Switiviso

◼ Minkandziyiso leyi nga ta fambisiwa hi January: Buku yin’wana ni yin’wana leyi kandziyisiweke emahlweni ka 1991 leyi nga kona evandlheni. Loko mi nga ri na tona evandlheni, hi kombela mi kamba emavandlheni ya le kusuhi lama nga ni minkandziyiso leyi ya khale leyi mi nga yi fambisaka. Mavandlha lama nga riki na tona tibuku ta khale ma nga fambisa broxara leyi nge Tshamani Mi Rindzile! February: Tshinela Eka Yehovha. March: Dyondza Eka Mudyondzisi Lonkulu. April: Xihondzo xo Rindza na Xalamuka!

◼ Tanihi leswi n’hweti ya April yi nga ni mahelo-vhiki ya ntlhanu, yi ta va yi ri n’hweti ya kahle yo nghenela vuphayona byo nkarhinyana.

◼ Ku sukela hi February naswona ku nga si hundza March 5, nkulumo leyintshwa ya valanguteri va swifundzha yi ta va ni nhloko-mhaka leyi nge, “U Nga Tiphina Hi Vutomi Lebyi Rhuleke Sweswi Ni Hilaha Ku Nga Heriki!”

◼ Mavandlha ma fanele ma endla malunghiselelo lamanene yo tlangela Xitsundzuxo xa nan’waka hi Ravunharhu, April 12, endzhaku ka ku pela ka dyambu. Hambiloko nkulumo yo hatla yi sungula, swifanekiselo a swi fanelanga swi fambisiwa loko dyambu ri nga si pela. Kumisisani leswaku dyambu ri pela rini endhawini ya ka n’wina. Hambileswi swi nga swinene leswaku vandlha rin’wana ni rin’wana ri va ni Xitsundzuxo xa rona n’wini, minkarhi yin’wana a swi koteki. Loko Holo ya Mfumo yi tirhisiwa hi mavandlha yo hlayanyana, mavandlha man’wana ma nga ha hirha muako wun’wana leswaku ma ta wu tirhisa madyambu wolawo. Loko swi koteka, hi ringanyeta leswaku vandlha leri landzelaka rin’wana, ri nghena endzhaku ka 40 wa timinete leswaku un’wana ni un’wana a ta vuyeriwa hi xitalo eka siku leri. Nakambe ku fanele ku anakanyiwa hi ku tala ka mimovha emapatweni ni ndhawu yo paka swin’we ni ku tisiwa ni ku landziwa ka vanhu. Huvo ya vakulu yi fanele yi vona leswaku hi wahi malunghiselelo lama nga ta pfuna vandlha.

◼ Loko u hlela ku teka riendzo ro ya etikweni rin’wana swin’we ni ku ya eminhlanganweni, enhlengeletanweni kumbe entsombanweni wa muganga etikweni rero, u fanele u kongomisa swivutiso swa wena malunghana ni masiku, minkarhi ni ndhawu ya minhlangano erhavini leri langutelaka ntirho wa tiko rero. Tiadirese ta marhavi ti xaxametiwe eka tluka ro hetelela ra Buku Ya Lembe ya nan’waka.

◼ Rhavi ra ha amukela mapapila lawa timvhilopho ta wona ti nga tsariwangiki adirese ya lomu ma humaka. Leswaku hi pfuna Ndzawulo ya Poso, hi kombela leswaku mi tsala vito ra vandlha ra ka n’wina ri vonaka kahle ni nomboro ya rona, kumbe loko ri ri papila ra wena n’wini, u tsala vito ni adirese ya wena emahlweni ka mvhilopho, ehenhla hi le ximatsini.

◼ Ntirho Wo Hlawuleka Hi March, April Na Hi May: March, April na May i nkarhi wo endla ntirho lowu engetelekeke ensin’wini. Vahuweleri vo tala va ta nghenela vuphayona bya nkarhinyana. Valanguteri va ntirho va khutaziwa ku hatla va sungula ku hlela leswaku mavandlha ya vona ma endla ntirho wa nsimu lowu engetelekeke, ku katsa ni malunghiselelo yo hlanganyela hi xitalo hi Siku ro Hlawuleka ra Timagazini, hi April, 1, 2006. Mavandlha ma fanele ma rhumela swikombelo swo hlawuleka swa timagazini leti engetelekeke ku nga si hundza February 1, 2006. Loko swikombelo swo fika nkarhi se wu hundzile, swi nga endleka mi nga ti kumi hinkwato timagazini leti mi ti kombeleke.

◼ Mulanguteri La Ungamelaka Ni Matsalana: Enkarhini lowu taka lori leyi tisaka tibuku yi ta ta kan’we ntsena hi n’hweti. Mapapila yo tala lama humaka erhavini ma ta rhumeriwa hi poso. Hi kombela mi tiyiseka leswaku mi nyika rhavi adirese leyi tirhaka ya vandlha ra n’wina. Minkarhi yin’wana mapapila lama humaka erhavini ma tlherisiwa hi leswi ma tsariweke tiadirese leti hoxeke kumbe leti nga ha tirhiki. Hi kombela mi tirhisa fomo leyi nge Presiding Overseer Change of Address (S-29), mi nyika rhavi adirese ya vandlha ra n’wina.

◼ Leswaku vahuweleri lava vulavulaka Xiputukezi ni vanhu lava tsakelaka va vuyeriwa, hi mi nyika siku leri siku ra nhlengeletano yo hlawuleka yi nga ta khomiwa ha rona ni ra nhlengeletano ya xifundzha hi Xiputukezi. Siku ra nhlengeletano yo hlawuleka eJoni ri ta khomiwa hi February 25, 2006. Hi kombela mi vutisa rhavi hi ta ndhawu leyi wu nga ta khomeriwa eka yona loko siku leri ri tshinele. Nhlengeletano ya xifundzha hi Xiputukezi yi ta khomeriwa eHolweni ya Tinhlengeletano ya Eikenhof hi July 22, 23, 2006.

◼ Hi hlela ku va ni siku ra nhlengeletano yo hlawuleka ya ririmi ra mavoko eHolweni ya Tinhlengeletano ya Eikenhof hi April 23, 2006. Leyi ku ta va ku ri nhlengeletano yo sungula leyi nongonoko hinkwawo wu nga ta va wu ri hi ririmi ra mavoko. Hinkwavo lava nga ta vuyeriwa hi nhlengeletano leyi va rhambiwa hi mandla mambirhi leswaku va va kona. Hambileswi swi nga durhaka ku ta enhlengeletanweni leyi, kambe yi pfuna vanhu va la Afrika Dzonga lava nga twiki, ni va matiko lawa hi akelaneke na wona leswaku va tolovelana.

April 1, 2006, ri ta va Siku ra hina ro hlawuleka ra Timagazini. Ha mi khutaza hinkwenu leswaku mi sungula ku hlela ka ha ri sweswi leswaku mi ta hlanganyela hi xitalo nan’waka. Xana u nga swi kota ku va phayona ra nkarhinyana hi April?