Switiviso

◼ Minkandziyiso leyi nga ta fambisiwa hi February: Fambisani buku leyi nge Xihundla Xa Ntsako eNdyangwini. March: Fambisani buku leyi nge Xana Bibele Yi Dyondzisa Yini Hakunene? April na May: Fambisani timagazini ta Xihondzo xo Rindza ni Xalamuka! June: Fambisani buku leyi nge Gandzela Xikwembu Xi Ri Xin’we Xa Ntiyiso.

◼ Tanihi leswi March yi nga ni mahelo-vhiki ya ntlhanu, yi ta va n’hweti ya kahle yo nghenela vuphayona bya nkarhinyana.

◼ Matsalana ni mulanguteri wa nsimu va fanele va kambisisa ntirho wa phayona ha rin’we ra nkarhi hinkwawo. Loko ku ri ni phayona leri tsandzekaka ku fikelela tiawara leti lavekaka, vakulu va fanele va endla malunghiselelo yo ri pfuna.

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2008, yi ta va ni nhloko-mhaka leyi nge “I Mani Loyi A Fanelekaka Ku Fuma Vanhu?” Vona xitiviso lexi yelanaka ni lexi eka Vutirheli Bya Hina Bya Mfumo bya September 2007.

◼ Hilaha swi tivisiweke hakona eka Vutirheli Bya Hina Bya Mfumo bya December 2007, mavandlha ma nga sungula ku endla swikombelo swa Watchtower Library—2007 (cdly07). Watchtower Library—2007 yi ni minkandziyiso leyintshwa leyi humesiweke hi 2007 yi tlhela yi endliwa hi progreme leyi vuriwaka Watchtower Reader. Progreme leyi leyintshwa yi tirhiseka hi ku olova hi tindlela to tala naswona yi ni swilo leswintshwa eka yona leswi u nga ta tsakela ku swi tirhisa, leswi nga ta endla leswaku u tiphina loko u ri karhi u endla dyondzo ya wena n’wini ya Bibele. Loko u yi nghenisa, khompyuta yi ta ku kombela leswaku u endla kopi ya rungula leri nga ta ku pfuna leswaku u tolovela matirhelo ya progreme leyi leyintshwa ni swilo leswi katsiweke eka yona. Watchtower Library—2007, yi lava leswaku u va ni khompyuta leyi tirhisaka Microsoft Windows 2000, XP, kumbe Vista.

◼ Vahuweleri hinkwavo lava kumaka Vutirheli Bya Hina Bya Mfumo hi Xivhenda va ta rhumeriwa broxara leyi nge “All Scripture”—Authentic and Beneficial—2008 (bsi08 Xiyenge 1 na Xiyenge 2) leyi hundzuluxeriweke hi Xivhenda. Ku ta rhanga ku rhumeriwa Xiyenge 1 ivi Xiyenge 2 xi ta rhumeriwa hi ku famba ka nkarhi.