Switiviso

◼ Minkandziyiso leyi nga ta fambisiwa hi February: Tshinela Eka Yehovha. March: Dyondza Eka Mudyondzisi Lonkulu. April na hi May: Xihondzo xo Rindza na Xalamuka!

◼ Leswi April yi nga ni mahelo-vhiki ya ntlhanu, yi ta va n’hweti ya kahle yo teka vuphayona bya nkarhinyana.

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2006 yi ta nyikeriwa hi Sonto ya April 30 naswona yi ta va ni xihloko lexi nge “Xana Hinkwaswo Swa Ha Ri eHansi Ka Vulawuri Bya Xikwembu?”

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi March 1 kumbe hi ku hatlisa endzhaku ka siku leri. Loko mi pfule akhawunti ya le tlhelo, yo lunghisa kumbe yo aka holo, ku fanele ku endliwa malunghiselelo ya leswaku ku kambisisiwa timali leti hoxiweke eka akhawunti leyi. Loko se ti kambisisiwile, tivisani vandlha eka xiviko xa timali lexi landzelaka. Hi kombela leswaku mavandlha lama se ma endleke xikombelo xo tsarisiwa tanihi Public Benefit Organizations (Tinhlengeletano leti Pfunaka Vaaki [PBO]) ma rhumela swiviko swa tiakhawunti ta wona swa December, January na February erhavini loko ma heta ku kambisisa timali. Loko mi ti rhumela mi ti kongomisa eka Accounting Office.

◼ Matsalana ni mulanguteri wa nsimu va fanele va kambisisa ntirho wa maphayona hinkwawo ya nkarhi hinkwawo. Loko ku ri ni loyi a tsandzekaka ku fikelela tiawara leti lavekaka, vakulu va fanele va endla malunghiselelo ya ku n’wi pfuna. Leswaku mi kuma swiringanyeto swa kona, pfuxetani mapapila ya lembe ni lembe ya S-201.

◼ CD-ROM ya Watchtower Library—2005 Edition: Hilaha swi tivisiweke hakona eka Vutirheli Bya Hina Bya Mfumo bya July 2005, CD-ROM ya Watchtower Library yi ta hamba yi humesiwa lembe ni lembe yi tamele rungula ra minkandziyiso leyi kandziyisiweke ku fikela eku heleni ka lembe rero. CD-ROM ya Watchtower Library—2005 yi ni swiyenge swimbirhi leswintshwa. Xo sungula i ndzimana ya siku leyi humaka eka xibukwana lexi nge Ku Kambisisa Matsalwa Siku Ni Siku ni xiyimiso xa Xikolo xa Vutirheli bya le Tilweni. Nkarhi wun’wana ni wun’wana loko u pfula rungula ra CD-ROM leyi ku ta humelela tsalwa ra siku rero ni ndzimana leyi tsariweke exibukwanini lexi nge Ku Kambisisa Matsalwa Siku Ni Siku. Xiyimiso xa Xikolo xa Vutirheli bya le Tilweni xi ta humelela ehansi ka ndzimana ya siku.

Xa vumbirhi i ku pfula tindzimi timbirhi hi nkarhi wun’we. Eku sunguleni a wu fanele u pfula ririmi ha rin’we ivi u kamba leswi u swi lavaka eka ririmi lerin’wana, hi xikombiso, loko u pfule Xinghezi ni Xipaniya, kambe CD-ROM a yi nga swi koti ku pfula minkandziyiso leyi fanaka ya tindzimi loko u lava leswaku yi endla tano. Xana ku pfula tindzimi timbirhi hi nkarhi wun’we swi ta ku pfuna ha yini? Loko u lava nkandziyiso wo karhi eka CD-ROM leyi ya 2005, u ta kota ku vona leswi u swi lavaka hi nkarhi wun’we eka tindzimi teto hatimbirhi. Xiya leswaku u ta kota ku vona tindzimi timbirhi hi nkarhi wun’we eka CD-ROM ya 2005 ntsena ku nga ri eka ta malembe lama hundzeke.

CD-ROM leyi ya 2005 a yi nge tirhi eka tikhompyuta leti nga ni progreme ya Windows 95. Swi ta lava leswaku u va ni progreme ya Windows 98, Millennium, NT, 2000, XP, kumbe tin’wana ta xiyimo xa le henhla. Sweswi mavandlha ma nga endla swikombelo swa CD-ROM ya Watchtower Library—2005, kambe yi fanele yi tirhisiwa hi Timbhoni ta Yehovha ntsena. Loko yi nga si rhumeriwa ku ta tsariwa “Pending” eka phepha ra nxaxamelo wa leswi mi rhumeriweke swona kukondza yi fika.

◼ Eka vaungameri va tibuku ni vamatsalana: Hi kombela mi tiyiseka leswaku nkarhi wun’wana ni wun’wana loko mi vutisa rhavi hi tibuku leti mi nga rhumeriwa tona hi xihoxo kumbe leti nga fikangiki, mi va mi tamele maphepha ya nxaxamelo wa leswi rhumeriweke loko swi koteka. Mi endla tano niloko mi tsalela rhavi mi vutisa hi ta minkandziyiso.