Switiviso

◼ Minkandziyiso leyi nga ta fambisiwa hi March: Fambisani buku leyi nge Xana Bibele Yi Dyondzisa Yini Hakunene? April na May: Fambisani Xihondzo xo Rindza ni Xalamuka! June: Fambisani buku leyi nge Xihundla Xa Ntsako eNdyangwini.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi March 1 kumbe hi ku hatlisa endzhaku ka siku leri. Loko mi pfule akhawunti ya le tlhelo, yo lunghisa kumbe yo aka holo, ku fanele ku endliwa malunghiselelo ya leswaku ku kambisisiwa timali leti hoxiweke eka akhawunti leyi. Loko se ti kambisisiwile, tivisani vandlha eka xiviko xa timali lexi landzelaka. Hi kombela leswaku mavandlha lama se ma endleke xikombelo xo tsarisiwa tanihi Public Benefit Organizations ([PBO] Tinhlengeletano leti Pfunaka Vaaki) ma rhumela swiviko swa tiakhawunti ta wona swa December, January na February erhavini loko ma heta ku kambisisa timali. Loko mi ti rhumela mi ti kongomisa eka Accounting Office.

◼ Mavandlha ma fanele ma ava minkandziyiso ya Xihondzo xo Rindza ni Xalamuka! hi ku hatlisa loko yi fika. Sweswo swi ta endla leswaku vahuweleri va tiva leswi timagazini ti swi tameleke va nga si ti fambisa ensin’wini.

◼ Rhavi a ri swi amukeli swikombelo swa tibuku leswi munhu a tikombelelaka swona hi yexe erhavini. Vahuweleri va fanele va endla swikombelo swa tibuku emavandlheni ya vona. Mulanguteri la ungamelaka u fanele ku endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti erhavini, leswaku hinkwavo lava lavaka tibuku va ta tivisa makwerhu la tamelaka tibuku. Tsundzukani leswaku hi tihi tibuku leti welaka eka swikombelo swo hlawuleka. Tibuku to tano ti fanele ti komberiwa ntsena loko ku ri ni vanhu lava endleke swikombelo swa tona hi ku kongoma. Fomo yo endla xikombelo xa tibuku ya Literature Request Form (S-14) yi fanele ku rhumeriwa hi xihatla n’hweti yin’wana ni yin’wana.

◼ Mavandlha ma fanele ma sungula ku endla swikombelo swa tivholumo ta Xihondzo xo Rindza ni Xalamuka! ta 2006 loko ma endla xikombelo lexi landzelaka xa tibuku. Tivholumo leti ti ta kumeka hi Xichayina (lexi Tolovelekeke), Xifurwa, Xinghezi na hi Xiputukezi. Loko tivholumo ti nga si kumeka ni ku rhumeriwa ku ta tsariwa “Pending” emaphepheni ya nxaxamelo wa leswi rhumeriweke evandlheni ra n’wina. Tivholumo ti wela eka swikombelo swo hlawuleka.

◼ Loko u ri exibedlhele naswona u lava ku endzeriwa hi vakulu va le ndhawini ya ka n’wina kumbe vakulu lava tirhaka eka Ntlawa wo Endzela Vavabyi, hi kombela leswaku loko u fika exibedlhele u tsarisa leswaku u Mbhoni ya Yehovha u tlhela u kombela leswaku va swi tsarisa sweswo etifayeleni. Hlamusela leswaku u tsakela ku endzeriwa hi muchumayeri la nga Mbhoni ya Yehovha.

◼ Vakulu, ngopfu-ngopfu Valanguteri va Dyondzo ya Buku ya Vandlha, va fanele va tiyiseka leswaku muhuweleri un’wana ni un’wana la khuvuriweke u ri tatile khadi lerintshwa ra DPA hilaha swi hlamuseriweke hakona eka nhlangano wa ntirho wa January 22, 2007 ni le ka papila leri yaka eka vakulu hinkwavo leri tsariweke hi October 8, 2006.

◼ Lava tameleka tibuku va fanele va xiya leswaku tikhasete ta tinsimu leti tirhisiwaka evandlheni leti nga eka tialbamu ta ntlhanu, leti nga ni vito leri nge Sing Praises to Jehovah—On Audiocassette (csLsb) a ta ha kumeki. Kambe ematshan’weni ya tona ku fanele ku komberiwa sete ya ti-CD ta nhungu leti vito ra tona ri nge Sing Praises to Jehovah—On Compact Disc (cdsb).

◼ Ku ta va ni Siku ra Nhlengeletano yo hlawuleka hi Xiputukezi leyi nga ta khomiwa hi March 3, 2007. Nhlengeletano ya xifundzha hi Xiputukezi yi ta va hi July 21, 22, 2007. Tinhlengeletano leti hatimbirhi ti ta khomeriwa eHolweni ya Tinhlengeletano aEikenhof, eJoni.

◼ Minkandziyiso Leyintshwa Leyi Kumekaka:

Tshama U Ri Karhi U Ehleketa Hi Siku Ra Yehovha (jd)—Xibunu, Xifurwa, Xinghezi, Xiputukezi, Xisuthu, Xitsonga, Xitswana, Xixhosa ni Xizulu

Vuhundzuluxeri Bya Misava Leyintshwa Bya Matsalwa Ya Vukreste Ya Xigriki (bi7)—Xichewa