Switiviso
◼ Minkandziyiso leyi nga ta fambisiwa hi September: Xana Bibele Yi Dyondzisa Yini Hakunene? October: Fambisani timagazini ta Xihondzo xo Rindza ni Xalamuka! November: Xana Bibele Yi Dyondzisa Yini Hakunene? December: Nghwazi Leyi Tshameke Yi Hanya. Loko mi nghena emitini leyi nga ni vana, mi nga fambisa buku leyi nge Dyondza Eka Mudyondzisi Lonkulu.
◼ Leswi n’hweti ya November yi nga ni mahelo-vhiki ya ntlhanu, yi ta va n’hweti ya kahle yo nghenela vuphayona bya nkarhinyana.
◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2009 yi ta nyikeriwa hi vhiki ra April 20, 2009. Nhloko-mhaka ya yona yi ta tivisiwa hi ku famba ka nkarhi. Mavandlha lama nga ta va ma endzeriwe hi mulanguteri wa xifundzha kumbe ma ri ni nhlengeletano hi vhiki leri, ma ta nyikeriwa nkulumo leyi eka vhiki leri landzelaka. A ku na vandlha leri faneleke ri nyikeriwa nkulumo yo hlawuleka ku nga si fika April 20.
◼ Hi kombela leswaku mulanguteri la ungamelaka a rhumela xiviko xa timali ta vandlha xa n’hweti ya June, July ni ya August erhavini hi ku hatlisa loko ku hela n’hweti ya August. A swi bohi leswaku mi rhanga hi ku kambisisa swiviko leswi swa tiakhawunti loko mi nga si swi rhumela. Mi fanele mi katsa ni switatimendhe hinkwaswo swa le bangi. Loko mi swi rhumela mi swi kongomisa eka Accounting Office—PBO Registration.
◼ Ndzimana ya lembe ya 2009 yi ta rhumeriwa emavandlheni hambiloko mi nga endlanga xikombelo xa yona. Kambe, mavandlha lamantshwa lama nga sungula endzhaku ka September 1 ma fanele ma endla swikombelo. Ndzimana ya lembe ya 2009 yi ta kumeka hi Xibunu, Xinghezi, Xikwangali, Xikwanyama, Xipedi, Xiputukezi, Xisuthu, Xitsonga, Xitswana, Xivhenda, Xixhosa ni Xizulu. Mavandlha ma fanele ma hayeka ndzimana leyintshwa ya lembe hi January 1, 2009.
◼ Minkarhi yin’wana rhavi ri rhumeriwa fomo leyi nge Literature Request Forms (S-14) ni leyi nge Magazine Request Forms (M-202) kambe ku nga ri na vito ra vandlha kumbe nomboro ya vandlha, leswi endlaka leswaku vandlha ra kona ri nga rhumeriwi swikombelo swa rona. Hi kombela leswaku matsalana wa vandlha a tiyiseka leswaku fomo yi tatiwe hinkwayo a nga si yi sayina kumbe ku yi rhumela.
◼ Broxara leyi nge Require—On Compact Disc (cdrq) a yi nge he humesiwi hi Xibunu, Xipedi, Xitsonga, Xitswana, Xixhosa ni Xizulu. Swikombelo hinkwaswo leswi mavandlha ma nga swi rhumela swa ti-CD teto swi ta suriwa. Kambe ha ha ri na tona ti-CD teto hi ririmi ra Xisuthu, kutani mi nga ha endla swikombelo swa tona hi ririmi leri ntsena.
◼ Ku hleriwe nkandziyiso wa Xihondzo xo Rindza xa Braille lexi nga eka khompyuta lexi nga ta tirhisiwa hi vahuweleri ni hi vanhu lava tsakelaka lava nga voniki kahle ni lava nga mabofu, lava tirhisaka tikhompyuta ta Braille to tsala ha tona tinhla kutani khompyuta yi va hlayela tona. Minkandziyiso leyi kumekaka leyi nga rhumeriwaka hi e-mail yi katsa Xihondzo xo Rindza lexi dyondziwaka evandlheni hi Gredi 2 xa Braille xa Xinghezi ni hi Gredi 1 xa Braille xa Xifurwa ni Xipaniya. Lava va nga ta endla swikombelo swa yona va ta rhumeriwa yona hi e-mail. Lava va tsakelaka ku rhumeriwa yona va fanele va kombela matsalana wa vandlha leswaku a rhumela xikombelo xa vona eka Jehovah’s Witnesses of South Africa, Literature Department, Private Bag X2067, Krugersdorp, 1740. Swikombelo swa kona swi fanele swi tsariwa vito ra munhu wa kona, adirese ya laha a tshamaka kona, vito ra muxaka wa khompyuta leyi a yi tirhisaka, e-mail yakwe swin’we ni ririmi leri a ri lavaka exikarhi ka Xinghezi, Xifurwa kumbe Xipaniya. Loko a nga ri na yona e-mail, a nga rhumela ya munhu un’wana loyi a nga ta hundzisela minkandziyiso leyi eka yena.
◼ Hi ni nhlayo yo tala ya broxara leyi nge Leswi xi swi Languteleke (rq) exitokweni xa hina, kutani hi kombela mavandlha leswaku ma endla swikombelo swa yona leswaku ma ta yi tirhisa swinene hi nkarhi wa tsima ra nsimu leyi nga aviwangiki.
◼ Buku leyi nge Tshama U Ri Karhi U Ehleketa Hi Siku Ra Yehovha leyi ngo yingiseriwa kunene se ya kumeka eka www.pr418.com hi Xinghezi ni hi Xiputukezi eka MP3 ni le ka M4B. Lava va tirhisaka iPod va nga nghena eka fayili ya M4B (AAC) leyi kombisaka ni swifaniso leswi nga ebukwini leyi. MP3 leyi, a yi nge kumeki hi ti-CD leti tolovelekeke. Vanhu va nga ti kumela yona eka www.pr418.com ntsena. Hambileswi nhlengeletano yi hakerisiwaka mali yo karhi loko munhu a kopa nkandziyiso lowu yingiseriwaka kunene eka Internet, lunghiselelo leri a ri durhi ngopfu ku fana ni ku endla ti-CD ni ku ti rhumela.
◼ Ti-CD Letintshwa Leti Kumekaka:
Tshama U Ri Karhi U Ehleketa Hi Siku Ra Yehovha (cdjd)—Xinghezi ni Xiputukezi