Switiviso

Minkandziyiso leyi nga ta fambisiwa hi October: Timagazini ta Xihondzo xo Rindza ni Xalamuka! November: Buku leyi nge Dyondza Eka Mudyondzisi Lonkulu. December: Nghwazi Leyi Tshameke Yi Hanya.

◼ Leswi October yi nga ni mahelo-vhiki ya ntlhanu, yi ta va n’hweti ya kahle yo nghenela vuphayona bya nkarhinyana.

◼ Xin’wana xa swiengetelo leswi nga eka nkandziyiso lowu wa Vutirheli Bya Hina Bya Mfumo i “Xiyimiso Xa Xikolo Xa Vutirheli Bya Le Tilweni Xa 2006” kutani xi fanele xi hlayisiwa leswaku xi ta tirhisiwa lembe hinkwaro ra 2006.

◼ Mavandlha ma fanele ku sungula ku endla Swikombelo swa Xirhambo xa Xitsundzuxo xa 2006 loko ma endla xikombelo xa wona xa tibuku lexi landzelaka. Swirhambo leswi swi ta kumeka hi Xibunu, Xifurwa, Xinghezi, Xipedi, Xiputukezi, Xisuthu, Xitsonga, Xitswana, Xixhosa ni hi Xizulu. Hi kombela leswaku mi swi kombela swi ri 100 eka xikatsa ha xin’we. Mi nga kombeli swo tala hikuva swi nyikiwa ntsena vanhu lava tsakelaka, ku nga ri mani na mani.

◼ Minkarhi yin’wana vamakwerhu va bela rhavi riqingho va vutisa hi mhaka yo endla minyikelo yo ya pfuneta eka mhangu yo karhi, yo fana ni tsunami leya ha ku endlekaka eSouth East Asia. Minyikelo hinkwayo leyi nga ta nyikeriwa enkarhini lowu taka yo phalala lava weriweke hi mhangu kumbe swin’wana, yi fanele yi hoxiwa eka munyikelo wa ntirho wa misava hinkwayo, yi rhumeriwa hi vandlha ra n’wina kumbe yi rhumeriwa hi ku kongoma erhavini. Minyikelo yo phalala lava weriweke hi mhangu yi va yi huma eka minyikelo ya ntirho wa misava hinkwayo.

◼ Hi kombela leswaku mapapila hinkwawo lawa mi ma rhumelaka erhavini mi tsala vito ra vandlha, nomboro ya rona ni nomboro ya laha mi landzaka kona tibuku kumbe adirese ya poso. Leswi swi ta pfuna leswaku mapapila ma hatla ma yisiwa eka ndzawulo leyi faneleke. Munhu un’wana ni un’wana la tsalaka papila u fanele a tsala vito rakwe swin’we ni adirese yakwe swi vonaka kahle emahlweni ka mvhilopho ehenhla hi le ximatsini.