Switiviso

◼ Minkandziyiso leyi nga ta fambisiwa hi January: Fambisani buku yin’wana ni yin’wana ya khale leyi nga kona evandlheni ku katsa ni leyi nge Vutivi. Loko mi nga ri na tona evandlheni, hi kombela mi kamba emavandlheni ya le kusuhi lama nga ni minkandziyiso leyi ya khale leyi mi nga yi fambisaka. Mavandlha lama nga riki na tibuku leti ta khale, ma nga fambisa broxara leyi nge Tshamani Mi Rindzile! February: Fambisani buku leyi nge Tshinela Eka Yehovha. March: Fambisani buku leyi nge Xana Bibele Yi Dyondzisa Yini Hakunene? April: Fambisani Xihondzo xo Rindza ni Xalamuka!

◼ Ku sukela hi February naswona ku nga si hundza March 4, nkulumo leyintshwa ya valanguteri va swifundzha yi ta va ni nhloko-mhaka leyi nge “I Mani La Nga Ta Faneleka Ku Nghena eMisaveni Leyintshwa Ya Xikwembu?”

◼ Vhidiyo leyi nge Young People Ask—What Will I Do With My Life? yi ta tlhuvutsiwa eka Nhlangano wa Ntirho wa April. Loko ku ri ni lava va lavaka vhidiyo leyi, va fanele va endla xikombelo xa yona hi ku hatlisa evandlheni.

◼ Tibuku ta hina ta Xichayina ti kandziyisiwa hi tindzimi timbirhi. Hi ntolovelo vanhu va le Hong Kong ni va le Taiwan va hlaya ririmi leri vuriwaka “Xichayina” (CH). Vanhu vo tala va le Chayina va hlaya ririmi leri olovisiweke leri vuriwaka “Xichayina lexi Olovisiweke” (CHS). Leswi vanhu lava vulavulaka Xicantonese, Ximandarin, kumbe ririmi rin’wana, va nga ha hlayaka rin’wana ra tindzimi leti ta Xichayina, i swa nkoka ku kumisisa ririmi leri munhu a ri hlayaka. U nga kuma ririmi leri munhu a ri hlayaka hi ku tirhisa xibukwana lexi nge Good News for People of All Nations, matluka 13-14. Hi ndlela yoleyo, u ta kota ku kombela tibuku ta ririmi leri faneleke.

◼ Mavandlha ma fanele ma endla malunghiselelo lamanene yo tlangela Xitsundzuxo xa nan’waka hi Musumbhunuku, April 2, endzhaku ka ku pela ka dyambu. Hambiloko nkulumo yo hatla yi sungula, swifanekiselo a swi fanelanga swi fambisiwa loko dyambu ri nga si pela. Kumisisani leswaku dyambu ri pela rini endhawini ya ka n’wina. Hambileswi swi nga swinene leswaku vandlha rin’wana ni rin’wana ri va ni Xitsundzuxo xa rona n’wini, minkarhi yin’wana a swi koteki. Loko Holo ya Mfumo yi tirhisiwa hi mavandlha yo hlayanyana, mavandlha man’wana ma nga ha hirha muako wun’wana leswaku ma ta wu tirhisa madyambu wolawo. Loko swi koteka, hi ringanyeta leswaku vandlha leri landzelaka rin’wana, ri nghena endzhaku ka 40 wa timinete leswaku un’wana ni un’wana a ta vuyeriwa hi xitalo eka siku leri. Nakambe ku fanele ku anakanyiwa hi ku tala ka mimovha emapatweni ni ndhawu yo paka swin’we ni ku tisiwa ni ku landziwa ka vanhu. Huvo ya vakulu yi fanele yi vona leswaku hi wahi malunghiselelo lama nga ta pfuna vandlha.

◼ Vamatsalana emavandlheni va fanele va tiyiseka leswaku ku na papila ra ku hlawuriwa ka phayona (S-202) ha rin’we ra nkarhi hinkwawo evandlheni. Loko ri nga ri kona va fanele va tsalela rhavi va ri kombela.

◼ Vamatsalana va vandlha va fanele va tiyiseka leswaku adirese ya Holo ya Mfumo swin’we ni nomboro ya riqingho yi kona eka buku ya tinqingho ya le ndhawini ya ka n’wina.

◼ Ntirho Wo Hlawuleka Hi March, April Na Hi May: March, April na May i nkarhi wo endla ntirho lowu engetelekeke ensin’wini. Vahuweleri vo tala va ta va maphayona ya nkarhinyana. Valanguteri va ntirho va khutaziwa ku hatla va sungula ku hlela leswaku mavandlha ya vona ma endla ntirho wa nsimu lowu engetelekeke, ku katsa ni malunghiselelo yo hlanganyela hi xitalo hi Siku ro Hlawuleka ra Timagazini, hi April, 14, 2007. Mavandlha ma fanele ma rhumela swikombelo swo hlawuleka swa timagazini leti engetelekeke ku nga si hundza February 1, 2007. Loko swikombelo swo fika nkarhi se wu hundzile, swi nga endleka mi nga ti kumi hinkwato timagazini leti mi ti kombeleke.

April 14, 2007, ri ta va Siku ra hina ro hlawuleka ra Timagazini. Ha mi khutaza hinkwenu leswaku mi sungula ku hlela ka ha ri sweswi leswaku mi ta hlanganyela hi xitalo nan’waka. Xana u nga swi kota ku va phayona ra nkarhinyana hi April?