Mpfuxeto Wa Xikolo Xa Vutirheli Bya Le Tilweni — Watchtower LAYIBURARI YA LE KA WEB SITE

Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swa mpfuxeto swi ta katsakanyiwa eXikolweni xa Vutirheli bya le Tilweni hi vhiki leri sungulaka hi October 27, 2008. Mulanguteri wa xikolo u ta fambisa mpfuxeto wa timinete ta 30 lowu sekeriweke eka rungula ra tinkulumo leti nyikeriweke ku sukela eka vhiki ra September 1 ku ya eka October 27, 2008.

TINHLA TO TIRHELA EKA TONA

1. Hi nga swi kotisa ku yini ku tiva leswi nga emianakanyweni ya vanhu? [be-TS tl. 259 tindz. 1, 2]

2. Hi nga n’wi pfuna njhani munhu leswaku a tsuvula xihlawuhlawu ni rivengo embilwini ya yakwe? [be-TS tl. 260 ndz. 2]

3. Xana hi nga swi pfuna njhani swichudeni swa hina leswaku swi kambisisa timbilu ta swona hi xikongomelo xa leswaku swi antswisa vuxaka bya swona na Yehovha? [be-TS tl. 261 ndz. 3]

4. I yini leswi hi faneleke hi swi tsundzuka loko hi ri karhi hi tikarhatela ku fikelela timbilu ta vayingiseri va hina? [be-TS tl. 262 ndz. 4]

5. Ha yini hi nga fanelanga hi dya nkarhi loko hi nyikela tinkulumo eminhlanganweni ya vandlha? [be-TS tl. 263 tindz. 1, 3, bokisi]

NKULUMO NO. 1

6. I yini leswi susumeteleke Pawulo ku tsala papila ra yena ro sungula leri yaka eka Vakorinto? [si-TS tl. 210 ndz. 3]

7. Hi swihi swivangelo swin’wana leswi endleke leswaku Pawulo a tsala papila ra vumbirhi leri yaka eka Vakorinto? [si-TS tl. 214 tindz. 1-2]

8. Xana Vakreste va fanele va wu languta njhani ntirho wo chumayela? [si-TS tl. 216 ndz. 18]

9. Xana hi nga endla yini leswaku hi amukeleka eka Xikwembu, ni ku endla leswaku vamakwerhu va tsaka hi hina ku fana ni vamakwerhu va le Filipiya? [si-TS tl. 225 ndz. 12]

10. Xana Pawulo ni vanghana vakwe, va ve xikombiso lexinene hi ndlela yihi evandlheni ra le Tesalonika? [si-TS tl. 231 ndz. 13]

KU HLAYA KA BIBELE KA VHIKI NI VHIKI

11. Swi vula yini ku “nyiketa munhu wo [homboloka] eka Sathana leswaku ku lovisiwa nyama, ku endlela leswaku ku ponisiwa moya”? (1 Kor. 5:5) [w08-TS 7/15 “Rito Ra Yehovha Ra Hanya—Tinhla-nkulu Ta Mapapila Lama Yaka Eka Vakorinto”]

12. Xana rifu ra Yesu ri fanele ri tsundzukiwa ‘kangani’ naswona ‘ku fikela’ rini? (1 Kor. 11:26) [w08-TS 7/15 “Rito Ra Yehovha Ra Hanya—Tinhla-nkulu Ta Mapapila Lama Yaka Eka Vakorinto”]

13. Xana 2 Vakorinto 12:2-4 yi vulavula hi xivono xihi, naswona i mani loyi a nga ha vaka a xi vonile? [w04-TS 10/15 tl. 8 ndz. 4; tl. 10 ndz. 9]

14. Ha yini Pawulo a fanise Nawu wa Muxe ni “mukongomisi wa hina la yisaka eka Kreste”? (Gal. 3:24) [w08-TS 3/1 matl. 18-21]

15. Pawulo a a vula yini loko a khongelela leswaku ‘moya ni moya-xiviri ni miri wa n’wina vamakwerhu swi hlayisiwa’? (1 Tes. 5:23) [w08-TS 9/15 “Rito Ra Yehovha Ra Hanya—Tinhla-nkulu Ta Mapapila Lama Yaka Eka Vatesalonika Ni Le Ka Timotiya”]