Switiviso
◼ Minkandziyiso leyi nga ta fambisiwa hi July na August: Broxara yin’wana ni yin’wana ya matluka ya 32 ya leti landzelaka: Gondzo Leri Yaka eVuton’wini Lebyi Nga Heriki—Xana Se U Ri Kumile?, Hulumendhe Leyi Nga Ta Tisa Paradeyisi, I Yini Leswi Xikwembu Xi Swi Languteleke Eka Hina?, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, U Nga Va Munghana Wa Xikwembu, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene? September: Xana Bibele Yi Dyondzisa Yini Hakunene? October: Xihondzo xo Rindza ni Xalamuka!
◼ Ku sukela hi September, valanguteri va xifundzha va ta nyikela nkulumo ya le rivaleni leyi nge “Famba Hi Ku Tshembeka.”
◼ Ku hlayiwa ka tibuku hinkwato ni timagazini leti nga kona, loku endliwaka lembe ni lembe ku fanele ku endliwa hi August 31, 2008 kumbe hi ku hatlisa swinene endzhaku ka siku rero. Ku hlayiwa loku ka fana ni loku endliwaka n’hweti ni n’hweti hi loyi a tamelaka tibuku, kutani mintsengo ya tona yi fanele yi tsariwa eka fomo ya Ku Hlayiwa Ka Tibuku (S-18). Hi kombela mi tiyiseka leswaku loko mi nga si hlaya tibuku, mi nyika vahuweleri swikombelo swo hlawuleka leswi va swi kombeleke. Ntsengo wa timagazini leti nga kona wu nga kumiwa eka lava tamelaka timagazini. Matsalana wa vandlha leri ungamelaka u fanele a kongomisa ku hlayiwa loku. Yena ni mulanguteri la ungamelaka wa vandlha ra ka vona va ta sayina tifomo leti. Vandlha ha rin’we leri ungamelaka ri ta rhumeriwa tifomo tinharhu ta Ku Hlayiwa Ka Tibuku loko ku rhumeriwa swikombelo swa tibuku swa July kumbe swa August. Hi kombela leswaku mi rhumela fomo yo sungula erhavini ku nga si hundza September 6. Hlayisani kopi ya yona efayeleni ya vandlha. Fomo ya vunharhu mi nga tirhela eka yona. Hi kombela mi kambisisa papila ra January 7, 2008 mi nga si hlaya tibuku.
◼ Mphakelo wa tifomo ta lembe ra ntirho hinkwaro ra 2009 wu ta rhumeriwa ku nga ri khale hi timvhilopho letikulu eka vandlha rin’wana ni rin’wana hi vito ra vandlha leri ungamelaka. Tanihi leswi mavito ya mavandlha laman’wana ma nga tsariwiki eka timvhilopho teto, mulanguteri wa tibuku u fanele a wu langutisisa hi vukheta nxaxamelo wa leswi rhumeriweke kutani a tiyiseka leswaku vandlha ha rin’we ri hatla ri nyikiwa mphakelo wa rona.
◼ Mavandlha ma fanele ma kombela mphakelo lowu eneleke wa tifomo ta lembe ra ntirho ra 2009 eka xikombelo xa wona xa tibuku lexi landzelaka. Tifomo leti landzelaka a ti fanelanga ti katsiwa eka xikombelo xa mphakelo wa tifomo ta vandlha ta lembe hinkwaro hikuva ti ta rhumeriwa ni mphakelo wa vandlha: Congregation Report (S-1), Report Card Envelopes (rce), Literature Request Form (S-14), Contribution Remittance Form (S-20), Congregation Accounts Audit Report (S-25), Accounts Sheet (S-26) na Monthly Congregation Accounts Report (S-30). Hi kombela leswaku tifomo tihi na tihi mi ti tirhisela leswi ti endleriweke swona ntsena.
◼ Ku fanele ku tirhisiwa buku leyi nge Leswi Bibele Yi Swi Dyondzisaka loko ku fambisiwa tidyondzo ta Bibele ku nga ri broxara leyi nge Leswi Xi Swi Languteleke. Kambe broxara leyi nge Leswi Xi Swi Languteleke mi nga ha ya emahlweni mi yi fambisa ensin’wini kukondza mphakelo wa yona wu hela.
◼ Ku sukela hi January 2008, timagazini ta Xihondzo xo Rindza ni Xalamuka! leti ngo yingiseriwa kunene ta Xinghezi ni Xipaniya ti sungule ku kumeka eka Web site www.pr418.com. Vo tala va tsakela ku tikopela tona eka Web site leyi ivi va va na tona kambe ti-CD kumbe MP3 ta kona ti nga si rhumeriwa emavandlheni. Minkarhi hinkwayo loko vanhu va kopa minkandziyiso yoleyo, nhlengeletano ya hakela. Hambiswiritano, lunghiselelo leri a ri durhi ngopfu ku fana ni ku endla ti-CD ni ku ti rhumela. Hikokwalaho, vahuweleri lava tikopelaka timagazini leti yingiseriwaka kunene, va khutaziwa ku sula xikombelo xa vona xa ti-CD kumbe ti-MP3 eka nandza wa timagazini. Hi ku famba ka nkarhi ku ta va ni minkandziyiso yin’wana leyi yingiseriwaka kunene eka www.org.jw.
◼ Minkandziyiso Leyintshwa Leyi Kumekaka:
Watch Tower Publications Index 2007 (dx07)—Ririmi ra Mavoko ra le Amerika
◼ Ti-CD Letintshwa Leti Kumekaka Leti Nga Eka MP3:
Tshama U Ri Karhi U Ehleketa Hi Siku Ra Yehovha (mpjd)—Xinghezi