Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swa mpfuxeto ku ta buriwa ha swona eXikolweni xa Vutirheli bya le Tilweni hi vhiki leri sungulaka hi April 30, 2007. Mulanguteri wa xikolo u ta fambisa mpfuxeto wa timinete ta 30 lowu sekeriweke eka rungula ra tinkulumo leti nyikeriweke ku sukela eka vhiki ra March 5 ku ya eka April 30, 2007. [Xiya: Laha ku nga riki na swikombo endzhaku ka xivutiso swi ta lava leswaku u tikumela tinhlamulo hi ku tiendlela ndzavisiso.—Vona buku leyi nge Xikolo Xa Vutirheli, matl. 36-7.]

TINHLA TO TIRHELA EKA TONA

1. Xana hi nga ti olovisa njhani tinhla ta xisekelo ta nkulumo ya hina? [be-TS tl. 168 ndz. 3]

2. Xaxameta tindlela ta mune leti hi nga nyikelaka rungula ra hina ha tona hi ndlela leyi twisisekaka. [be-TS tl. 170 ndz. 3–tl. 172 ndz. 4]

3. Hi swihi swilo leswi hi faneleke hi swi tsundzuka loko hi hlawula leswi hi nga ta swi katsa enkulumeni? [be-TS tl. 173 tindz. 1-2]

4. Hi yihi mimbuyelo yin’wana ya ku nyikela nkulumo leyi nga hlayiwiki? [be-TS tl. 175 tindz. 2-4]

5. Ha yini swi ri swa nkoka ku vulavula hi ndlela yo bula naswona hi nga yi hlakulela njhani mfanelo leyi? [be-TS tl. 179 ndz. 4, bokisi; tl. 180, bokisi]

NKULUMO NO. 1

6. Xana makwerhu u fanele a ti lunghiselela hi ndlela yihi tinhla-nkulu ta ku hlaya ka Bibele ka vhiki ni vhiki? [be-TS tl. 47 tindz. 3-4]

7. I yini lexi nga xa nkoka swinene hi nkutsulo wa Kreste ku tlula mimbuyelo leyi hi yi kumaka hikwalaho ka wona? [w05-TS 11/1 tl. 14 ndz. 1]

8. Xana ma nga tirhisiwa njhani Matsalwa lama kombisiweke eka phepha ra nkulumo? [be-TS tl. 53 tindz. 1-2]

9. Xana a xi ri xihi xikongomelo xa Yesu xo va mudyondzisi naswona hi nga xi tekelela njhani? [be-TS tl. 57 ndz. 1]

10. Ha yini ku kombisa ku hambana exikarhi ka tidyondzo ta ntiyiso ni ta mavunwa swi pfuna eku dyondziseni? [be-TS tl. 57 tindz. 3-4]

KU HLAYA KA BIBELE KA VHIKI NI VHIKI

11. Hi nga ma endla njhani matshalatshala yo tirhisa ndzayo ya Yeremiya 6:16 leswaku hi famba eka “tindlela ta khale swinene, laha sweswi ku nga ni ndlela leyinene”?

12. Ha yini Yehovha a hlawule ntavila leswaku yi va xikombiso xa xiviri eka Vayuda lava nga tshembekiki, naswona hi nga dyondza yini eka leswi? (Yer. 8:7)

13. Hi nga dyondza yini eka Yeremiya 15:17 malunghana ni langutelo ra hina hi vuhungasi namuntlha?

14. Hi yini ndlela leyi vanhu va fanaka ni vumba emavokweni ya Muvumbi Lonkulu Yehovha? (Yer. 18:5-11)

15. Xana nxaxamelo wa matiko lama xaxametiweke eka Yeremiya 25:17-26 i wa nkoka hi ndlela yihi eka hina?