Switiviso

◼ Minkandziyiso leyi nga ta fambisiwa hi September: Xana Bibele Yi Dyondzisa Yini Hakunene? October: Fambisani Xihondzo xo Rindza ni Xalamuka! November: Fambisani buku leyi nge Dyondza Eka Mudyondzisi Lonkulu. December: Fambisani buku leyi nge Nghwazi Leyi Tshameke Yi Hanya.

◼ Mavandlha ma fanele ma sungula ku endla xikombelo xa ndzimana ya lembe ya 2007 loko ma endla xikombelo xa tibuku. Hi kombela mi hatla mi rhumela swikombelo swa n’wina hikuva swikombelo leswi nga ta endliwa nkarhi se wu hundzile a swi nge rhumeriwi. Ndzimana ya lembe yi ta kumeka hi Xibunu, Xikwangali, Xikwanyama, Xinghezi, Xipedi, Xiputukezi, Xisuthu, Xitsonga, Xitswana, Xivhenda, Xixhosa ni Xizulu. Mavandlha ma nga endla ntsena xikombelo xa ndzimana yin’we ya lembe hi ririmi ha rin’we. Mavandlha ma fanele ma hayeka ndzimana leyintshwa ya lembe hi January 1, 2007.

◼ Hi tsundzuxa vahuweleri leswaku minkandziyiso ya Braille yi durha ngopfu ku yi endla—minkandziyiso ya kona leyikulu yi durha magidi ya tirhandi. Loko matsalana a sayina fomo ya Literature Request Form (S-14) u fanele a tiyiseka leswaku hakunene minkandziyiso leyi komberiweke yi laviwa hi vahuweleri kumbe hi swichudeni swa Bibele leswi endlaka nhluvuko.

◼ Hi tivisa malandza ya tibuku leswaku ku rhumeriwe tifomo letintshwa ta Literature Request Forms (S-14) emavandlheni eka lembe lerintshwa ra ntirho. Kutani a ma fanelanga ma endla xikombelo xa tona handle ka loko se ti herile.

◼ Vakulu va tsundzuxiwa ku landzela swiletelo leswi nga eka Xihondzo xo Rindza xa April 15, 1991, matluka 21-3 malunghana ni vanhu lava susiweke eku hlanganyeleni kumbe lava tihambaniseke ni vandlha, lava kumbexana va lavaka ku vuyiseriwa.

◼ Nkarhi na nkarhi ku endliwa switiviso swa nkoka eka Vutirheli Bya Hina Bya Mfumo malunghana ni ndlela yo tamela minkandziyiso ni ndlela leyi swikombelo swa yona swi endliwaka ha yona. Malandza ya tibuku ma fanele ma nyikiwa Vutirheli Bya Hina Bya Mfumo hi ku hatlisa loko byi fika evandlheni leswaku ma ta hlaya switiviso kutani loko ku ri ni leswi ma faneleke ma endla swikombelo swa swona, ma kota ku swi kombela hi ku hatlisa.

◼ Swivilelo swa swikombelo swa tibuku swi fanele swi rhumeriwa erhavini hi ku tsala papila, ri rhumeriwa hi poso kumbe ku rhumeriwa fax eka nomboro leyi, (011) 761-1380, kumbe ku rhumeriwa e-mail eka adirese leyi, (literature@jw.org.za). Loko ku ri ni swivutiso swa xihatla swo kota minkandziyiso leyi mi rhumeriweke yona hi xihoxo, mi nga fonela Ndzawulo ya Minkandziyiso eka nomboro leyi, (011) 761-1000.

◼ Minkarhi yin’wana rhavi ri amukela swikombelo swa xihatla. Hi kombela mi papalata ku endla swikombelo swa xihatla handle ka loko ku endliwe xihoxo eka swilo leswi mi swi kombeleke. Switiviso swa minkandziyiso leyi nga ta fambisiwa, minkandziyiso ya matsima yo hlawuleka ni leyi nga ta dyondziwa eminhlanganweni swin’we ni tifomo swi tivisiwa ka ha ri ni nkarhi. Loko mo hlela swilo swa n’wina kahle, mi nga papalata ku endla swikombelo swa xihatla. Swikombelo leswi tolovelekeke swa minkandziyiso swi fanele swi komberiwa hi ku hatlisa n’hweti yin’wana ni yin’wana hambiloko swi nga talanga leswi lavekaka.

◼ Hi kombela leswaku mi nga rhumeli fomo ya Literature Request Forms (S-14) hi fax erhavini hikuva swa tika ku hlaya leswi tsariweke eka yona. Hi ringanyeta leswaku mi yi rhumela hi lori leyi tisaka tibuku kumbe hi poso. Malandza ya tibuku ma fanele ma kambela xiyimiso xa lori leyi tisaka tibuku, leswaku fomo ya S-14 yi kota ku yisiwa ka ha ri ni nkarhi lomu tibuku ti tekiwaka kona.

◼ Minkandziyiso Leyintshwa Leyi Kumekaka:

Nhlavutelo—Ku Chaputa Ka Yona Loku Hlamarisaka Ku Tshinele!—Nkandziyiso Wa Maletere Lamakulu (matluka ya 800)—Xifurwa, Xinghezi, Xiputukezi ni Xizulu

◼ Tikhasete Letintshwa Ta Vhidiyo Leti Kumekaka:

Tshamani Mi Rindzile!—Ririmi Ra Mavoko Ra Le Amerika

Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?—Ririmi Ra Mavoko Ra Le Amerika