Switiviso

◼ Minkandziyiso leyi nga ta fambisiwa hi November: Fambisani buku leyi nge Dyondza Eka Mudyondzisi Lonkulu. December: Fambisani buku leyi nge Tshinela Eka Yehovha. January: Fambisani broxara leyi nge Tshamani Mi Rindzile! Loko mi nga ri na yona broxara leyi evandlheni, fambisani leyi nge Leswi Xi Swi Languteleke. February: Fambisani buku leyi nge Xihundla Xa Ntsako eNdyangwini.

◼ Leswi December yi nga ni mahelo-vhiki ya ntlhanu, yi ta va n’hweti ya kahle yo va phayona ra nkarhinyana.

◼ Vahuweleri hinkwavo va khutaziwa ku tata makhadi ya DPA, (durable power of attorney) loko ku ri leswaku a va si ma tata. Khadi leri ra DPA ri sirhelela mfanelo ya wena yo ala ku pomperiwa ngati. Vakulu va ta pfuna lava lavaka mpfuno.—Vona xiengetelo xa Vutirheli Bya Hina Bya Mfumo bya January 2007.

◼ A swa ha bohi leswaku vahuweleri va tsala fomo leyi nge Study Report (S-3) ya dyondzo yin’wana ni yin’wana ya le kaya ya Bibele leyi fambisiweke hi n’hweti yoleyo. Hambiswiritano, va fanele va hambeta va tsala nhlayo ya tidyondzo to hambana-hambana ta Bibele leti fambisiweke eka kholomo leyi faneleke ya fomo leyi nge Field Service Report (S-4). Ku sukela sweswi fomo leyi ya S-3 yi ta tirhiseriwa ku vika nhlayo ya lava veke kona eminhlanganweni ya vandlha ntsena.

◼ Mulanguteri la ungamelaka u fanele a rhumela xiviko xa Unassigned Territory Assignment (S-63) swin’we ni mepe wa nsimu ni mintokoto leyi tsakisaka erhavini, ku nga si fika November 17, 2007. Tiyiseka leswaku u veka xitempe xa mali leyi ringaneke loko u tirhisa mvhilopho leyikulu.

◼ Nkarhi na nkarhi ku endliwa switiviso swa nkoka eka Vutirheli Bya Hina Bya Mfumo malunghana ni ndlela yo tamela minkandziyiso ni ndlela leyi swikombelo swa yona swi endliwaka ha yona. Malandza ya tibuku ma fanele ma nyikiwa Vutirheli Bya Hina Bya Mfumo hi ku hatlisa loko byi fika evandlheni leswaku ma ta hlaya switiviso kutani loko ku ri ni leswi ma faneleke ma endla swikombelo swa swona, ma kota ku endla tano hi ku hatlisa.

◼ Hi tsundzuxa vahuweleri leswaku minkandziyiso ya Braille yi durha ngopfu ku yi endla. Minkandziyiso ya kona leyikulu yi nga durha magidi ya tirhandi. Hi ni lunghelo ro nyikela loko hi teka minkandziyiso leyi. Loko matsalana a sayina fomo ya Literature Request Form (S-14) u fanele a tiyiseka leswaku hakunene minkandziyiso leyi komberiweke yi laviwa hi vahuweleri kumbe hi swichudeni swa Bibele leswi endlaka nhluvuko. U fanele a swi kombisa kahle eka S-14 leswaku u xi kambisise hi vukheta xikombelo lexi naswona u pfumelelana na xona. Lava rhumeriwaka Xihondzo xo Rindza ni Xalamuka! hi Braille n’hweti na n’hweti va fanele va tsundzuka leswaku swa durha.

◼ Mavandlha ma nga sungula ku endla xikombelo xa nkandziyiso lowu pfuxetiweke wa Kingdom Melodies—On Compact Disc, Vholumo 5 (cdm-5).

◼ Minkandziyiso Leyintshwa Leyi Kumekaka:

Xana Xikongomelo Xa Vutomi I Yini? U Nga Xi Kumisa Ku Yini? (pr) —Xikwanyama

◼ Ti-CD Letintshwa Leti Kumekaka:

I Yini Leswi Xikwembu Xi Swi Languteleke Eka Hina? (cdrq) —Xibunu, Xipedi, Xisuthu, Xitsonga, Xitswana, Xixhosa ni Xizulu

◼ Ti-CD Letintshwa Leti Nga Eka MP3 Leti Kumekaka:

Bible Dramas (mpdrm) —Xinghezi

Vuhundzuluxeri Bya Misava Leyintshwa Bya Matsalwa Yo Kwetsima (mpbi12) —Xiputukezi

◼ Ti-DVD Letintshwa Leti Nga Ni Tindzimi To Tala Leti Kumekaka:

Organized to Share Good News and Whole Association of Brothers (dvjwa) —Xiarabu, Xidachi, Ximalagasy, Xinghezi, Xipaniya, Xiputukezi (xa le Brazil) ni Xiputukezi (xa le Yuropa) (eka DVD yin’we)

To the Ends of the Earth and United by Divine Teaching (dvedt) —Xiarabu, Xidachi, Xinghezi, Xipaniya, Xiputukezi (xa le Brazil) ni Xiputukezi (xa le Yuropa) (eka DVD yin’we)

Young People Ask—How Can I Make Real Friends? (dvfe) —Xiarabu, Xidachi, Ximalagasy, Xinghezi, Xipaniya, Xiputukezi (xa le Brazil) ni Xiputukezi (xa le Yuropa) (eka DVD yin’we)