Switiviso

◼ Minkandziyiso leyi nga ta fambisiwa hi March: Buku leyi nge Xana Bibele Yi Dyondzisa Yini Hakunene? April na May: Fambisani timagazini ta Xihondzo xo Rindza ni Xalamuka! June: Fambisani buku leyi nge Gandzela Xikwembu Xi Ri Xin’we Xa Ntiyiso.

◼ Mavandlha ma fanele ma ava minkandziyiso ya Xihondzo xo Rindza ni Xalamuka! hi ku hatlisa loko yi fika. Leswi swi ta endla leswaku vahuweleri va tiva leswi timagazini ti swi tameleke va nga si ti fambisa ensin’wini. Vutirheli Bya Hina Bya Mfumo na byona byi fanele byi aviwa hi ku hatlisa loko byi fika.

◼ Mulanguteri la ungamelaka kumbe un’wana loyi a hlawuriweke hi yena u fanele ku kambisisa timali ta vandlha ta n’hweti ya December, January na February. A ku fanelanga ku tirhisiwa munhu un’we ku kambela timali nkarhi na nkarhi. Loko mi pfule akhawunti ya le tlhelo yo lunghisa kumbe yo aka holo, ku fanele ku endliwa malunghiselelo ya leswaku ku kambisisiwa timali leti hoxiweke eka akhawunti leyi. Loko se ti kambisisiwile, tivisani vandlha eka xiviko xa timali lexi landzelaka.—Vona Swiletelo Swa Tiakhawunti Ta Vandlha (S-27).

◼ Mavandlha ya laha Afrika Dzonga ma fanele ma rhumela swiviko swa tiakhawunti ta tin’hweti letinharhu erhavini hi ku hatlisa. Matsalana ni mulanguteri wa timali va fanele va tiyiseka leswaku tiakhawunti hinkwato ti helerile naswona ti hlelekile ni leswaku va rhumela rungula leri landzelaka: Phepha Ra Tiakhawunti (S-26), Xiviko Xa Tiakhawunti Ta Vandlha Xa N’hweti Ni N’hweti (S-30), Tirhisiti (S-24), tirhisiti ta ntsengo wa timali leti tirhisiweke ni xitatimende xa le bangi xa n’hweti yin’wana ni yin’wana (loko ku ri leswaku vandlha ri na akhawunti ebanki). Swi fanele swi tsariwa kahle leswaku swi ya eka Accounting Office—PBO Registration.

◼ Hi kombela leswaku vamakwerhu lava langutelaka timagazini va tiyiseka leswaku va kuma mphakelo lowu eneleke wa timagazini ta Xihondzo xo Rindza (nkandziyiso wa vanhu hinkwavo ni lowu dyondziwaka evandlheni) ni Xalamuka! Loko swi nga ri tano a va endle xikombelo hi ku hatlisa va tirhisa fomo leyi nge Magazine Request Form (M-202). Tsundzukani leswaku leswi swi nga ha teka tin’hweti to hlayanyana leswaku swi lulamisiwa.

◼ Mavandlha ma fanele ma sungula ku endla swikombelo swa tivholumo ta Xihondzo xo Rindza ni Xalamuka! ta 2007. Tivholumo leti ti ta kumeka hi Xichayina (Lexi tolovelekeke), Xifurwa, Xinghezi ni Xiputukezi. Loko tivholumo ti nga si kumeka ni ku rhumeriwa ku ta tsariwa “Pending” emaphepheni ya nxaxamelo wa leswi rhumeriweke evandlheni ra n’wina. Tivholumo ti wela eka swikombelo swo hlawuleka.

◼ Minkandziyiso Leyintshwa Leyi Kumekaka:

‘Tana U Va Mulandzeri Wa Mina’ (cf) —Xibunu, Xifurwa, Xinghezi, Xiputukezi, Xishona, Xisuthu, Xitsonga, Xivhenda, Xixhosa ni Xizulu.

‘Tana U Va Mulandzeri Wa Mina’—Nkandziyiso wa Maletere Lamakulu (cflp)—Xinghezi, Xifurwa, Xiputukezi, Xisuthu, Xixhosa ni Xizulu

Is Your Life Ruled by Fate? (T-81)—Xichayina (Lexi olovisiweke)

Tshama U Ri Karhi U Ehleketa Hi Siku Ra Yehovha—Nkandziyiso wa Maletere Lamakulu (jdlp)—Xiputukezi

Watch Tower Publications Index 2006 (dx06)—Ririmi ra Mavoko ra le Amerika