Marungula Ya Swa Mfumo

◼ Ha tsaka ku mi tivisa leswaku tsima ra nsimu leyi nga aviwangiki ra 2006 ri fambe kahle swinene. Yehovha u katekise ku tikarhata ka vamakwerhu va 13 541 lava humaka emavandlheni ya 412 va laha Afrika Dzonga, eBotswana, eLesotho, eNamibia ni le Swaziland, lava hlanganyeleke etsimeni leri. Hikwalaho ka ku tikarhata ka vona, va kote ku fambisela vanhu lava tsakelaka tibuku ta 4 121, tibroxara ta 60 859 ni timagazini ta 92 749. Va endle maendzo yo vuyela ya 11 427 va tlhela va fambisa tidyondzo ta Bibele ta 1 630. Maphayona yo hlawuleka ya 27 ma hlanganyerile na wona etsimeni leri, ma tirha emadorobeni ni le tindhawini ta le kule. I ro sungula leswaku ku rhumeriwa maphayona mambirhi yo hlawuleka ya ya chumayela ensin’wini ya lava feke tindleve eDurban. Onge Yehovha a nga hambeta a katekisa matshalatshala ya hina loko hi hlanganyela eku chumayeleni hi Mfumo eka tsima ra nsimu leyi nga aviwangiki ya 2007.

◼ Ku khomiwe Mintsombano ya Muganga leyi nge “Nkutsulo Wu Tshinele!” ya 61 laha Afrika Dzonga ni le matikweni lawa hi akelaneke na wona. Hinkwavo lava veke kona a va ri 176 835 naswona ku khuvuriwe vanhu va 2 405. Hi tlangela tinkulumo hinkwato leti vamakwerhu va ti lunghiseleleke va tlhela va ti nyikela leswaku hi va ni nongonoko lowu hi akeke hi tlhelo ra moya, hi tlhela hi nkhensa magidi ya vatirhi va ku tirhandzela lava endleke mintirho ya nkoka leswaku hinkwavo lava teke entsombanweni va vuyeriwa.