Switiviso
◼ Minkandziyiso leyi nga ta fambisiwa hi July na August: Mi nga ha fambisa yin’wana ni yin’wana ya tibroxara leti landzelaka leti nga ni matluka ya 32: Gondzo Leri Yisaka eVuton’wini Lebyi Nga Heriki—Xana Se U Ri Kumile?, Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene? September: Xana Bibele Yi Dyondzisa Yini Hakunene? Endlani matshalatshala yo hlawuleka yo sungula tidyondzo ta Bibele eka riendzo ro sungula. Loko vini va miti se va ri na yona buku leyi, va kombeni ndlela leyi yi nga va pfunaka ha yona hi ku va kombisa leswi dyondzo ya Bibele yi fambisaka xiswona. October: Xihondzo xo Rindza ni Xalamuka!
◼ Ku sukela hi September, valanguteri va xifundzha va ta nyikela nkulumo ya le rivaleni leyi nge “I Yini Lexi Endlaka Leswaku Bibele Yi Tshembeka?”
◼ Ku ringanyetiwa leswaku swikombelo swa vuphayona bya nkarhi hinkwawo swi rhumeriwa erhavini ka ha sale masiku ya 30 leswaku muhuweleri la endleke xikombelo a sungula ku phayona. Matsalana wa vandlha u fanele a kambisisa tifomo ku vona loko ti tatiwe kahle. Loko lava endleke xikombelo xa vuphayona va nga ha ri tsundzuki siku leri va khuvuriweke ha rona, va fanele va tsala siku leri va anakanyaka rona ivi va tiyiseka leswaku a va ha ri rivali. Matsalana u fanele a tsala siku leri ekhadini leri nge Congregation’s Publisher Record (S-21).
◼ Ku hlayiwa ka tibuku hinkwato ni timagazini leti nga kona, loku endliwaka lembe ni lembe ku fanele ku endliwa hi August 31, 2007 kumbe hi ku hatlisa swinene endzhaku ka siku rero. Ku hlayiwa loku ka fana ni loku endliwaka n’hweti ni n’hweti hi loyi a tamelaka tibuku, kutani mintsengo ya tona yi fanele yi tsariwa eka fomo ya Ku Hlayiwa Ka Tibuku (S-18). Hi kombela mi tiyiseka leswaku loko mi nga si hlaya tibuku, mi nyika vahuweleri swikombelo swo hlawuleka leswi va swi kombeleke. Ntsengo wa timagazini leti nga kona wu nga kumiwa eka lava tamelaka timagazini. Matsalana wa vandlha leri ungamelaka u fanele a kongomisa ku hlayiwa loku. Yena ni mulanguteri la ungamelaka wa vandlha ra ka vona va ta sayina tifomo leti. Vandlha ha rin’we leri ungamelaka ri ta rhumeriwa tifomo tinharhu ta Ku Hlayiwa Ka Tibuku loko ku rhumeriwa swikombelo swa tibuku swa hi July kumbe swa hi August. Hi kombela leswaku mi rhumela fomo yo sungula erhavini ku nga si hundza September 6. Hlayisani kopi ya yona efayeleni ya vandlha. Fomo ya vunharhu mi nga tirhela eka yona.
◼ Hi kombela mi xiya leswaku buku ya vumbirhi yo dyondza ni lava ha ku sungulaka ku hlanganyela i buku leyi nge Gandzela Xikwembu Xi Ri Xin’we Xa Ntiyiso. Minkarhi yo tala vahuweleri va sungula dyondzo ya Bibele hi ku tirhisa broxara leyi nge Leswi Xi Swi Languteleke kutani loko va heta va sungula ku dyondza buku leyi nge Leswi Bibele Yi Swi Dyondzisaka. Leswaku lava ha ku sungulaka ku hlanganyela va kota ku va ni masungulo lama tiyeke entiyisweni, ku bumabumeriwa leswaku ku tlhela ku tirhisiwa ni buku ya vumbirhi leyi nge Gandzela Xikwembu Xi Ri Xin’we Xa Ntiyiso, hambiloko xichudeni lexintshwa xa Bibele se xi khuvuriwile.
◼ DVD Leyintshwa Leyi Nga Ni Tindzimi To Tala Leyi Kumekaka:
Bibele—Buku ya Vuprofeta (dvbbl-DVC) —Xiarabu, Xidachi, Xinghezi, Ximalagasi, Xipaniya, Xiputukezi (xa le Brazil) ni Xiputukezi (xa le Yuropa), (Eka DVD yin’we)