandziyiso leyi nga ta fambisiwa hi September: Vutivi Lebyi Yisaka eVuton’wini Lebyi Nga Heriki. October: Timagazini ta Xihondzo xo Rindza ni Xalamuka! November: Buku leyi nge Dyondza Eka Mudyondzisi Lonkulu.

◼ Vakulu va tsundzuxiwa ku landzela swiletelo leswi nga eka Xihondzo xo Rindza xa April 15, 1991, matluka 21-3 malunghana ni vanhu lava susiweke eku hlanganyeleni kumbe lava tihambaniseke ni vandlha, lava kumbexana va lavaka ku vuyiseriwa.

◼ Se ku ta tirhisiwa swiphephana leswintshwa swa minkarhi ya minhlangano ya vandlha, leswi nga tsariwangiki siku ni minkarhi ya minhlangano, kumbe adirese ya Holo ya Mfumo. Kambe ku ta va ku ri ni ndhawu laha u nga ta tsala rungula rero. Xiphephana lexi xi fana ni xa xirhambo xa Xitsundzuxo, naswona xi ta va xi siva lexi ku tirhisiwaka xona. Mfungho wa lexintshwa i sf. Xi ta tshama xi ri kona erhavini, kambe hi kombela mi tirhisa swiphephana leswa khale leswi nga kona evandlheni mi nga si kombela leswintshwa. Vandlha leri ungamelaka swikombelo swa tibuku ri nga endla swikombelo swa mavandlha lama tirhisaka Holo yoleyo ya Mfumo. Hi kombela mi tsala tindzimi leti lavekaka.

◼ Hinkwavo lava nga ta va va ri maphayona ya nkarhinyana hi n’hweti leyi mulanguteri wa xifundzha a nga ta va a endzele vandlha ra ka vona hi lembe ra ntirho ra 2006, va ta pfumeleriwa ku va kona eka xiyenge xo sungula xa nhlangano wa maphayona lowu khomiwaka hi vhiki ra ku endzeriwa hi mulanguteri wa xifundzha. Hinkwavo lava va nga swi kotaka ku phayona va khutaziwa ku vuyeriwa eka lunghiselelo leri ro hlawuleka.

◼ Mavandlha ma fanele ma sungula ku endla xikombelo xa ndzimana ya lembe ya 2006 loko ma endla xikombelo xa tibuku hi September. Ndzimana ya lembe yi ta kumeka hi Xibunu, Xinghezi, Xiputukezi, Xisuthu, Xitsonga, Xixhosa ni Xizulu. Mavandlha ma nga endla xikombelo xa ndzimana yin’we ya lembe hi ririmi ha rin’we. Ku ringanyetiwa leswaku mavandlha ma hayeka ndzimana leyintshwa ya lembe hi January 1, 2006.

◼ Hi Mugqivela, October 15, 2005, ku ta va ku pfariwile erhavini ku basisiwa.

◼ XIYA: Masiku ya mintsombano ya muganga leyi landzelaka ma cinciwile:

December 2-4:

Boksburg (Xizulu 1) Ntsombano lowuntshwa

Springs (Xizulu 1) A wu nge he vi kona

December 9-11:

Boksburg (Xizulu 2) Ntsombano lowuntshwa

Springs (Xizulu 2) A wu nge he vi kona

December 16-18:

Boksburg (Xisuthu) Ntsombano lowuntshwa

Springs (Xisuthu) A wu nge he vi kona

December 23-25:

Thulamahashe (Xitsonga) Ntsombano lowuntshwa

December 30, 2005–January 1, 2006:

Kanyamazane (Xitsonga) A wu nge he vi kona

Newcastle (Xizulu) A wu nge he vi kona

Vryheid (Xizulu) Ntsombano lowuntshwa

◼ Ti-CD Letintshwa Leti Kumekaka:

Watchtower Library—2004 Edition—Xijapani

◼ Tikhasete Letintshwa Ta Vhidiyo Leti Kumekaka:

Gandzela Xikwembu Xi Ri Xin’we Xa Ntiyiso, Swiyenge 1-8—Ririmi Ra Mavoko Ra Le Amerika